نجمة الشمال🖤

البارت الاول🖤

الحلقه الاوله)

نجمة الشمال ٢٣ سنه عايشه مع اختها الصغيره ضي القمر ٦ سنين من عيله ليها مجال وتاريخ في الازياء سافروا يكملوا شغل برا البلد ويرجعوا بعد ما يخلصوا شغلهم عدا سنه واتنين وتلاته ومرجعوش كل مره ب حجه شكل البنات كانو لازم يسيبو القصر الكبير ويعيشو في بيت على قدهم خصوصًا ان مبقاش فيه حد غيرهم هما الاتنين

بيبدأ البارت ب نجمة الشمال وهي بتكلم مامتها في التيلفون

نجمة الشمال:خلاص يا ماما انا في العربيه اهو خمس دقايق ونوصل البيت الجديد

والدت نجمه:تمام يا حبيبتي خلي بالكم من نفسكم انتي واختك وانا وبابا هنخلص الشغل في أقل من سنه ونرجع وعد

نجمة الشمال:اوكي يا ماما ترجعي ب سلامه هستانكم

والدت نجمه:اوكي يا حبيبتي يلا باي

قفلت نجمة الشمال مع مامتها واتهندت وبصت على اختها اللي نايمه في حضنها مفيش دقايق وكانت وصلت للمنطقة اللي خدت فيها البيت الجديد كانت منطقه خاليه من الناس تقريبا كل بيت بينه وبين البيت التاني ٢٠٠ متر على الاقل البيت عجب نجمه وعجب اختها الصغيره قمر دخلت البيت وبدأت تتفقد كل الامكان فيه خرجت الشنط وكل حاجتهم من العربيه ودخلت البيت ترتب فيه حاجتهم

قمر:احنا هنعيش هنا على طول

نجمه:لاء يا حبيبتي هنعيش هنا لحد ما ماما وبابا يرجعوا من السفر ووقتها هنرجع نعيش في القصر بتاعنا تاني

قمر:اممم طب انا عايزه عروستي

_فتحت نجمه شنطه من الشنط وطلعت عروسه لعبه ادتها ل اختها وبدأت هي ترتب البيت وتنضف فيه حاجات كانت قمر بتلعب مع العروسه قدام باب البيت لمحت كوره ابتسمت وافتكرت ان فيه حد هنا ممكن تلعب معاه سابت العروسه وراحت للكورة عشان تمسكها بس كانت كل ماتقرب من الكوره كانت الكوره تجري وتجري لحد ما وقفت قدام باب مقفول من ورا البيت كانت قمر فضوليه بزياده وفتحت الباب ودخلت تشوف اي اللي جوا كان مكان فيه زاي بحر صغير وعروسه على شكل حورية البحر ومشط خشب غريب شويه فرحت قمر ب العروسه خدتها ومسكت المشط حاولت تسرح بيه شعر العروسه لاكن معرفتش فا سرحت بيه شعرها هي وكانت لسه هتقرب من البحر وقفها صوت نجمه

نجمةالشمال:انتي بتعملي اي هنا

_جريت عليها قمر بحماس وهي في إيدها العروسه_

قمر:شفتي لقيت اي

نجمه:جيتي هنا ازاي ؟؟

قمر:الكوره وريتني المكان

نجمه:كورة اي

_جت قمر تشاور على الكوره بس كانت اختفت دخلت نجمه تشوف المكان واي اللي موجود فيه استغربت البحر واستغربت اكتر ان صاحب البيت مجابش سيرته شالت اختها ورجعت تاني للبيت خليتها تغير هدومها وبدأت هي تعمل ليها الاكل _