نجمة الشمال🖤

البارت التاني🖤

الحلقه:الثانيه)

بيبدأ البارت ب لانا صاحبة نجمة الشمال وهي تحت بيت نجمه ركنت عربيتها وخبطت على الباب منتظره نجمه تفتحلها.. كانت نجمه النوم خدها وقامت مفزوعه لما سمعت خبط الباب بصت من الشباك الاول لقيتها لانا صاحبتها جريت عليها وكأنها اخر امل ليها وفتحت ليها الباب

نجمه:كويس انك جيتي يلا نمشي من هنا حالآ

لانا:يابنتي حصل اي

نجمه:مش هستنى لما يحصل هطلع اجيب قمر ونمشي

لانا:طب فهميني طيب حصل اي

نجمه:البيت ملعون و .. قمر انا سايبه قمر لوحدها

_جريت على الاوضه وهي خايفه على اختها دخلت لقيتها نايمه عادي خدت تنهيده بالراحه وكانت لانا طلعت وراها

لانا:فهميني بقا بيحصل اي

_نجمه راحت فتحت اللاب ووريتها اللي هي قراته امبارح والعروسة اللي قمر لقتها

لانا:انتي بتصدقي الكلام ده؟؟ دي تخاريف يا بنتي

نجمه:متجننيش قمر هتجيب الكلام اللي قالتو امبارح منين وهتعرف اسمها منين انا عايزه امشي من هنا وخلاص مش عايزني اجي اعيش معاكي عادي هقعد في فندق

لانا:اخص عليكي انا مش عايزكي تقعدي معايا وانا اتحايلت عليكي قد اي تيجي عندي وانتي اللي موافقتيش

نجمه:طب يلا نمشي عشان خاطري

لانا:حاضر يا حبيبتي يلا جهزي حاجاتك

نجمه:لاء مش هاخد حاجه دخلت البيت ده هاخد اللاب وموبايلي وبس

لانا:ماشي اللي يريحك

_فعلآ نجمه خدت اللاب وموبايلها وشالت اختها ونزلت ركبت العربيه جنب صاحبتها لاكن كانت اتعطلت

نجمه:مفيهاش بنزين ولا اي

لانا:لاء ازاي فيها

نجمه:طب تعالي نشوف عربيتي

لانا:تعالي

_وراحت لانا معاها يركبو عربية نجمه وكانت متعطله برضو

نجمه:يوه هنعمل اي دلوقتي

لانا:تعالي طيب نطلع نستنى فوق وانا هرن على حد من صحابنا يجي ياخدنا

نجمه:طيب

_وطلعوا البنات البيت وحاولو يتصلو ب اي حد لاكن مكنش فيه شبكه في الموبيل فا قاعدة لانا تشوف حل على اللاب وفضلت تقلب في حاجات كتير لحد ما قرأت ان "كارلين" لو مسكت اي حاجه من اثار شخص مش هتسيبو حتى لو كان الآثار ده تراب مشي عليه وان فيه تعويزه بتقول لو رمو مياة نار في البحر بتاع كارلين روحها هتموت وهيعيشو في سلام

لانا:الموضوع بدا يخوف تفتكري هي اللي عامله كل ده عشان منمشيش

نجمه:متخاوفنيش ابوس إيدك