معجزة حياتي

الحلقة 🤎8 ماقبل الأخيره

#معجزة_حياتي🤎8ما قبل الأخيره
اليتا Aletta
________________ 𓆩♡𓆪_______________
فات اليوم الاول.....و الثاني...و الثالث
و محمد في اليوم يكلم فيها اكثر من ثلاث مرات كاين يطمن فيها و يحكيلها وتحكيله و كاين يوصي فيها تاكل كويس وما تشيلش حاجه ثقيله
في يوم محمد قاللها مش حيقدر يكلمها عشان عنده شغل واجد
بعد مر شهر و محمد مختفي لا كلمهم ولا سمعو عليه حاجه
_______
بيان:محمد وينك نسمع في صوتك بس وينك و تبحت يمين و يسار و شافاته و مشت في اتجاهه و قربت منه فجأه اختفى
ناضت مفجوعه من الحلم كانت محوته ما تتنفس و العرق يصب حطت يدها على قلبها وتعوذت من الشيطان و مسرع ما نزلن دموعها💔🔥
.
.
مني:خشت عليها بيان كنك
بيان:شفت محمد بعدها اختفى و معش شفته و دمعوها ينزلن💔🔥
منى:مدتلها طاست ميه..هاكي اشربي وتعوذي من الشيطان
بيان:خذتها و شربت و حطت يدها على بطنها و كاين بارز
منى:حاولي انك ترقدي مره اخرى
بيان:سامحيني عارفه ان درتلكم قلق من لما مح
منى:قصت عليها...معش تقولي هكي انتي بنت خالتي و مرات خويا و هضا واجبي
بيان:ربي يرده ليا بالسلامه 💔🔥
منى:امين يارب
بيان:تعرفي انا ما كنتش عايشه زي بنات اللي من عمري ...هوا دارلي شان و قدر و ما عرفتش معنى السند الا معاه هوا ❤
البنت ديما تسند على باتها و خوتها لكن انا خسرت باتي لما كنت صغيره و زكريا و لا مره حسيته سندي عشت طول عمري انا سند روحي...اول مره نحس عندي ظهر نقدر ننسند عليه
منى:غير وين محمد .. تعال اسمع كلام الحب و الغرام
بيان:ما فيش كلام يوصف حبي له
منى:تبي مني حاجه توا
بيان:لا سلامتك تعبتك معايا سامحيني
منى:معش تقولي هكي مش بيناتنا و طلعت
بيان:فتحت تلفونها و قعدت تقرى في رسائلها هيا و محمد ودموعها ينزلن زي الجمر على خدودها🔥حست روحها مخنوقه تبي تشوفه تبي تسمع صوته حطت على رقمه رنت مره أثنين و ثلاثه بس نا ردش ....
عليش فرحتي ديما ناقصه ! عليش يلي نحبهم مش معايا نزلت من السرير و فتحت الدولاب خدت التيشرت يلي كان مليان بعطره و لبساته و توجهت لسرير و رقدت🔥
____________
ايمن:مقمعز في الصاله و يدخن🚬
زينا:ايمن لك شهر وانت على الدخان بس
ايمن:زينا مش وقتك فوتي امي توا
زينا:يعني عشان انت خايف على صاحبك تعاملني هكي
ايمن:اعصابه فلتت يلي تحكي عليه رفيق دربي و ما نرضش حد يتكلم عليه او يقارن روحه معاه
زينا:ويلي تحكي عليه خويا اللي ما جبوه هالي كان سندي اكثر من هلي اكثر حد صبا معايا مش انت بس يلي مشغول عليه و عدت سيباته و خشت لدرها 
ايمن: معصب و كسر الفازه يلي جنبه وقعد يهدي في روحه
________
ثاني يوم
.
بيان:نزلت عشان توتي معاهم الفطور لقت منى وتت كل حاجه
حطو الفطور في دار المعيشه و قمعزو يفطرو
مسعوده:يا بنتي هضا مش حال ....من اول ما سافر محمد و انتي معش تاكلي
بيان:ولله يا خالتي ناكل
مسعوده:حبيبتي ردي بالك على صحتك و صحة ولدك معقول يجي محمد يلقاكي هكي و يجي قولي معقوله يمي ما قدرتيش عليها
بيان:طبست راسها💔🔥
                 🤎 روايات اليتا𝑨𝒍𝒆𝒕𝒕𝒂 🤎
                      🤎 اليتا𝑨𝒍𝒆𝒕𝒕𝒂🤎
ايمن: تلفونه رن...انت فيش تحكي صوته بدا يعلى
زينا:ايمن شن فيه
ايمن:خدا مفاتيحه و طلع بدون ما يرد عليها وعد مقرهم بحت جينائي
.
طلع من الحوش و زينا انشغلت عليه و قعدت ترن عليه كم مره و هوا ما يردش
.
ايمن: درس قدام حوش محمد قعد مصبي ساعات لين نزل ورن على الجرس
جلال:فتح الباب اهلين بولدي خش
ايمن:خش وصبا عند باب المربوعه مش عارف كيف يحكي ولا من وين يبدا
جلال:استغرب ... أيمن كنك مصبي غادي تعال
ايمن:قرب منه و وجه كاين اسود واضح انه كاين يبكي
جلال:ايمن شن في
ايمن:محمد الطياره اللي كاين فيها طاحت في البحر
جلال:ما تقولش ولدي مات💔🔥
ايمن:مطبس راسه ان لله وانا اليه راجعون
جلال:الضغط ارتفع عند🔥💔
_________
بيان: صوتها يعلى بالبكي💔
منى:نزلت مفجوعه من العياط شن في يا هو
مسعوده:ولدي عدا و تبكي
منى:م مح محمممد وقعدت تبكي💔
بيان:محمد مزال عايش انا متاكده
منى:قربت منها وضبطتها و تبكي محمد مات ماات
بيان:بعدت من عليها محمد ما ماتش معش تقولي مات
منى:محمد مااات استوعبي و تبكي خويا وسندي مااات💔🔥
بيان:هوا قال مش ح يسيبني هوا قاااالها وقعدت تعيط ما ماتش كذب ك كذذب💔🔥
مسعوده:ينعلياااا عدااا ولدي عداا وحيدي وليديي نعليااا انقهرت فيك ينعلياا
___________
زينا:قاهده تدور في الصاله و ترجا في ايمن
فهميه:رد عليكي
زينا:لا مزال
فهميه:ما تخافيش عليه هذي مش اول مره يدير هكي انا نبي نرقد تبي حاجه
زينا:لا سلامتك
خشت فهميه و زينا قاعده ترجا في ايمن و عقلها يمشي و يجي
ايمن:خش ولقا زينا قدامه حضنها زي البيبي الصغير وقعد يبكي💔🔥
زينا:ايمن شن في
ايمن:حضنها وما ردش عليها و يبكي و بس🔥
.
(موعرها بكية الراجل .. محمد و ايمن ما كانوش اصحاب بس كانو خوت دربهم واحد لدرجة أن الواحد فيهم مستعد يعزق روحه للموت عشان الثاني 💔🔥)
.
_______________
بعد مرور ثلاث سنين علي وفاة محمد💔🔥
في مكان شكله كيف الحبس كاين فيه مجموعة اشخاص
كاين في واحد يرسم على الساس و عاطي بظهره و مش معدل على حد جاه واحد
الشاب1:في من ترسم وانت من اول ما جيت ترسم في نفس الرسمه!!!؟
الشاب2:ما ردش عليه
الشاب1:شكلك متزوج من يلي ترسم فيها
محمد :بحت فيه بطرف عينه
الشاب:قعد يحاول يخلي محمد يحكي معاه.....
ومحمد:بشوي بشوي قعد يستجيب و يدوي
الشاب:قصتك انت و بنت خالتك عظيمه ... إن شاء الله ربي يجمعك معاهم قريباا و تشوف ولدك و تربيه
محمد: سند راسه على الساس و قعد يشوف في صورة بيان قدام عيونه كاين متمني يشوف ضحكتها و يحكي معاها كاين يتخيل في شعرها و هوا مبلول و كيف ريحته حلوه❤🔥
الشاب:نبي نسألك
محمد:تفضل
الشاب:انت شن جابك هنا كيف مسكوك
محمد:تنهد حكايه طويله بكل
الشاب:اسمعني نحنا نقدرو نطلعو من هنا كان تبي
محمد:كيف
الشاب:حصلت حد يقدر يهربنا من جوا
محمد:بحت فيه
_______
محمد:واخيرا نبي نشوف حبيبتي و ولدي و دمعته نزلت يا ناري....يبي يشوف امه و باته ومراته
و بيان جت بين عيونه و قعد يذكر في كلامها حركاتها نضراتها له خوفها عليه ❤
الشاب:بس عندك مشكله وحده
محمد:بحت فيه شن هيا
الشاب:لو هلك ضنو انك متوفي في المطار حيلقو القبض عليك بتهمة انتحال شخصيه
محمد:باهي شن الحل توا
الشاب:عندك حد توثق فيه و يقدر يساعدك
محمد:طول ايمن جا بين عيونه..صاحبي و خويا
الشاب:تمام اول ما نطلعو من هنا لازم تتواصل معاه بيش يسهل عليك الترويحه
                 🤎 روايات اليتا𝑨𝒍𝒆𝒕𝒕𝒂 🤎
                      🤎 اليتا𝑨𝒍𝒆𝒕𝒕𝒂🤎
محمد:قاعد يفكر كيف يبي يوصل المعلومه لايمن بس بدون ما يحطه في المشاكل
الشاب:قمعز تلاه اسمع بكره نبي أنفذو الخطه و مدله التيليفون بس بالسر تواصل مع صاحبك يلي قلت عليه
محمد:خدا التيليفون ودسه
.
.
ساعه2:00 اليل
.
ايمن:كان في السياره و يدخن🚬فجأه تيليفونه رن لقاه رقم اجنبي قعد يبحت في الرقم فتره طويله بعدها رد الو....و هنا كانت الصدمه لما سمع الصوت كان يحساب روحه يتخيل بس طلع صوت محمد 😳
محمد:ايمن تسمع فيا
ايمن:وينك انت وين كنت سنتين كاملات مختفي
محمد:هذي قصه طويله توا اسمعني يلي حنقوله لك محد يعرف بيه وخاصة بيان
ايمن:تمام
محمد:بدا يحكيله شن صار لما كان ماشي في اتجاه المطار و فجأه صبت عليه سياره و كان فيها وحدين معاهم اسلحه ... و حكاله كيف حبسوه وعذبوه
ايمن: يسمع و قلبه يوجع فيه على صاحبه
محمد:هضا يلي نبيك تديره و أفطن حد يعرف حاجه
ايمن:تمام خلي الموضوع شوري و سكر
___________
الي ماذا اشتقتي؟
اشتقت  لكل شيئ نغمة مفاتيحه لتعلن قدومه من العمل صوت خطواته في اتجاهي ، ابتسامته عندما يضحك ، اشتقت لانعكاس نفسي في بريق عينيه السوداء عندما احكي له ما فلعت ❤
كم اشتقت لك يا حبيبي اشعر انك بجانبي و قلبك ينبض بأسمي
.......سكرت مذكرتها وحطتها جنبها و بحتت في ولدها و قعدت تتأمل في ملامحه
.
بيان:عينها دمعت 🔥غطت ولدها و رقدت جنبه و هيا حاسه في حاجه تبي تصير
.
.
محمد:قريب يطير من الفرحه و قعد يفكر في ردت فعل بيان لما تشوفه قدامها بس قبل ما يعطي هله العلم انه مزال عايش لازم يسكر كل المواضيع
___________
ثاني يوم ايمن طلع من الصبح ومن دون ما يندري عليه  حد وين ماشي
محمد:كان يصلي ويدعي (يارب خليك معايا و ساعدني نطلع من المكان هضا و نشوف اهلي يارب انا عبدك اطلب منك و يدي مرفوعات لك)❤
الشاب:قريب منه ربي يتقبل ان شاء الله
محمد:امين
الشاب:وتي روحك حاجة ساعه ونبدو في يلي حكينه فيه
________
بيان:هي انزل راه تطيح
زياد:ما نبيس
بيان:توا تطيح هكي
زياد:ينط ويقول ما نبيسس ما نبس🙂
مسعوده:نفس تسكيرت راس باته الله يرحمه حتى هوا كاين هكي
بيان:تي انزل خير ما نحرمك من التيليفون
زياد:نزل بسرعه لا حلاص نزلت
بيان:تعال افطر هي عشان تلحق الروضه
زياد:ما نبيس دحي نبي ملبه🙂
بيان:يارب على العوج
زياد:عادي يا ماما 😀
مسعوده:عليك لسان كله انت تضحك
زياد:عمو معاذ قال يبي يخليني نلعب معاه بلاستيشن
بيان:عمك معاذ هضا خربك هي افطر بسرعه
_________
بيان:هي البس شنطتك قبل ما يجي معاذ
الباب رن زياد عدا يجري فتح الباب
معاذ:اوو صقري
زياد:ثاحبي .. و سلم عليه🙂
معاذ:هي واتي
زياد:واتي هي نعدو للقهوه
معاذ:قهوة شنو يا همي للمدرسه نعدو🤦🏻‍♂️
زياد:عادي ما نعدوش المدرسه و نعدو القهوه 🙂
بيان:رفعت حاجبها 🤨ما شاء الله يا استاذ معاذ خربت العيل
معاذ:انا مش شوري ولدك وحده خارب🙂 هي وانت جيبلي الكلام
زياد:عدا باس خد امه و طلع❤
بيان:تبحت فيه و تتأمل فيه وهوا طالع ❤ودمعتها نزلت
________
محمد:كاين وجه كله دم ودبشه متشرط
الشاب:مبروك حريتنا
محمد:اي حريه غير نردو لبلادنا قبل بعدها بارك و ركبو السياره وهربوا
.
.
ايمن مشا للمقر وحكالهم ان محمد كاين محبوس و قدر يهرب ويبي يجي للبلاد و فعلاً امنو الأجواء عشان جيته و استقبلوه بس خةوه عندهم كم يوم عشان يتأكدو انه ما سرب شي او اعترف بحاجة فترة تعذيبه و طلقوه و ايمن كاين معاه خطوه بخطوه لين افرجوا عليه
.
.
ايمن:سلم عليه الحمد لله على السلامه يا طير هضا حد السو ان شاء الله
محمد:الله يسلمك و تصبايتك هذي و الله ما نسيها لك
ايمن:عيب عليك نحنا رفقت عمر و دربنا واحد
محمد:خويا الغالي منور و الله المهم الفتره هذي محد لازم يعرف اني رديت للبلاد الوضع مش مستقر
ايمن:امس فطنت أن فيه وحدين يراقبو في حوشكم
محمد:الكلاب حسابهم معايا غير انتم اموري بعدها انصفي حسباتي كلها معاهم🔥يحسابوها تبي تمشي بالساهل اللي داروه فيا
ايمن:عطاه طاقيه يلبسها و شنطه فيها دبش و فلوس ... الفتره هذي حتقعد في الشقه و هذينا مفاتيح  السياره و الشقه و السياره في القراج
محمد خدا الطاقيه لبسها و الشنطه هي تبي حاجه مني
محمد:سلامتك و افطن لكل حركه تديرها
محمد:من دون ما توصي
ايمن:تنهد و ركب سيارته
.
محمد:وصل للشقه و عزق روحه على الصالون و غمض عيونه و يفكر كيف يوصل لبيان انه مازال عايش بدون ما يضرها هيا و ولده ... قعد يفكر قريب ساعه و قلبه ما هنش فقرر ان يمشي للحوش في الليل
_______________ 𓆩♡𓆪________________
انتظرونا ❤🔥انحبكم❤
الكاتبه( اليتا𝑨𝒍𝒆𝒕𝒕𝒂 )