الحلقه الرابعه)
_ طلعت نجمه ليهم ب الاكل وهي وشها مصفر وعيونها مدمعه سيف فهم انها شافت حاجه تاني صعبت عليه جدآ كان نفسه يقوم يحضنها ويطبطب عليها _
نجمه:يلا الاكل جاهز
_ قعدو كلهم ياكلوا سوا نجمه كانت بتأكل قمر _
نادر:هي لانا اللي في الصوره دي هي صحبتك اللي كانت بتساعدكم
نجمه بدموع متحوشه في عيونها:امم هي
نادر:طب ما تحاول تعرف يا سيف دي حصلها اي
سيف:نتكلم بعدين يا نادر كل
_نادر فهم انه مش عايز يتكلم قدام قمر فا سكت خلصوا اكل وقامت نجمه نيمت قمر وشغلت قرأن وفضلت قاعده جنب اختها نادر كان نايم على الكنبه وسيف صاحي بيكمل ابحاث على اللاب والورق اللي معاه
نجمه:تحب اعملك حاجه تشربها
سيف:لاء خليكي هنا .. انتي هنا في امان اكتر
نجمه:عشان تفوق شويه
سيف:ما عشان ماتشوفيش حاجه كدا ولا كدا
نجمه:يعني لو مشفتش تحت مش هشوف هنا هي هي يا سيف
سيف:طيب يبقا قهوه بقا
نجمه: تمام
ونزلت نجمه على السلم وهي نازله شافت تلاته قاعدين على السلم شكلهم مرعب بيبصو ليها صوتت خرج سيف ليها بسرعه خدها ودخلها الاوضه كانت بتاخد نفسها ب العافيه
سيف:اهدي اهدي حقك عليا انا اللي وافقت انك تنزلي
نجمه:انا هيجرالي حاجه والله بسبب اللي بشوفه ده
سيف:اهدي طيب خدي اشربي
_شربت نجمه المياه وهديت شويه_
سيف:هنزل انا اعمل قهوه ليا وليكي
نجمه:متأكد انها متعرفش ب وجودك
سيف:عيب عليكي ده انا بدرس حوار كارلين ده من ايام ما كنت في إعدادي
نجمه:طيب متتأخرش
سيف:حاضر
_ نزل سيف عمل القهوه ومفيش دقايق وكان طلع ومعاه القهوه _
سيف:قهوتك اهي
نجمه: تسلم إيدك
سيف: قوليلي بقا ليه اسمك نجمة الشمال
نجمه:زمان كنا ساكنين في الجزء الشمال من قريه صغيره كدا فا يوم ما اتولدت كنت حلوه اوي احلى بنت في القريه يعتبر ساموني نجمة الشمال على اساس اني نجمه يعني حلوه بنورها وكدا
سيف:اسم لذيذ جدا وضي القمر روعه
نجمه:ده اختياري انا بقا انا اللي سمتها
أنت تقرأ
نجمة الشمال🖤
Horor"نجمة الشمال بنت جميله اشترت بيت جديد واكتشفت ان البيت ده مسكون او عليه لعنه تقتل كل اللي بيعيش فيه تفتكرو هتخرج من البيت ده سليمه؟ ده اللي هنعرفو في احداث الروايه ..🖤 (بقلم:شهد محمد)
