أحارب لأجل طفولتي

9

رفع راسه وقال(يعني خلاص راحت كذا؟)ما رديت وطلعته من الغرفه وسكرتها جلس على الكنب ودموعه تسيل جلست جمب وانسدح على ركبي وهو يبكي ويقول (ليش ليش وش سوت لهم عمرها مايتعدا ٣ سنين وش سوت عشان تموت كذا كيف بقدر اعيش بدونها يا نجد)حطيت ايدي على راسه وانا امسح على شعره ودموعي تسيل واول مره اشوفه يبكي وبذي الحاله بكا لساعات طويله لين نام ونشف ريقه ونمنا من التعب يوم كاملل وعلى الكنب صحيت بعد يوم وانا مكسره اول ما صحيت شفت عمر وصحيته بهدوء طالعنب بنضرات مؤلمة ودخل تروش وطلع لبس ودخل غرفته بكل هدوء وسكر الباب غسلت وجهي ورفعت شعري وبدلت ملابسي الي كلها دم

عمر:الان مر يومين على موت سيرين وحابس نفسي لي يومين بالغرفه ومالي نفس اكل لكن قاطع تكفيري وسرحاني صوت دق على الباب وكان صوت رائد(عمر عمر ياولد افتح ماينفع كذا فك الباب) ما رديت لكن فزيت يوم سمعت صوت نجد وهي تقول(عمر تكفى افتح عشاني لايصير فيك شي) قمت من سريري ورحت عند الباب وقلت وش تبون ردت نجد من ورا الباب(افتح تكفى)جلست بالارض وسندت ضهري على الباب وكانو نجد ورائد يحاولون فيني لين تشجعت ووقفت وفتحت الباب طاحو رائد ونجد بالارض لانهم كانو متكين على الباب قامت نجد بسرعه وضمتني لكن ما كنت معاها ابد حطيت ايدي على ضهرها بخفيف وطالعت رائد الي كان ماسك راسه لانه دق بالارض بقوه وهو يقول( وجع وش ذا عملنا انك بتفتح انفقع راسي)وفكتني نجد ورائد قام وقال( اوفف اوفف وش ذا وش صاير بعيونك)سكت وانا اناظر نجد وعيونها كلها فرحه ورائد الي يحك راسه للحين سحبني رائد للحمام وقال(غسل وجهك) غسلت وجهي وطلعت جات نجد ومعاها مشط وقعدت تسوي شعري اما انا فا ما كنت معهم بالمره وقعدو رائد ونجد يتهاوشون على شعري وضبطته نجد تقول كاني واحد بأولى ابتدائي طالعت المرايه و نكشت شعري بيدي ودخلت اتروش ولقيت عمر ونجد جالسين عندي بالغرفه قلت(اطلعو بلبس)طلعت نجد وهي تتأفأف تبي تكمل سوالفها مع رائد لبست وطلعت عندهم ولاحضت ان غرفه سيرين كانت فاضيه من اغراضها شافتني نجد وانا اناظر بغرفة سيرين اما رائد فا ما انتبه ابد لفيت لهم وقلت (وين اغراضها) لف رائد وقال( شلناها) قلت( ليش) سكتو وناضرو بعض بصمت دخلت المطبخ وشربت مويه احاول اهدي نفسي جلست بالصاله على جوالي وسرحان جلست جمبي نجد وقالت (عمر وش فيك سرحان) قلت بدون حسي(اشتقت لسيرين ولحسها بالبيت بكاها اول ما تصحى من النوم ولعبها بالحمام لما تتروش وفرحتها لما نجيب لعبه جديده او لما اوديها الملاهي كيف تشق الابتسامة وجهها ليش كذا هي صغيره)وطالعت بجند وشفت دموعها
نجد:بدت الدموع تنهمر من عيوني اثر كلامه كنت ماسكه نفسي طول الايام بعد ما خلص طالع فيني وشاف عيوني قال(نجد!!)شهقت بقوه وسحبني له وضمني بقوه بكيت وضميته انا بعد
عمر:كانت تشد على بلوزتي بيدها من ورا طلع رائد على صوت بكا نجد وقال (اوفف وششو ذا) طالعته بنضرات وقمط قال (امزح خلاص شفيك يا هوه) قلت (شايف البنت تبكي وانت تطقطق؟) تقدم وقال( نجد جد تبكين) فكتني نجد وحطت يدها على وجهها سحب رائد يدها عن وجهها لكن جاه كف طياري منها داخ منه قال(اححح امزح والله امزح) ومسك مكان الكف وقعد يحكه وهو ويتمتم بصوت واطي(وجع يد  بنت؟) قلت(نجد تكفين لاتبكين قربت منها وقلت بصوت واطي(نجد ياروحي تكفين مقدر اشوفك كذا)جلس رائد وضمها من الجمب من كتفها اول ما حست فيه رمت نفسها بحضنه ومسكت بلوزته مسح على شعرها بهدوء وهو يناظرها بصمت وبعد ما هدت نجد راحت غسلت وجهها ورجعت وهي لسا صوت شهقاتها الخفيف موجود جلست جمبي وقلت (اسف)ما ردت وضمت رجولها وهي ساكته
عدا اليوم على خير وجا اليوم الثاني وصحينا وقعدما كلنا بصاله بعد نا فطرنا وكل شي قالت نجد(ياخي عندي فكرة شرايكم نقلب حوش البيت فعاليات)قلت (كيف يعني) قالت (نسوي فيه العاب وتحديات وزي كذا بس حن قليل) قلت (طب انادي عبدالرحمن) قالت( مين ذا)قلت(ذاك الي يوم رحنا المخيم ضمني اول ما دخلنا) قلت( اي)عرفته قال (بتجي معه ميهاف) قلت (حلو) ولما جا اليل نادينهم وقعدنا بالبداية نسولف ربعدها قررنا نلعب دخل رائد لان مايبي يلعب بس قعد على عتبة الدرج الي قداما الباب وقعد يناظرنا وكانت العبة كتالي
يكون في ثنين  عند الجدار الاول وثنين عند الجدار الثاني ومعانا شريط لازم نجري ونوصله للي في الجدار الي قبالنا وكذا ورائد مسوي الحكم وعبدالرحمن وعمر في جدار وانا و ميهاف في جدار وقال رائد ابدا جرو وكان عمر فاكك جري مو طبيعي وانا منخرشه منه عطاني الحبل ودفني بقوه وهو يقول (اجريي)جريت لين النهايه وفي الاخير فزنا انا وعمر وقعدنا نلعب لين ما جات الساعه ١٢ تقريبا وبعدها وقفنا وجلسنا كلنا نتابع فلم بالحوش حطينا على الابتوب فلم  وقعدنا نتفرج وجبنا شبسات وكذا وقعدنا نتابع  وبنص الفلم نمت كانت جمبي ميهاف على يساري ويميني عمر وجمبه رائد وجمب ميهاف عبدالرحمن ونمت وانا جالسه وحسيت اني طولت بنومة وصحيت لقيت عمر متكي على عبدالحمن وشبه جالس وانا نايمه فوق رجله وميهاف نايمه فوق رجلي ورائد نايم قدامي بس بعيد شوي لف رائد وهو يفرك عينه وطالعني قلت( ليش نايمين هنا) قال (مدري شفتكم نايمين وقلت انام معكم) ولف وكمل نومته كملت نومتي وما صحيت إلا على الفجر كنت نص نايمه ونص صاحيه اسمع الي حولي بس جسمي مايتحرك واسمع عمر وعبد الحمن بتكلمون
عبد الرحمن:يولد النومه بطله الجو براد وفله
عمر: اي والله
عبد الرحمن:اوله ذي نايمه فوقك كيف بتقوم لو انا مكانك اقطع رجلي واجليها لذي المزه
ضربه عمر وهو يقول( انطم ياخفيف)ضحك عبدالحمن وتوجه لاخته لميهاف الي كانت نايمه فوقي وشالها قال عمر (ابن امك تصحي نجد) ضحك وشال ميهاف ودخلها داخل وعمر ناضرني وحط يده تحت رقبتي وسحب رجله بشويش وحط راسي بالارض بهدوء وبعدها شالني كنت ميته خوف وانا اسمع خطوات رجوله السريعه عشان يوصلني بسرعه وما اصحى ودخلتي وحطني بسريري وراح فتحت عيوني بشويش وشفت ميهاف كانت نايمه نعي بنفس السرير ووجهها الطفولي زاد  كياته وشعرها كانت خصله الناعمه متناثره وراها وعلى وجهها ابتسمت وانا اشوف تفاصيل وجهها الجميله