انتهى اليوم على ابطالنا
___________________________________
صباح اليوم الثاني
كانوا الكل طالع للدوامات وكالعادة زحمه الرياض
ضاري كان يكلم خويه ومندمج
و ود كانت مروقه رايحه للمستشفى ويوم وصلوا عند المستشفى كان زحمه شوي ود كانت تمشي خفيف و ضاري كان مستعجل و الا فجاءه صدم سياره ود
ود انهارت وقعدت تبكي
جاء ضاري ركض: فيك شي صار لك شي بعدين لاحظ ان اغمى عليها
شالها وراح لقسم الطوارئ سوو اشاعه وشيكو
عليها
بعد نص ساعه صحت ود
ود : انا وين
ضاري:بالمستشفى
ود:ليه انا بذا الغرفه وش فيني
ضاري: اول شي الحمدلله على سلامتك وثاني شي سويتي حادث وجت سلامات
ود : كلمتوا اهلي
ضاري: لا الى الان
ود : طيب ابي ادق على صديقتي
ضاري: سمي هذا جوالي كلمي فيه
دقت ود على الهنوف
ود:الهنوف انا ود
الهنوف: لبيه ياروحي
ود: اسمعي بقول لك شي بس لا تخافين سويت حادث
الهنوف: متى و وين ومين الي صدمك
ود :قبل ساعتين عند المستشفى
الهنوف: مين الي صدمك
سالت ود ضاري عن اسمه قال ضاري الخصيلي
ود :ضاري الخصيلي
الهنوف طيب بس بقول لزايد يبلغ عليه
ود:ليه يبلغ عليه الولد ماكان قصده وانا كنت مهديه ماله ذنب
الهنوف: تمام اجبك نتفاهم يلا باي
بعد نص ساعه جو البنات حضنوا ود وسلموا عليها
ضاري: يلا انا بكون برا اذا بغيتي شي ناديني
ود: ماقصرت يعطيك العافيه لا تتعب نفسك اكثر تقدر تروح
ضاري: ماقدر دامني الي خليتك بهالحاله اروح واخليك لحالك
طلع ضاري الا يشوف زايد قدامه سلم عليه وجلس هو وياه
ضاري: زايد وش تسوي هنا
زايد :جايب اختي عند صديقتها مسويه حادث
ضاري : صديقتها اسمها ود
زايد : اي وش دراك
ضاري: معك الي صدمها شخصيا
زايد : امانه فيك شي صار لك شي
ضاري: لا عادي ضربه بسيطه
زايد : اسمع قول لي الموقف
وقال له كلشي
ضاري: ياولد احس انها مسكينه
زايد: لا ماتوقع
ضاري: لازم اشوفها بس خل البنات يطلعون
زايد : شعندنا ليكون حبيتها
ضاري ضحك وقال: قسم بالله انك منت صاحي اقول البنت انا صادمها يقول حبيتها
ضحكوا وقعدوا يسولفون وطلعوا البنات ومشى زايد ودخل ضاري عند ود وجلس يسألها وش صار فيها
وقالت : الحمدلله جت بسيطه بس لازم اقعد بالمستشفى يومين لين يتطمنون على صحتي
ضاري : طيب اتصلتي على اهلك
ود :لا ماني عارفه ارقامهم وجوالي مدري وين شكله ضاع من الحادث
ضاري : طيب وش اسمك كامل
ود : اسمي ود سلطان الحمود
ضاري : انتِ عندك اخو اسمه البدر
ود : اي اخوي
ضاري انصدم ان هاذي اخت خويه البدر
