معجزة حياتي

الحلقة 🤎9 الأخيره

#معجزة_حياتي🤎9 الاخيره
اليتا Aletta
𓆩♡𓆪____________
في اليل الساعه 3:35 مشى للحوش و كان مغطي وجه بالطاقيه ولابس اسود و لحيته طويله شويه و لقى سياره مصبيه على الشوكه و مشى في عكس اتجاه السياره .. فيه تركينة في السور مافيهش كميرات مراقبه ... طبعاً محمد الحوش حوشه من و هوا صغير و يعرف كل التفاصيل فيه
خش من الباب الجانبي لقى كل حاجه في مكانها و ما تغير شي و هوا يمشي يده خبطت في مخده و كان فيه كتاب طاح و مكتوب عليه يومياتي
و قعد يقرا و كل كلمه مكتوبه يشوف في حب بيان له كل سطر و كل كلمه كاينات مليانات حب ❤❤ و هوا يقرا صادفاته جملة ( انا متاكدة أنع مازال عايش قلبي يقولي مزال عايش و مش مصدقة أي حد يقول انه ميت )
.
بيان:كانت نايضه مش جايها نوم و قعدت تتقلب في مكانها
وهيا تتقلب حست فيه حركه مش طبيعيه تحت غطت زياد كويس و نزلت تبي تعرف من تحت و قعدت تمشي بالشويه نزلت و كانت الدنيا مظلمه حطت يدها على بريزت الضي و ولعاته و هنا كانت الصدمه🔥
محمد:تلفت و لقى بيان قدامه
بيان:عرفاته محمد طول رغم اللبسه اللي لابسها و لحيته
... تخيلي تشوفي راجلك المتوفي له ثلاث سنين واقف قدامك حي🔥
الاثنين انصدموا وقعدوا لحظااات يبحتو في بعضهم بدون اي ردت فعل من الاثنين
بيان:اغمى عليها و طاحت من الصدمه
محمد:عدالها يجري رعش عليها و شالها و حطها على الصالون...بيان حبيبتي .. و خدا كباية ميه و قعد يرش عليها
بيان:فتحت عيونها و انفجعت مره ثانيه بالرغم من انها كانت مش مصدقه موته بس الموقف كان قوي عليها وااجد... مح  محمد و تبكي انت مامتش حي حي حي قدامي و تلمس فيه
محمد:كيف نموت و نعدي نسيبك انا مزلت حي مامتش
بيان:معش قدرت تحكم في روحها و بدت تعيط
محمد: طول حط يده على فمها و حضنها ❤
بيان:دموعها ينزلن و الله قلتلهم محمد عايش بس محد صدقني قلتلهم اني حاسه بيك عايش
محمد:حضنها بقوه انا توا مانبيش حد يعرف اني عايش
بيان:بعدت من عليه ليش
محمد:توا بعدين نحكيلك بس ردي بالك حد يعرف خودي الرقم هضا و خليه معاكي توا و كل ما تبيني كلميني بالرقم هضا و بعدين نفهمك .. جا يبي يصبي
بيان:كراته من يده خليك 💔
محمد قرب منها و باسها انا لازم نمشي عشانكم نبي نقعد فتره بعدها نردلكم
بيان:و هيا تبكي باساته بدموعها و كانت تعبر على كل حاجه فرحها و حزنها و خوفها انها تخسره مره ثانيه و بعدت من عليه و طلع زي ما خش ❤🔥
_________
بيان:خشت لدارها و هيا مازالت من الصدمه قلبها يدق بسرعه و خشت تحت البطانيه و حظنت ولدها و قعدت تبكي
.
محمد كاين يسوق و تفكيره عند بيان وصل لحوش و قمعز على كرسي و حط راسه بين يديه قعد يفكر كيف يبي يسكر حساباته بسرعه بيش يرد لعيلته و ناسه بسرعه
_______
ثاني يوم
.
بيان:كانت واعيه طول الليل ... الرقم اللي عطاه لها محمد قعد يرن ردت عليه
محمد:صباح الخير❤
بيان:دمعتها على خدها صباح النور يا نور عيوني❤
محمد:خدا تنهيده طويله امسحي دمعتك معش نبيها تنزل تسمعي فيا
بيان:لعند امتى حنقعدو هكي
محمد:لين نسكر حساباتي ... المهم انا توا نبي نسكر و زي ما نبهتك محد يعرف اني مازلت عايش
بيان:تمام ما تخافش
محمد: نحبك ية ام عيالي و حلالي❤
بيان:و انا نموت فيك
محمد:سكر و خدا مفاتيحه و طلع
ايمن:كاين يدخن و متكي على السياره و أول ما شاف محمد عزق الدخان و ركب السياره و محمد ركب معاه
محمد:شن صار معاك
ايمن:الشباب يرجو فينا
محمد:و لله كنت عارفك تهني يا معلم
ايمن:عيب عليك .. يلي نحطوه في روسنا ناخدو حقنا منه
مسك و عطاه مسدس
محمد:اووو ردينا لايامنا و خداه و حطه في حزامه
ايمن:ولع السياره
بعد نص ساعه وصلو و نزلو من السياره و قعدو يبحتو في المخازن
محمد:حطيت وحدين عند الحوش و على السياره
ايمن:حطيت من دون ما تقول حواشيننا كلهن مأمنات
محمد:طلع سلاحه حسابي توا يبي يتسكر معاهم
ايمن
ايمن:بحت في الشباب عشان يبدو اقتحام المخازن و قعد في ضرب  نار و رصاص ينزل في كل مكان و مصابين و الدنيا شالت مره وحده و قدرو يخشو للمخازن وحرقوهن
محمد: يشوف في المخازن قدامه تنحرق🔥و مازال يحس في ناره مازال ما بردت
ايمن:هكي حسابهم تسكر و طلع تلفونه ديرو اللي قتلكم عليه و سكر
محمد:مسكوه و قاعد في المقر صح
ايمن:اها مسكوه و هوا يهرب
محمد: الكلب هضا غير يطيح في يدي
ايمن:خلاص شن تبي فيه توا شوف كيف تبي تقول لهلك باتك مرات يريح فيها لو شافك قدامه و هوا يحسابك ميت
محمد:قعد يبحت فيه
                 🤎 روايات اليتا𝑨𝒍𝒆𝒕𝒕𝒂 🤎
                      🤎 اليتا𝑨𝒍𝒆𝒕𝒕𝒂🤎
جلال:كان يتفرج على تلفزيون و جوه مش تمام حاس روحه مضغوط
مسعوده:شنفي بسم الله
جلال: تذكرت المرحوم
مسعوده: الله يرحمه
زياد:جدي جدي هيا نلعبو كوره
مسعوده:جدك كبر في العمر مش حيقدر يلعب معاك
جلال:صبى لا مازلت شاب ما شاء الله عليا هيا نلعبو
مسعوده:راك تطيح بس
جلال:مش حيصيرلي شي و طلع يلعب
______
ايمن:نزل من السياره و رن الجرس
زياد:جا يجري يفتح الباب....عمو ايمن
ايمن:شاله و سلم عليه وين جدك
زياد:جوا قاعد
ايمن:كلمه ليا
زياد:هي و قعد يجري و يعيط ياجدي جدي
جلال:بالشويه كنك تجري
زياد:عمو ايمن يبيك برا
جلال:طلعله اهلين بوليدي خش ليش قاعد برا
ايمن:خش و قمعز معش عرف كيف يبي يبدا
جلال:تفضل يا ولدي مش غريب مد يدك
ايمن:عمي جلال فيه حاجه نبي نقولها بس مش عارف كيف نقولها لك
جلال:قول يا ولدي ان شاء الله خير
ايمن: اليوم في المقر سمعنا ان فيه واحد من اللي سافرو مازال حي
جلال:كيف
ايمن:احتمال الشخص هضا محمد
جلال:يعني مرات الشخص هضا يكون محمد
ايمن:احتمال هوا بس مش اكيده
جلال:حس الضغط نزل عنده
ايمن:عمي عمتي عمتي
مسعوده: جت شنفي
ايمن:دواه أمتاع الضغط وين
مسعوده:عدت تجري وجابتله دواه شنفي فهمني
ايمن:عطاه دواه
جلال:ايمن قلبي حاسسني انه هوا
مسعوده:حد يفهمني على من تحكو و ليش ضغطه نزل
ايمن:اليوم توا يبان علينا و بحت في مسعوده فيه احتمال محمد يطلع عايش
مسعوده:انصدمة وحيدي عايش وينه
ايمن:مزلنا ما تأكدنا هوا و لا لا
مسعوده قعدت تبكي
ايمن:عمي انا نبي نستأذن نبي نشوف شن صار معاهم
جلال:سلام ولدي بس قولي شن يصير معاك
ايمن:حاضر وطلع
بيان:تسمع فيهم و ساكته
مسعوده:يعني ولدي وحيدي مازال عايش
جلال:هدي يا ولية مش اكيده احتمال مزال مش معروف من هوا الشخص هضا
__________
بعد يومين الساعه 3 العشيه وقفت سيارت محمد فتح الباب و نزل منها و رن جرس الحوش
منى فتحت الباب لقت خوها قدامها كاين داير لحيه صح بس نفس الملامح
منى:تعيط محمد جااااا محمد جااا وحضناته و تبكي خويا روح روح
مسمعوده سمعت عياط منى طلعت تجري لقت محمد اللي عالباب منى تبكي
محمد:بعد من علي اخته و قرب من امه....امي و عيونه دموع
مسعوده:كرعيها يبسن و قعدت تلمس في وجه محمد
محمد: يبوس في كف يدها
مسعوده: خداته في حضنها ولديييييي و تبكي عايش انت عايش
محمد:عايش انا يمي ما عديتش و سيبتكم
مسعوده:تبوس فيه في كل مكان و تبكي
منى:قربت منه وحضناته اخرى
بيان:نزلت و لقت محمد قدامها قعدت تبحت فيه من بعيد و هوا يبحت فيها و ابتسمت له و كاين في يدها زياد
محمد:بحت في زياد و مش مصدق عيونه قرب منهم و طبس على زياد شن اسمك انت
زياد:زياد و انت بابا صح
محمد:بحت في بيان
بيان:اها هضا بابا اللي كنت نحكيلك عليه و نوري فيك صوره
محمد:حضن زياد سامحني يا بابا ما كنتش معاك و صبا و بحت في بيان حضنها انا رديتلك يا حبيبتي
بيان:قعدت تبكي في حضنه
زياد:بابا انت وين كنت ليش جدي يقولي أنك فوق عند ربي
محمد:طبس عليه كنت مسافر عندي شغل يا بابا
و بحت في امه وين باتي
مسعوده:في الجنان يرجى فيك
محمد:طلعله و قعد يمشي في خطوات في اتجاه باته و ينادي في باته...باتي و قرب منه و نزل علي رجليه و يبوس في يدين باته و يبكي
جلال:مش قادر يتحرك المسكين حضنه......الحمدلله الحمدلله ربي ردك ليا الحمدلله يارب

                 🤎 روايات اليتا𝑨𝒍𝒆𝒕𝒕𝒂 🤎
                      🤎 اليتا𝑨𝒍𝒆𝒕𝒕𝒂🤎
محمد:قعد يحكيلهم شن صار معاه و كيف تعذب في ه السنين
بيان:واجعها راجلها و ماسكه دموعها بيش ما تبكيش قدامه
مسعوده:نعلي ولدي و الله من اول كنت مش راضيه على مشيتك كنت حاسه فيه حاجه تبي تصير
محمد:شير لزياد تعال يا بابا و خداه و حطه على كتره
مسعوده:صبي يا منى معايا خلينا نحطو لخوك ياكل
محمد:و الله يا امي مرايف على تطييبك و الوكال اللي من تحت يديك
مسعوده:قربت منه و باست راسه توا نحطلك كول لين تشبع درت كل شي تحبه و عدت هيا منى للطبخ
جلال:مشى يصلي ركعتين لله و يشكره
و قعد محمد مع بيان و زياد
بيان:صبت و خدت منه زياد دبشك فوق واتي و حتى الحمام اكيد تعبان
محمد:صبا اي و الله تعبان بكل وركبو هما الثلاثه فوق لشقتهم
محمد:خش لداره و قعد يشوف فيها زي ما هيا مفيهش حاجه متغيره
بيان: خشت ما غيرت فيها شي خليت كل حاجه زي ماهيا زي ما انت دايرها
محمد:قرب منها و قعد يلمس في شعرها آخ يا بيان قديش مرايفلك
بيان:حتى انا مش عارفة كيف  عشت في السنين هذينا بلاك كنت كل يوم أنوض على امل انك ترد
محمد:كنتي واثقه للدرجة هذي اني حي و ما متش
بيان:كنت حاسه بيك قاعد و لو صارتلك حاجه كنت حسيت
محمد:قرب منها و كان يبي يبوسها زياد قص عليهم
زياد:ماما لبزت الدنيا ميه🙂
بيان:خدت نفس انا شن ندير فيك بس اطلع توا نجيك
محمد:قعد يضحك
بيان توا انت خش دوش و غير دبشك و بعدين نحكو كانت تبي تطلع
محمد:مسكلها من يدها و كرها و باس خدها
بيان:ابتسمت و طلعت سيباته
____________
هذي كانت نهاية روايتنا 🤎✨
.
إن شاء الله تكون عجبتكم و قدرت نوصل لو رسالة صغيره  انا مش حنحكي العبر عشان العبره أنا متاكدة خذيتوها و أنتو تقرو فيها 🤎
.
حاجه وحده بس نبي نقولها ديما خلو عندكم امل في حياتكم و تمسكو بيه عشان محد يعرف شن حصير معاكم 🤎✨

نحبكم
استنوني في روايه ثانيه و أحلى 🥺

سلام 🤍