نجمة الشمال🖤

البارت السادس🖤

الحلقه السادسه)

بيبدأ البارت ب كارلين لما خدت نجمه معاها تحت المياه نجمه كانت بتحاول تقاومها وغصب عنها شعر كارلين اتشد في إيديها وده عصب كارلين جدآ عيونها احمرت وغضبت فتحت زاي بوكس شفاف متوصل ب الأكسجين وحطت فيه نجمه كل ده كان سيف ونادر شايفينو في الكاميرا اللي متركبه في السلسله

نادر:اللي بيحصل ده بجد؟ ده ولا كأنو فيلم رعب يا أخي

سيف: اممم

نادر:وصلت ل حاجه طيب ولا كدا نجمه راحت على الفاضي

سيف:شاكك في المياه بتاعت البحر لون جلد نجم اتغير في المياه دي ومرجعش ل لونو الطبيعي غير لما كارلين حطتها في الصندوق وفي حاجه تانيه شاكك فيها بس اتأكد الاول روح انت خليك مع قمر وانا هكمل مراقبه

نادر:طيب

_وراح نادر قعد يلعب مع قمر وسيف فضل مراقب اللي بيحصل في الكاميرا نجمه كانت بتحاول تشوف اي اللي في المكان شافت بنات كتير جدآ في وسطهم لانا صاحبتها اطمنت انها لسه عايشه حاولت تعمل اي حاجه عشان لانا تشوفها بس معرفتش وكارلين كانت مختفيه

_ عدا ساعه ورا ساعه ورجعت كارلين تاني نجمه حاولت تخبط على الصندوق عشان تلفت نظرها وتتكلم معاها

كارلين بصوت جحوري:عايييزه اي

نجمه:انتي ليه بتعملي كدا احنا ذنبنا اي

كارلين:اسكتي خالص انتي تسكتي خالص

_ومسكت نجمه من رقبتها حاولت تخنقها نجمه وهي بتبعدها عنها شعر كارلين اتشبك في خاتم في إيد نجمه واتقطع منو خصله كارلين صرخت وعيونها احمرت ورجعت ورا تاني

_نجمه كانت خايفه ومرعوبه من اللي بيحصل وندمت انها نزلت

سيف:لقيتها يا نادر لقيتها

نادر:اي هي

سيف:نقطة ضعفها في شعرها

نادر:يعني اي

سيف:يعني شعرها لو اتقص قوتها هتروح ده غير ان المياه بتاعت البحر مش عاديه انا واثق

نادر:وهنتأكد منين

سيف:فين قمر الاول؟

نادر:نايمه

سيف:فيه شباك في المخزن بيبص على البحر باين هربط جردل في حبل واخد شوية مياه من البحر ده

نادر:ما ممكن تحس يا سيف وتاخدك انت كمان

سيف:لاء متقلقش راقب انت الوضع بس

نادر :طيب

_وراح سيف عمل اللي قال عليه فعلآ وجاب المياه ورجع تاني

سيف:هحلل المياه دي وانت لو حصل اي حاجه غريبه نادي عليا

نادر:تمام

_وراح سيف يحلل المياه واكتشف انه فعلآ دي مش مياه عاديه دي حمضيات معموله عشان كارلين تعرف تعيش فيها

سيف:طلع كلامي صح دي مش مياه عاديه

نادر:مش كانو بيقولو المياه دي هتبوظ ب مياة النار

سيف:دي تخاريف المياه دي تركيبه معينه اللي هتبوظها ولازم شعرها يتقص يبقا كدا بوظنا الحاجتين اللي معايشناها

نادر:والعمل

سيف:دلوقتي انا عايز حمضيات معينه وعشان حد نعرف نتملك منها ونقص شعرها لازم السلسه

نادر:هنجيبهم ازاي دول

سيف:مش عارف

نادر:صحبك الظابط ده كان اسمو اي

سيف:أمجد

نادر:طب ماتكلمو يمكن يتصرف هو

سيف:تصدق فكره استنا هكلمو

_وكلم سيف أمجد صحبو فهمو كل حاجه واسم صاحب البيت والسلسه والحاجات اللي عايزها واتفق معاه انه يجيبها ويجي ليه وكان سيف نايم ونادر مراقب نجمه وقمر بتلعب ب عروستها شويه وصحي سيف _

قمر:عمو سيف مش تنام على الكنبه تاني

سيف:ليه يا حبيبتي

قمر:عشان كارلين كانت قاعده بتبص عليك

_ نادر وسيف بصوا ل قمر بصدمه

سيف:كانت فين يا قمر

قمر:هنا

_شاورت على كرسي قدام الكنبه اللي كان سيف نايم عليها

نادر:تفسيره اي ده بقا

سيف:لعبه من العاب كارلين قولتلكم مينفعش تدخل البيت مش هتعرف

نادر:ربنا يستر بقا

_قطع كلامهم صوت رن الموبيل بتاع سيف كان أمجد اللي بيرن

سيف:اي عملت اي

أمجد: اناا ..

بقلم#شهد محمد جادالله