#معجزة_حياتي🤎7
اليتا Aletta
_______________ 𓆩♡𓆪_______________
في اليل ساعه 2:00
.
بيان:كانت مقمعزه مشغوله على محمد الوقت متأخر و محمد مازال ما جا
سمعت صوت الباب انحل
بيان:عدت حضناته
محمد:حضنها بقوه و قعد ساكت
بيان:قعدت حاضنته و بصوت واطي وين طولت
محمد:دف راسه في رقبتها اششش ما تحكيش خليك هك
بيان:هزت راسها و قعدت حاضنته وتمشي في يدها على شعره وكانت حاسه أن فيه حاجه بس ما حبتش تحكي معاه وخلاته على راحته و هوا حاضنها بقوه
محمد:بعد من عليها وسلح جاكته وقمعز على السرير وهوا مهموم
بيان:قمعزت جنبه على السرير فتحت يديها
محمد:طول رقد في حضنها و كان حضنها ملجأه له بيش يهرب من المشاكل والهموم
بيان:كانت تمشي بديها على شعره...محمد
محمد:بيان ما تسأليني على شي توا بكره توا نحكيلك
بيان:سكتت باهي نحطلك حاجه تاكلها
محمد:لا مانبيش ناكل شي بس خليني في حضنك وقعد حاضنها بالقوه❤🔥
_______________
محمد:ناض ولقا روحه راقد في حضن بيان قعد يتأمل فيها و في شكلها و بعدها سحب روحه بالشويه وخدا دبشه و خش للحمام
بيان:ناضت و قعدت تتكسل لقت محمد يمشط في شعره و يلبس في ساعته..صباح الخير
محمد:صباح النور وخدا جاكته و يبي يطلع
بيان:كنك مستعجل هكي اصبر انديرلك فطور
محمد:توا نفطر في المقر نبي نطلع مستعجل و قرب منها و باس راسها وطلع
بيان:تنهدت ماندري شن صاير معاك ان شاء الله خير
.
محمد:وينك انت توا
ايمن:قاعده قدام المركز نرجا فيك
محمد:هيا جاي توا وركب سيارته
_______
محمد:من وين طلعتلي القصه هذي
ايمن:لازم تمشي ماعندك وين تبلط منها
محمد:طلع الدخان 🚬باهي شن امورك معاها يا عريس
ايمن:تي قريب تجلطني من لسانها
محمد:ضحك والله توقعتها😂
ايمن:هي تبي حاجه
محمد:عزق دخانه لا منور
ايمن:ركب سيارته وعدى
محمد:قعد في دوامة تفكير كيف يبي يحكي لبيان واذا كان حيروح ولا لا ولو صارله حاجه بيان شن حصير فيها و ولده ح يعيش يتيم 🔥
________
بيان:بعد ما طلع محمد بدت تلم في الحوش و تحس بدوخه لمت الحوش و خشت دارت دش و لبست بيجامه قصيره قطنيه و معاها ماليه كم على شكل بانده و لبست الطربوش و دارت شاهي و قمعزت على التلفزيون
بعدها رنت عليها زينا
زينا:هلووو🙂✌🏻
بيان:اهلين
زينا:كيف حالك وحال راجلك الحمار
بيان:ضحكت كويسين و أنتي كيف حالك يا عروس
زينا:عروس ايش راجلك الحقير من ثالت يوم عرس خذا راجلي مني🥲
بيان:وليش خذاه منك راجلك
زينا:و انا شن دراني بعدين انا زعلانه منكم معقوله نعرف انك حامل من عمتي مسعوده🙂
بيان:ضحكت باهي يا حنه اسفه ماتزعليش
زينا:لا زعلانه رضوني🙂
بيان:ضحكت حاضر توا نرضوك😂
محمد:خش للحوش
بيان:باهي بعدين توا نحكو
يارا:تمام هي 🙂
بيان:ليش طولت
محمد:تنهد كان عندي كم موضوع هك
بيان:اها باهي انت توا خش دوش علي ما حطتلك حاجه تاكلها
______
محمد:قمعز جنب بيان و مسك يدها
بيان:بصوت واطي فيه حاجه
محمد:حط يده على خدها مافي شي بس نبي نقولك حاجه
بيان:باهي احكي
محمد:يلي نبي نقوله لكي مانبيكش تعارضيه
بيان:قعدت تبحت فيه بتوتر محمد شن في
محمد:مسك يديها وباسهن في كفهن انا نبي نعدي
بيان:قلبها قعد يدق بقوه وين تبي تعدي
محمد:نبي نسافر ... فيه قضية تهريب برا و نبي نعدي نتابعها غادي
بيان:تبحت فيه وعيونها تعبن دموع و بصوت يرعش تكذب عليهاا صح💔🔥
محمد: اسمعني
بيان:شن نبي نسمع فكت يدها بقوه و صبت و دموعها ينزلن بصوت يرعش بتعدي و تسيبني 🔥💔
محمد:صبا وجا قدامها انا مستحيل انسيبك
بيان:كييف كيف وانت تبي تعدي و دموعها ينزلن انننت ساامع روحك شن تحكي
محمد:وطي صوتك واسمعني بس
بيان:حطت يديها على وذانها مش سااامعه مش سامعه و تبكي
محمد:قرب منها و مسك يديها بقوه وعيط وطي صوووتك قلت
بيان:قعدت تبكي بحرقه وتحكي في كلام مش مفهوم و تشهق💔 و اتبحت في عيونه بتسيبني ااااه بتعدي ممش مفكر فيااا ولا في ولدنا مش مفكر شن حصير فينا لو صارتلك حاجه
محمد:مش بيدي هضا شغلي ولازم نمشي وكان وخرت نقعد مش راجل
بيان:تبكي يعني هضا يلي هامك تقعد راجل في عيونهم
محمد:افطني روحك بديتي تغلطي
بيان:دفاته ومشت لدارها وقعدت على سرير و يدها على وجها تبكي💔 شويه ولحقها محمد وقمعز على ركبته قدامها ومسك يديها
محمد:بحتي فيا
بيان:رفعت عيونه وهيا تبكي
محمد:وربي ما هاين عليا نعدي و نسيبك شن تحسابيها ساهله عليا نقعد بعيد عنك قوليلي شن اندير ما نقدرش نوخر نبيكي تكوني راضيه و تدعميني ما نبيش نعدي وانتي زعلانه مني وخايفه عليا تصيرلي حاجه
بيان:غطت فمه بيدها مدامه عارفه ليش تمشي حرام عليك ليش دير فيا هكي💔 و تبكي بصوت مخنوق انا ما عندش حد غيرك ماعنديش الا انت تبي تحرمني منك انا خسرت ماما و بابا لما كنت صغيره و توا تبيني نخسرك حتى انت 💔 ليييش بس ليش
محمد:كرها بقوه لحضنه اسس اهدي خلاص
بيان:تبكي في حضنه مما تعدديش وت وتسيبنا💔
محمد:مش قادر يشوف بكيتها حط يده على ظهرها ويمشي في يده اهدي
بيان:ااءوعدني
محمد:باااهي غير اسكتي
بيان:صبت من حضنه بصوت عالي اوعدني و خدت شيشة عطر كسرتها و في كباية ميه كسرتها حتى هيا اووعدني
محمد:شن درتي انتي
بيان:جتها كيف هستريا💔
__________
مسعوده:ينعليااا كنهم
جلال:خليهم مشكلهم يحلوها وحدهم
مسعوده:ماتسمعش صوت تكسير
جلال:نسمع بس شن تبي تديري يعني
مسعوده:انا خايفه على البنت أنت عارف ولدك لما ترقاله
جلال:مشكلهم يحلوها وحدهم ردي بالك تركبي
مسعوده:قمعزت وقلبها مش مريحها وحاسه في حاجه
__________
بيان:قعدت تبكي و حاسه روحها مخنوقه و دمعوها ينزلن زي الجمر على خدها كانت خايفه تفقد محمد صعب وصف شعورها كيف كاين💔
هيا فقدت واجد في حياتها انحرمت من ابسط حقوقها عاشت بذل و اهانه تحت رحمة زكريا و فايزة و بعدما ضحكت و عاشت احلى ايام حياتها بي تنحرم منها مره اخرى و تفقد شخص آخر محمد كاين لها ام واب واخ وسند والحبيب كان كل شي في حياتها
لما كاين يعدي لشغله كانت تقعد مشغوله عليه و تقعد خايفه عليه و لما يروح مجروح كانت ترعش عليه
محمد:بصوت واطي بيان
بيان:برمت وجها لجيهه ثانيه
محمد:باهى حسي بيا
بيان:انت اللي حس بيا
محمد:حضنها بعدها بعد من عليها و باس راسها ولله واعره عليا حتى انا🔥💔
بيان:قعدت ساكته ودموعها ينزلن
محمد:نزل لأمه و باته عشان يحكلهم
___________
مسعوده:لا يا ولدي الله يربحك ما تعدي
محمد:امي شغل هضا ولازم نمشي
مسعوده:بس انا مش مطمنه خليك جنبي و جنب مراتك البنت حامل
جلال:يا وليه قال شغل و مايقدرش يوخر
مسعوده:انت مش خايف عليه يعني
جلال:اهوو بدينا في نفس أسطوانه كل سفره ولدي هضا و أكيده خايف عليه بس عشان خايف عليه نحبسه تلايا
نحنا يلي علينا ندعوله يروح بسلامه و الباقي على لله
مسعوده:تبكي ما تبيش ولدها يعدي و هيا مش متريحه للمشيه هذي بذات مهما كان هضا قلب ام 🔥❤
محمد:باس راسها و مسح دموعها ... أمي عويناتك غالين عليا
مسعوده:إن شاء الله ربي يفتحه في وجك وتروح طيب لنا ❤و تبوس فيه
____________
محمد:خش على بيان لقاها راقده على السرير وجا رقد جنبها
بيان:برمت وجها له وعيونها كاينات حمر من البكاء
محمد:قرب منها حضنها❤🔥
بيان:دفنت راسها في حضنه
.
ثاني يوم ❤🔥
.
محمد:ناض و يشوف في بيان كيف راقده في حضنه و ماسكته بقوه كاين قلبه يوجع فيه مش قادر يعدي و يسيبها اول ما تحرك من جنبها... هيا ناضت مفجعوه و تعيط
محمد:اششش انا هنا ما تخافيش
بيان:دفنت راسها في حضنه و قعدت ماسكه بكيتها
____________
بيان:طلعت بروب الحمام و تمسح في شعرها و لفاته فوق و نزلت خصلات بيسطه من قدام و دارت ملمع الشفاه وطلعت و عدت للمطبخ
محمد: قاعد و عاطيها بظهره و لابس تيشرت كحلي وسروال كحلي و كاين يشرب في قهوته
بيان:خشت متجاهلته وخدت بكرج قهوه وحطاته على الغاز
محمد:كاين يبحت فيها 🔥❤
بيان:صبت قهوتها و طلعت بدون ما تبحت فيه
محمد:بصوت واطي تبي تقتليني بتصرفاتك ولحقها....مش ملاحظه انك تعذبي فيا
بيان:بحتت فيه زي ما انت تدير
محمد:رفع حاجبه وبنبره واعره كيف وضحيلي
بيان:خففت من نبرت صوتها ...لما تفضل شغلك و تمشي مخلي وراك وحده حامل
محمد:تنهد بقلة حيله قتلك لازم نمشي و مش بيدي و قررب منها و باسها انا ماعنديش حد اغلى منك انتي و ولدنا بس لازم نمشي
بيان:محمد لو هضا يلي يريحك ديره💔🔥بس كل يوم رن عليا وطمني عليك
محمد:حضنها حاضر❤🔥
___________
بعد ثلاث ايام🍃
.
محمد: باس راس بيان ما تخلينيش مشغول عليكي كولي كويس و افطني لروحك وماتشيليش حاجه ثقيله
بيان:حاضر و دمعتها نزلت قربت منه وباساته على خفيف
محمد:بعد من عليها و مسحلها دموعها ❤ معش تبكي دموعك غاليين عليا بعدين نزلو مع بعضهم و محمد سلم علي امه و باته و وصى باته و امه على بيان و بعد طلع لقا ايمن وزينا يرجو فيه برا
.
زينا:مشتله ماسكه دمعتها ولد شارعي افطن لروحك ومراتك ما تخافش عليها توا نلزق فيها لين تقعد تلز فيا عشان هكي ما تخافش و لو درت شي كارثه توا نقولك 🙂 بيش يكون عندك علم
محمد:ضحك عارفك تهني 😂
بعدها ركب في سيارة ايمن و عدو للمطار
________________ 𓆩♡𓆪_______________
انتظرونا ❤🔥 انحبكم ❤
الكاتبه( اليتا𝑨𝒍𝒆𝒕𝒕𝒂 )
أنت تقرأ
معجزة حياتي
General Fictionكاتبه( اليتا𝑨𝒍𝒆𝒕𝒕𝒂 ) روايه ليبيه🤎🪐 تحكي على العنف وبتحديد عنف الاخ لاخته ح تعيشو معاهم ضحك فرح وحزن واكيده فيها قصت حب لازم انا نحط الحب في كل روايه والبطل يقعد سوبر مان شي اكيد 😂 الهم خلاص معش نبي نحرق عليكم اكثر من هك🤎
