تعريف الشخصيات
عبد العزيز وزايد اخويه
زايد اخوانه فايز ومتعب وعبدالله ومتوظفين في الرياض وخواته ريم وامال من اهل الديره
عبدالعزيز عمره 25 من اهل الرياض ووظيفته عسكري
الجد ابنائه 3 مشعل وصقر وفهد وبناته 2 نوره صغيره عمرها 35وسلطانه متوفيه
مشعل جاب عبد العزيز وسند وذياب وهيام البنت الوحيده بينهم والكل يحبها وخصوصاً عبدالعزيز
وصقر جاب بس دارين وسيف تركي ودحيم والهنوف
وفهد اقرب واحد لعبدالعزيز بسبب فارق العمر البسيط بينهم ،اصغرهم عمره 28مملك على لطيفه وزواجه قريب ويدرس طب بالخارج واذا خلص بيسون زواجه
لطيفه عندها اخوين هتان وضاري
هتان 22 يدرس اخر سنه بالجامعه
ضاري 24 تو مقدم على وظيفه وللحين ماقبلوه
لطيفه 19 فهد مملك عليها
*[باقي الشخصيات تتعرفون عليهم بالبارت ]*
___________________________________
بالرياض في بيت الجد ابو مشعل
الجد: يافهد لاتعاندني قلت لك لاتدرس برا
فهد : يايبه الله يهديك انا بروح ادرس وارجع كلها بالكثير 4 سنين وجاي ان شاء الله
الجد :والشركه من بيمسكها
فهد : بيمسكها تركي ولا متعب انا مابطول اربع سنين وجايكم انشاء الله
الجد : يلا استودعتك الله وانتبه لا تنسى صلاتك ولاتلف يمين ويسار
فهد : ان شاء الله يبه لاتوصي حريص
في مكان بعيد عنهم بالديره
في عزبة ابو زايد
زايد يقهوي شياب ديرتهم وسيف يذبح الذبيحه ودحيم يساعده
سيف: والله البلشه السكين ماتقص زين انقز يافايز رح جيب سكين من المطبخ
فايز : والله مالي حيل خل دحيم يروح
دحيم : ماتشوفني ماسك الذبيحه معه رح جيبها انت
فايز: احول طيب
عبدالله كان بالمطبخ يسوي القهوه
فايز من بعيد وهو جاي عبد اللههه
عبدالله : خير انشاء الله وش هالصراخ
فايز : وين السكين جيبها بسرعه
عبدالله : تعال اخذها انت انا اسوي القهوه
فايز : طيب طيب
عبدالله طيب يلا تعال عانها على الطاوله وراح عبدالله يقهوي مع زايد
بالرياض في بيت الجد ابو مشعل كانو كلهم متجمعين من شباب وبنات عند الجد
الجد: اسمعوني زين يوم الخميس بنكشت للمخيم بنقعد فيه 3 ايام الى5 ايام
الهنوف : ياجد لازم اجي معكم ؟ تعرفني ماحب البر
الجد: وين بتقعدين بالبيت لحالك كلنا بنطلع وترى ابوك وعمانك وحريمهم سبقونا انا قلت لكم الخميس عشان معكم وقت تجهزون
الهنوف : انشاءالله ابشر على خشمي
الجد : وانتم ياعيال روحو شيكو على مواتركم البنات بيجون معكم ترى
عبدالعزيز : انا ياجد موتري مشيك عليه امس اموره زينه
الجد : خلاص اجل انت اخذ معك الهنوف وهيام وانت يامتعب خذ معك لمى والباقين
عبدالعزيز ومتعب : ابشر
تسريع بالزمن بعد يومين يوم الكشته
عبدالعزيز ومتعب كانو تحت يحترون البنات يجون
عبدالعزيز دق على اخته هيام عبدالعزيز: وينكم يلا ترى تاخرنا على جدي هيام : يلا طيب جايين وقفلت
هيام : يلا يالهنوف عزوز يقول تاخرتو
الهنوف : انا خلصت
هيام نزلت ولقت الهنوف قاعده هيام : ماشاء الله مخلصه بدري مو من عوايدك ولا عشان عبد العزيز وغمزت
الهنوف: وش دخل عبدالعزيز من يومي وانا اخلص بدري
هيام : اي واضح المهم يلا امشي نركب
الهنوف : يلا
وراحو ركبو
عبدالعزيز : طيب وحده تجي تركب قدام كاني سواق عندكم
هيام : يلا جيت
عبدالعزيز: طيب وهو كان يبي الهنوف تجي قدام يبي يشوف وش مزعلها عليه وراح يطقطق بجواله بعد 10 دقايق
هيام : هاذي وين راحت بروح اشوفها
عبدالعزيز ماصدق يبيها من الله : اي بالله روحي شوفيهم ترى ابطينا على جدي
بعد مانزلت هيام لف عبدالعزيز على الهنوف
وقال" انا قاعد على بابك إلين تقول راضي تبيها عام او ليله ؟ " تدلل ما ورانا شي"
ولف اول ماشاف البنات وراحو للمخيم
وصلو وراحو كل واحد قسمه البنات راحو لقسم النساء والعيال راحو لقسم الرجال
باليل قررو الشباب والبنات بعد ماينامون الكبار يروحون يسهرون
الساعه 10 بعد مانامو الكبار راحو يظبطون جلستهم الي يشب النار والي يحط الفرش والي يسوي لهم مفرحات بعد مانتهو اجتمعو وجلسو نطت هيام وقالت وش رايكم نلعب صراحه جراءة قالو يلا وتجمعو كلهم على شكل دائره ولفت هيام القاروره وجت على عبدالعزيز يسال هيام
