معجزة حياتي

الحلقه 🤎2

#معجزة_حياتي🤎2
اليتا Aletta
_______________ 𓆩♡𓆪_______________

محمد درس سيارته و نزل منها و هوا تعبان و خش للحوش بدون ما حد يفطنله
بيان: خشت للمطبخ تبي تساعد خالتها بس هيا ما خلتهش و طلعت ... و هيا طالعه جت عينها على محمد وهو يسلح في تيشرته وجسمه كله جروح بين قديم و جديد
محمد:بحت فيها و عطاها بظهره
بيان: حست بالإحراج
٠ قمعزوا كلهم على الطاوله
زكريا: محمد شنو طبيعة شغلك يعني اخر مره نذكر فيها ما كنتوش عايشين في العز هضا
محمد: بحت فيه بطرف عينه و ماردش عليه 😒
فايزه:شكله طبيعة شغلك كويس عليش ما تاخدش معاك زكريا
محمد: تنرفز من طريقة كلامهم
فايزه: بيان عدي شوفي العيال
مسعوده: عليش ما انتي تعدي تشوفي عيالك 🤨
فايزه: بحتت في زكريا
زكريا: العيال متعودين عليها هيا اكثر من امهم و بحت فيها صبي شوفي العيال بيان هزت راسها وصبت
محمد: لاحظ في علامات في يدها وشك في حاجه
________________
ثاني يوم🌥
.
مسعوده: أنا قلبي مش مريحني على البنت هذي
جلال: ماتخافيش عليها خوها هضا مش حيضرها
مسعوده: خدت تلفونها ورنت على زكريا
زكريا: خير يا خالتي كيف حالك
مسعوده: كويسه الحمدلله ... زكريا
زكريا:نعم يا خالتي
مسعوده: نبي نجي ناخد بيان معايا
زكريا: وين
مسعوده: نبي ناخدها معايه للسوق ونغيرلها جوها
زكريا: بس نحنا مش مقصرين معاها
مسعوده:انا عارفه انك مش مقصر معاها بس انا نبيها تجي معايا تونسني
زكريا:تنهد .. تمام توا تمشي معاكي
مسعوده: تمام سلم وليدي و صكرت ‍
_______________
في العشيه 6:00
فايزه: توا الساعه سته والهانم مازالت ما جت انت كيف خليتها تمشي هااا
زكريا: الله غالب خالتي طلبت مني وما قدرتش نقول لا
فايزه: تعرف اختك هكي توا تتمرد عشان خالتك مصبيه معاها
زكريا: تنرفز من كلامها
بيان: خشت وهيا فرحانه بس طبعا مستحيل تكمل فرحتها لعند ما ما لقت زكريا في الصاله وملامح وجه ما يبشرنش بالخير
زكريا: صبا و مسكها من شعرها وين كنتي يا تافهه لعند توا هاا
بيان: حطت يدها على شعرها ودموعها ينزلن💔
زكريا: أنا توا نعرف نريبك مره اخرى يا تافهه كان زدتي اخر طولتي مزال بدري
فايزه: تتفرج و تبتسم
زكريا: انتي لقيتي من يقويك وانا نعرف كيف نردك كلبه اخرى وخش بيها للدار وعزقها على سرير و يضرب فيها بعدها سيبها وطلع وهيا تبكي💔
فايزه: تدلك في كتوف زكريا آيوه هكي سلم راجلي هكي خليك عينك حمره فيها راه و الله كان خدت راحتها ولقت خالتك تحمي فيها تدير شي حاجة تواطي راسك
زكريا: تي انا نعرف كيف نربيها الفرخه هذي ... طلوع معش فيه لعند ما يجيها نصيبها ونفتك من وجهها المنحوس من اول ما جت ما في حاجه كويسه جت من وراها
فايزه: قربت من وذنه بصوت واطي حبيبي خاطري فيك
زكريا: ضحك سلح تشرته وطفى الضي
.
بيان: قعدت تبكي ودموعها ينزلن وقعدت تحس في ظهرها و قمعزت على الأرض و قعدت تبكي بعبره كانت خاطرها تعيط تعبره على مشاعرها زي الناس 💔

                     🤎 روايات اليتا𝑨𝒍𝒆𝒕𝒕𝒂 🤎
                            🤎 اليتا𝑨𝒍𝒆𝒕𝒕𝒂🤎
بعد أسبوع ☀️
.
مسعوده: ترن على بيان وما تردش و أنشغلت عليها خاصة بعد ما شافت زكريا ومراته كيف يعاملو فيها
محمد: بحت فيها شن في ؟!
مسعوده: انا مش متريحه شيلني نشوف البنت
محمد: تذكر العلامات اللي في يدها
____________
بيان: ناضت وهيا تسمع في صوت خالتها في الصاله.......رفعت راسها تبي تصبي بس حست بثقل و وجع وقعدت حاسه بنار شايطه فيها
فايزه: خشت عليها الدار حولت من عليها البطانيه نوضي يا آنسه شنو تحسابي روحك عشان راقده لعند توا
بيان: تبحت فيها و جت تبي تقمعز بس ما قدرتش
️فايزه: والله ! ما شاء الله من جدك جايين ياخدوك عندهم تتغدي لكن تحلمي تمشي معاهم توا صبي ضيفيهم اي حاجه ماعنديش لهم راس
بيان: تبحت فيها و وجها حمر زين و ماحوته ما تتنفس
فايزه: تهز فيها مش قتلك نوضي ماتسمعيش انتي قعدت تهز فيها أخرى و بعدها قربت من وجهها انتي مريضه و لا شنو حطت يدها على جبهتها و حست بحراره عاليه اووووف من يبي يقعد جنبك توا يعني
بيان: غمضت عيونها
_________
فايزه:طلعت...تعال شوف اختك مريضه
مسعوده: صبت كنها
فايزه: و شن عرفني انا
زكريا: أكيد هضا دلع بنات
محمد:رفع حاجبه🤨
مسعوده: شنو دلع بنات اختك مريضه وتقول تدلع حول هك ودفاته بيدها وخشت عليها
بيان:بعد ما شافتها قعدت تبكي
مسعوده: قربت منها وحطت يدها على جبتها حي عليك نار راكبه فيك....اسسس عليش تبكي
بيان: كان خاطرها تحكي وتشكيلها💔
مسعوده: طلعت.. اختك الحراره شايطه فيها لازم تشيلها للمستشفى
زكريا:مافيش داعي للمستشفى تاخذ بنادول ويقعد ما كأنه فيها شي فكوني من سريب هالمستشفى
محمد: رقتله من كلامه😤 في حد قالك انت تشيلها يا أمي لبسيها انا برا وعطا زكريا نضره وطلع
مسعوده: معقوله ما نسحابك هكي يا زكريا اختك الوحيده راه هذي اختك
فايزه: طروح بنات هذينا عرفتهم أنا
مسعوده: انفصلت عليها نحكي مع خوها انا انتي شن دخلك و خدت العبايه وقعدت تلبس في بيان وطلعت بيها و هيا دايخه
مسعوده طلعت ومعاها بيان
محمد: مسك بيان من مسعوده وسندها عليه
بيان: قعدت تشم في ريحة عطره اللي مخلط بالدخان وكان ريحته قويه

                     🤎 روايات اليتا𝑨𝒍𝒆𝒕𝒕𝒂 🤎
                            🤎 اليتا𝑨𝒍𝒆𝒕𝒕𝒂🤎
الدكتور: انتي مضروبه
بيان: هزت راسها بي لا لا و ماسكه دمعتها 💔
الدكتور: باين في جسمك ما تخافيش احكي
بيان: ساكته
الدكتور: أعلمها شويه و تنزل الحراره وتوا نمر عليك عشان الخروج و الحمد لله على سلامتك وطلع لقا محمد
.
الدكتور: حضرتك تقربلها
محمد: ولد خالتها
الدكتور:البنت متعرضه للضرب يدها كلها مخططة تخطيط
مسعوده:حطت يدها على فمها وخشت تجري
محمد: رقتله و النار ولعت في قلبه وهو مش عارف عليش رقيله ... شكرا تعبناك
الدكتور: ولو هضا واجبي .. شويه و نديرولها خروج
.
محمد:خش بحت في بيان هوا اللي ضربك
بيان: هزت راسها لا
محمد: آخر مره نسأل هوا اللي ضربك و عليش
بيان:دموعها نزلن .. عشان امس ما غسلتش الفرش💔
مسعوده: حسبي الله ونعم الوكيل فيك يا زكريا و في مراتك سوسه....مسكت يد بيان والله من اليوم ماني مخليتك تمشيلهم .. و ح تقعدي معانه
محمد:ماسك اعصابه😡
_______________
منى:قعدت ترجى في امها..... رحموني تعال هنا راه تكسرها
جلال: بالشويه يا بنت على العيل
منى:بابا وين عدت ماما من الصبح
جلال:تنهد عدت تطمن على بنت خالتك و الله البنت هذي واجعني حالها بكل 💔
مسعوده خشت وهيا سانده بيان
منى: أنصدمت من منظر بيان 😳

______________ 𓆩♡𓆪________________

انتظرونا ❤🔥 أنحبكم ❤
الكاتبه( اليتا𝑨𝒍𝒆𝒕𝒕𝒂 )