أحارب لأجل طفولتي

3

قمت من نومي بسرعه وغسلت وجهي وركبت سيارتي ورحت لبيته دقيت الباب بقوه فتح ولده(عنده بنت و ولد)فتح ودفيته وقلت(وين ابوك)قال(ما ادري)قلت(وخر)قال بعد عن الباب ودخلت قال(هيه هيه وين رايحه يا بنت هيه من انتي اصلا)قلت(انا بنت عمك انطم اسالتك كثير)قال(داخله بيتنا ولك وجه)قلت(انطم)سكت وقعدت ادور عن ابوه ودق واحد من الحراس فتحت الخط وقال(لقيناه)قلت(لقيتوهه)قال ولده الي كان اسمه(عمر)(ابوي؟)طالعت فيه نضره انخرش منها وراح جلس على الكنب قلت (اعطوني اياه)طلعت برا وقلت(ارجع لبيتك انتضرك هنا)رفض وقلت(الحراس بيرجعونك غصب ولو ما رضيت ترجع معاهم بيتك ولدك بذبحه)كان عمر يغني وحاط بنت زوجة ابوه في حضنه الي كان عمرها ٣ سنين ومره بارد وسكرت الخط وبعد ١٠ دقايق اتصلو ثاني ورديت وقالو انه بالقوه طلع معاهم بعد ما حاولو فيه وتعبهم ابتسمت وطلعت مسدس كنت حاطته في شنطتي  وصوبته تجاه السقف واطلقت انفجع عمر وبكت البنت طالع فيني وابتسمت وقال مريضه انتي  وقام بياخذ السلاح مني ركلته بقوه في بطنه وطاح وبديت اطلق على البيت يعني على العفش عشان لو رجع او شي يشوف اثار الطلقات قامت البنت الصغيره وهي تبكي وضمت عمر وكان متالم بشده وما قدر يقوم ونزف من بطنه واكتشتفت بعدين اني ركلته مكان جرح وانفك ما اهتميت واطلقت على كل شي ولما وصلت لتحت قلت(قومم)قام بصعوبه وهو ماسك بطنه وبيده الثانيه ماسك بنت زوجة ابوه الصغيره الي كانت تبكي وخايفه حطها وراه وقام زين وقال(لو تبين تقتليني اقتليني بس البنت لاتقربينها)ما كنت بسوي له شي بس اخوفه صوبت تجاهه واطلقت جمب راسه ولا تحرك ابتسمت وفجاه طاح وقعد يكح بقوه وماسك بطنه دقيت على الحراس وقلتلهم يسمعون عمي سمعته صوت ولده وهو يون ويكح وبنت زوجته الي كان بكاها مملي البيت صرخ فيني وسكرت الخط رفع راسه عمر وقال(ذا ابوي؟)قلت(ما يخصك)وطلعت ركبت سيارتي ورجعت للبيت تروشت ولبست وانسدحت على السرير واسترجعت كل شي صار اليوم وكيف قلبي صار قاسي جيت بنام وحسيت بتايب ضمير تجاه البنت وعمر ما قدرت انام ورجعت لبيت عمي كان الباب مفتوح وعمر طايح بالارض ودمه مملي المكان والبنت منسدحه جمبه ونايمه وفي عيونها دموع جبت معي شنطه اسعافات وسويت جرحه وعقمته اما البنت فشلتها وحطتها بالكنب ورحت رجعت المقر وشفت عمي وكان مضروب ابتسمت بفرحه واول ما شافني قال(قتلتيهم؟)قلت(يمكن ما ادري)قال(قتلتي ولدييي)ضحكت بصوت عالي وما رديت بدا يصارخ ويصارخ وجبت ســكين وغزرته ببطن عمي النذل وخرجتها قعد يكح دم وما خليته يستوعب حتى غزرتها بكتفه وطلعتها وابتسمت وقلت(هذي نهايتك يا خسيس)وغزرت السكين بصدره وتوفى عمي طاح وابتسمت وقلت للحراس يرمونه بالبر ولا يدفنونه

رجعت البيت وغيرت ملابسي ونمت نومة عميقه وصحيت الصبح وكنت مخططه لعمي صقر تروشت وفطرت وركبت سيارتي وتوجهة لدوامه بعد ما حفظت طريقه حفظ لان خلال السنتين كنت الحقه لمدة شهر او اكثر لدوامه حتى صرت اعرف بعض اسامي اخوياه ورحت لدوماه وقعدت بسيارتي واول ما طلع طلعت وراه وحس علي اني الحقه وبدأ يسرع وانا وراه وكان يروح اماكن ضيقه عشان مقدر الحقه بس كنت حافظه المكان وجيت من طريقه ثاني وطلعت له من قدام وسكرت عليه الطريق نزل وهو يقول(وش تبي مني)كنت حاطه كمامه وكاب فوق لبسي والكاب كنت لامه شعري فيه يعني لو فكيته بينفك شعري نزلت ورفعت راسي قال(شتبي)فكيت الكاب والكمامه طالع وقال(نجددد؟؟)واخذ نفس عميق وقال(خير وش تبين)بديت امشي متقدمه له ببطئ وقلت(جايه اخذ حقي)قال(حق وش)قلت(التعـذيب الي سويتوه فيني)قال(كنا نربيك)قلت(لو تربوني كان استعملتو نفس الطريقة مع عيالكم لكن انتم ظالمين)وطلعت بخاخ مخدر من جيبي وبخيت بوجهه داخ وطاح بالارض وطلعت سكيـنه صغيره من جيبي وبديت اجرح يد عمي اليمين وصارت كلها دم  ولما فاق لان كان المخدر بس نص ساعه صرخ وحاول يقوم لكن المخدر يخلي الشخص يصحى لكن يقعد نص ساعه مايتحرك ابد بس عيونه وفمه الي يتحركون ورحت لسيارتي وجبت سكينه اكبر صرخ وهو يترجاني اسيبه وطعنته بنص صدره وتوفى لحظتها وسبته مرمي وركبت سيارتي وبعدت شوي وغسلت يدي من
الدم ورحت للحي الي قال عنه ذاك العجوز وكملت بحثي عن امي و وصلت لبيت دقيت الباب وفتحت حرمه قلت لها لو تعرف امي قالت(اي)وانها كانت ساكنه هنا قلت(والحين وينها)قالت(في الحي الفلاني)شكرتها ورحت للبيت ونمت نومه عميقه وصحيت ثاني وكملت البحث في نفس الحي الي قالت عنه وقعدت ادور وادور وكنت راكبه سيارتي وماشيه فيها وشفت عمر كان واقف جمب سياره والشمس كانت حاره وفي يده الطفله الي كان اسمها(سيرين)وكان يطالع فيها ويبتسم ويكلمها  وقفت عنده وفتحت الشباك وحط يده فوق عينه عشان يشوفني لان من قوه الشمس ما يشوف طالع وقال(نجد؟) قلت(وش تسوي)هنا قال(سالفه طويله)تنهدت وقلت(اركب اركب البنت انحرقت من الشمس)ركب والبنت ناظرتني وبكت ضمها عمر يحاول يهديها قلت(مارح اسوي شي)استمرت تبكي وقال(اول شي وش جايبك انتي)قلت(ادور عن امي وانت)قال(الصراحه بعد ما قتلتي ابوي تدمرت حياتي لان كنت اشتغل في شركه ابوي والبيت من الشركه وتدمرت بعد موته واناخذ كل شي حتى البيت)قلت(وين عايش الحين)قال(عايش مع واحد من اصحابي لكن ما اجيه إلا لما انام لان احس اني نشبه)قلت(توقعت تكرهني لاني قتلت ابوك)ناظر فيني وقال(تتوقعي ان ابوي كان طيب اكيد لا ابوي من اخبث الخلق)قلت (داريه)وسكتت سيرين ناظرتني طالعت فيها وابتسمت لفت وجهها عني ومسكت بلوزه عمر وسحبتها تبي يقرب منها قرب ونزل راسه قالتت باذنه شي قال(بعد شوي)قالت(لا)  بصوت عالي قال(خلاص طيب)قلت(وش تبي)قال(ولاشي)هزيت راسي بتسليك ورحت البقاله نزلت وشريت مويه وحلاوه لسيرين وركبت ورميت المويه في حضن عمر وعطيت سيرين الحلاوه ابتسمت واكلتها على طول وقال(شكرا كثر الله خيرك) وجا بينزل قلت(وين بتروح)قال(برجع السياره يعني وين)قلت(لا انتظر)وسكرت الابواب ورحت للبيت ودخلته وقلت(خلك هنا وتروش وغسل ملابسك حالتك حاله)جا بيتكلم سكرت الباب وطلعت وكملت ادور لين اليل ورجعت لقيته نايم على الكنب وسيرين نايمه على صدره رحت تروشت ولبست بجامتي ونمت صحيت اليوم الثاني ورحت لعمر دقيته بخفيف وصحا قام وحط سيرين على الكنب شلتها وحطيتها على سريري ولحفتها وسويت لي فطور وقعدت اكله وطالعت فيه وقلت(تحسب بسوي لحضرتك فطور قوم سوي لنفسك)ضحك وقام المطبخ وسوا لنفسه وصحا سيرين وقعدو ياكلون خلصت ورحت غرفتي وسكرت وبديت افكر بخطه جديده وفكرت بعمتي جميله وطلعت عنده وقلت(لو تحاول تدافع عن احد من الي رح انتقم منهم ياويلك ورح تلحقهم قتلت كثير للان وما رح اتردد اني اقتلك)قال(ما اهتم لو ماتو او عاشو اهم شي عندي ذي النتفه)قلت(تعرف معلومات عن عمتي جميله)قال وين تسكن وان عندها حفله اليوم قلت(كويس بس بتساعدني؟)قال(في وش)قلت(الانقام يا غبي) قال(طيب)قلت له الخطه اننا رح دخل لحفلتها وهي ما رح تعرفني لان من ٤ سنين ماشفتها ورح استدرجها واقتلها بكل سهوله ورح تساعدني وتوديني الحفل قال(تمام) تنهدت ودخلت غرفتي وبديت ادور في دولابي عن فستان يناسب الحفل ولقيت فستان مره حلو وخرجت ورحت لسوق وسبته بالبيت جبت لسيرين فستان وله بدله ودخلت البيت وقلت(البسها اذا جا اليل)قال(وشو ذا)قلت(البس وانت ساكت)طالع البس وما قال شي ودخلت غرفتي اخطط زياده لين اليل لبست وسويت شعري ويفي وحطيت مكياج خفيف مره لان مالي خلق وطلعت لقيت عمر يلبس سيرين وهو لابس وخلص وأخذت سيرين سويت شعرها ع السريع وطلعنا بسياره