#معجزة_حياتي🤎4 اليتا Aletta ______________ 𓆩♡𓆪______________ بيان:كانت تبرم في دارها و مشغوله على محمد كيف طلع مستعجل و لعند توا ما روحش ...انا ليش نفكر فيه واجد اوووف بس هوا اول ما رن تلفونه طلع يجري ...سمعت صوت حد تحت نزلت تشوف من لقت محمد مقمعز وشكله مهموم 💔....قربت منه محمد محمد:بحت فيها ... انتي ليش واعيه لعند توا بيان:ما قدرتش نرقد محمد:هز راسه بهي منى جت بيان:اول ما جت رقدت من التعب محمد:باهي كويس بيان:اااء تعشيت محمد:لا ما تعشيتش بيان:باهي نحطلك حاجه خفيفه محمد:بحت فيها و ابتسم من اهتمامها ❤ و هز راسه كان ما فيهش تعب بيان: تعب شنو شويه وتلقاه قدامك و عدت للمطبخ محمد:لحقها للمطبخ و أتكى على مدخل الباب و كتف يديه و سرح فيها و في قصر قامتها و حركتها بين الغاز و الثلاجه كانت لابسه توته لونها زهري و عليها رسمة دبدوب و كانت لابسه طربوش التوته وخدودها حمر ..كاين شكلها زي طفله ❤ بيان:كملت و حطت كل حاجه على الطاوله تفضل محمد: بحت في الطاوله بيان:كانت تبي تطلع محمد مسكها من يدها..و هيا حست قلبها قريب يطلع من مكانه و بحتت فيه محمد:شكرا تعبتك معايا بيان:ما فيهش اي تعب و اللي درته انا ما يساويش شي من اللي درتوه ليا وطلعت محمد: بحت فيها لعند ما اختفت من قدامه وتنهد ________ منى:ناضت و خدت تليفونها تبي تشوف بلكي تلقه وائل رن ولا دز رساله بس مالقتش 💔ناضت وخشت للحمام و عدت تنوض عيالها و توتيهم عشان اليوم بيجوهم أقاربهم كلهم عشان سمعو بمرضها بيان:كانت في المطبخ توتي في الفطور وخالتها كانت تدير في الحلويات اللي تبي تضيف بيهن الضيوف منى:خشت صباح الخير بيان&مسعوده:صباح النور منى: نساعدكم في حاجه محمد:خش الحاجه الوحيده اللي تقدري تساعدي بيها انك تقمعزي و ما تتحركيش منى:توا هذي مساعده محمد:و احسن مساعده اخرى ❤ بحت في بيان اللي لابسه مريول المطبخ وشعرها حايس وقاعده على الغاز تقول قاعده في ساحة معركه...في حرب هنا ولا شنو كنهن اشكالكم هكي مسعوده:بحتت تلاها لقت الدقيق ملبز ابدنيا و لقت بيان حالتها حاله و ضحكت 😂والله من الفلوجه من صبح و أنا و بيان نجرو عشان نلحقو بيان:بحتت في تليفونها لقت شكلها فضيحه تحشمت😖 . نمشو في الأحداث شويه بيان ومسعوده كملو المطبخ وضمو الحوش ومنى كانت تبي تساعدهم بس ما خلوهش و محمد كان ماسك عيال اخته وكاين يلعب معاهم و بيان مره مره تمشي تاخد نظره تتامل فيهم بعد ما كملو عدو يوتو في أرواحهم . محمد كان ماشي في اتجاه دار منى يبيها تحددله دبشه بيان:كانت فى الدار لابسه شنبر و تمشط في شعرها محمد: خش منى نبيكي و سكت لما شاف بيان بيان:انصدمت و معش عرفت شن تدير 😳 محمد:برم وجه وطلع و سكر الباب و نزل و هوا يضحك لقا منى راكبه...منى حديلي دبشي لو ما فيهش تعب منى:جيبه توا نديره لك بس عليش تضحك محمد:حط يدها على شعره🙂 نرجا في دبشي جيبيه ليا في الدار و عدى و هوا مبتسم منى:خشت على بيان في الدار لقتها قاعده مصدومه و وجهها حمر... كنك بيان:ناضت من الصدمه خوك البارد خش عليا هكي منى:فهمت عليش البارد كاين يضحك بيان:عليك اجراج كيف نبي نوري وجي 😣 منى:ما تركزيش لقطه جت بدون قصد...قعدت تحدد في الدبش.. نعدي نعطي محمد دبشه و توا نجي بيان:باه😥 ________ منى:خشت على بيان وهيا تمشط في شعرها ليش ما حطيتي شويه مكياج بيان:لا لا فكيني و بعدين فايزه جايه و توا تبص عليا منى:وهيا شن دخلها🤨خلاص انتي تبي تقعدي عند ماما بيان:هكي خير انا متريحه تبي حاجه مني نبي ننزل منى:لا لا شكرا . بعد شويه جو عيت عمامهم و عماتهم و طبعا جت فايزه و هيا تحلف أنها تخلي بيان تعيش عندهم زي قبل وتخدمها و بنات عم محمد مش مريحات روحهن يضايقن في بيان . سوزان: لحقت بيان للمطبخ انتي و دفتها بصبعها احسنلك تبعدي عن حبيبي محمد وقعدت تشير عليها من فوق للوطا اساسا هوا مستحيل يبحت في وحده زيك 😏 بيان: و كني انا شن ناقصني يعني سوزان: و الله اسألي روحك عليش خوك يمد في يده عليك عشانك مش متربيه و هوا ما يحبش اللي زيك انتي مش من ستايله محمد:كاين يدخن 🚬 جنب باب المطبخ وسمع الكلام كله بيان: طلعت و هيا ماسكه دموعها و ركبت فوق محمد: عزق الدخان وهوا متنرفز 🚬وخش للمطبخ سوزان: ابتسمت حمادي ويين معش شفتك محمد: مسكها من يدها بالقوه...كيف تحكي هكي مع بيان 😤 سوزان:هيا يلي بدت مش انا هيا قالت محمد: ردي بالك تقولي عليها حاجه غلط انا سمعت كل اللي قلتيه توا و حتمشي تعتذري منها سوزان:انا ما نعتذرش من حد محمد: صار هكي .. تمام تحملي يلي يبي يصير و عدا يلحق في بيان _________ بيان:ركبت وهيا زعلانه و ماسكه دموعها و حست فيه حد وراها محمد:بيان بيان:بحتت فيه نعم محمد:كنتي تبي تبكي بيان:عليش نبي نبكي مثلا بس في حاجه خشت في عيني💔 محمد:قرب منها متاكدة بيان:يعني انا نكذب محمد:انا ما قلتش هكي بيان:انا نبي ننزل تبي حاجه مني محمدد: مسك يدها آسف على الكلام يلي سمعتيه بسببي بيان:سحبت يدها بالشويه لا عادي مفيش داعي تعتذر و عدت و سيباته ونزلت محمد:تنهد ونزل في جرتها فايزه:كانت مركزه فيهم و في نظراتهم.....ساهل يا كلبه توا نخلي خوك يربيك __________ بيان:خشت للدار و هيا مخنوقه و دموعها يبن ينزلن وقمعزت عالسرير....انا شن درت في حياتي بيش يصير معايا هضا كله يارب 💔 سوزان: خشت بعدي شويه نبي نحط حاجاتي عشان نبي نبات 😒 بيان:طلعت من الدار و حقت محمد تفاداته و عدت محمد:استغرب من ردت فعلها بيان: كانت تبي تنزل بس سمعت صوت سوزان سوزان: محمد انا اسفه عشان حكيت معاك هكي و أبتسمت وقربت منه بيان:نزلت وفي عقلها صدقت سوزان ... هوا عليش يبي يبحت في وحده كيفي💔 محمد:بعدها مش انا اللي مفروض تعتذري منه و ياريت تخلي مسافه بيننا و خش لداره بيان:خشت للمطبخ و لحقتها فايزه فايزه:مشالله عايشه عندهم معززه مكرمه بس الوضع هضا مش حيطول😏 بيان:انتي توا شن تبي مني فايزه:ما نبي شي منك جايه بس نطمن عليك وطلعت بيان:خدت نفس مليان هموم و تعب و قعدت تلم في الحوسه💔 منى:خشت و هيا ماسكه تليفونها ترن على وائل مايردش و قمعزت على الكرسي و هيا تتفرج على صور وائل بيان:حطت قدامها كباية ميه ..مازال ماردش منى:هزت راسها لا ماردش....بيان انا مش قادره نتحمل الوضع هضا💔 بيان:بلكي مش فاضي منى:بيان انتي مش عارفه حاجه انا كل يوم نتعدب💔....نبي نعرف شن غيره فجأة عليا من ثلاث شهور كان حالنا كويس بس بين يوم و ليله تغيرت كل حاجه بيان:مش عارفه شن نقولك الحق ... بس ديري يلي يريحك منى: هضا يلي حصير ____________ ❤️بيان:قاعده في الجنان فجأة حست في حد وراها تلفتت وتلبكت عشان كانت بدون وشاح طاهر ولد عم محمد: كنه الحلو بروحه هنا 😉 بيان:جت تبي تعدي طاهر:وين تبي تعدي قلت حاجه غلط محمد:شن في هنا بيان:خشت بسرعه بدون ما تبحت في محمد محمد:عطاها نضره طويلة و بحت في طاهر طاهر: من هذي اول مره نشوفها عندكم محمد: قريبتي طاهر:اممم وقعد يحك في لحته محمد:فيه حاجه طاهر:لا سلامتك نراجي في هلي يطلعو _________ وائل:خش حوش امه و عزق مفاتيحه فتحيه:كنك جاي تقول ملزوز من حوشك وائل: أصلا الحوش فاضي حطيت منى عند هلها فتحيه:قمعزت جنبه وضعك مش عاجبني راه وائل:و راس امي انا بروحي مصدع فتحيه: واضح من وجك فيك حاجه احكيلي انا امك مش حد غريب وائل: بحت فيها و تنهد آخ يمي انا بروحي مش عارف شن صايرلي ... مش فاهم حاجه فتحيه:كيف يعني وائل:معاملتي مع منى كل يوم شكل يوم حنون عليها و يوم مش طايق وجهها كان نحصل نطلقها فتحيه : شنو طلقها منى بنت ما كيفها حد تبي تسيبها وائل: والله عارف و أنحبها بس وقتها مش عارف شن يصيرلي فتحيه:بحتت فيه بشك باهي انت رنيت عليها او شفتها وائل: من يوم طلعتها من المستشفى لا شفتها و لا حكيت معاها فتحيه:باهي خليك اليوم بايت عندي توا انديرلك حاجه تاكلها و صبت و هيا تفكر وائل: طلع تليفونه وحط على صورة منى💔 ____________ فايزه:ركبت السياره و ساكته زكريا: يسوق ...كيف كانن الأجواء فايزه: ضحكت بهزوة يعني طبيعي وين ما اختك موجودة اتكون الأجواء حلوه زكريا: هيا دارتلك حاجه فايزه:ما تقدر تديرلي شي بس الكل يحكو عليها تقول ما فيه غير هيا زكريا: فوتيها توا خليني في الاحمر يلي في فمك🤤 فايزه:فكني منه توا في حاجه مهمه و نبي نقولك عليها زكريا:نوصلو و توا نحكو . وصلو للحوش رقدت العيال وطلعت لزكريا و قمعزت جنبه فايزه:زكريا زكريا:مركز عيونه في فمها 🤤 فايزه:انا شفت حاجات و لازم نحكيلك عليهن ..انت عارف أن انا ما أنحبش الغلط زكريا: بحت فيها شنو شفتي فايزه:اختك و محمد ______________ 𓆩♡𓆪______________
انتظرونا ❤🔥انحبكم❤ كاتبه( اليتا𝑨𝒍𝒆𝒕𝒕𝒂 )
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
