نجمة الشمال🖤

البارت الخامس🖤

الحلقه الخامسه)

بيبدأ البارت ب كل اللي في البيت نايمين معاده سيف صاحي بيكمل ابحاث في موضوع كارلين قطع تركيزه قمر وهي صاحيه من النوم مفزوعه وبتاخد نافسها ب العافيه وصحيت نجمه على صوتها وجري سيف عليهم

سيف:حصل اي

نجمه:خدي نفسك يا حبيبتي اهدي انا جنبك اهو كلنا جنبك

_حضنتها نجمه وفضلت تهدي فيها _

سيف:حصل اي يا قمر شفتي اي يا حبيبتي

قمر بدموع في عيونها:كارلين جتلي في الحلم وقالت إنها مش هتسيبني وهتعاقب اي حد هيبقا السبب في بعدي عنها بس .. بس كانت بتتكلم بصوت وحش اوي وشكلها كان وحش جدا خوفتني

سيف:طب اهدي خالص ده مجرد حلم عادي يعني

نجمه:اه يا حبيبتي حلم مش اكتر خدي اشربي مياه

_شربت قمر المياه ورجعت نامت تاني فضلت نجمه جنبها تقرأ ليها قرآن لحد ما نامت وسيف كان واقف عند الشباك بيفكر في كلام قمر وراحت نجمه ليه _

نجمه:اي رايك في كلام قمر ده

سيف:احنا عشان قصينا شعر قمر كارلين مش توصلك فا ده مضايقها تقريبآ بعتتلك الرساله عن طريق قمر

نجمه:طب والحل

سيف:مفيش غير اننا لازم نشوف حد نخلي كارلين تاخده ونبقا متابعين تحركاته معاها

نجمه:مفيش حد هيضحي ب حياته يا سيف

سيف:مانا عارف عشان كدا بدور على حل تاني

نجمه:انا مستعده اعمل اللي قولت عليه

سيف:اللي هو اي؟

نجمه:هروح ل كارلين بنفسي

سيف:بلاش جنان

نجمه:مش جنان بس انا تعبت هنفضل في الكابوس ده لحد امتا بعدين انا واثقه فيك هترجعنا كلنا كويسين

سيف:وافردي مطلعتش قد الثقه

نجمه:عادي هكون ضحيه من ضحايا كارلين بس واثقه انك هتحافظ على قمر

سيف:لاء يا نجمه لاء انا هلاقي حل تاني

نجمه:اسمعني بس

سيف:مابسش روحي نامي

نجمه:طيب

_وراحت نجمه قعدة جنب اختها وفضل سيف يكمل اللي كان بيعملو نجمه من الزهق جابت اللاب بتاعها فتحته فضلت تقلب فيه لقت اكونت صاحب البيت ب الصدفه فتحتو وشافت منزل اي بس خدت بالها ان كل الصور بتاعته بيبقا لابس فيها سلسله شكلها غريب ونفس شكل السلسله مرسومه على باب الشقه وفي كل حته في البيت _

نجمه:سيف بص كدا

_ خد منها سيف اللاب ومفهمش قصدها اي

سيف:مالو يعني