في بيت ابو ضاري
ام ضاري جالسه وتحوقل
لطيفه : يمه اهدي مافيه شيء وبعدين هاذي حركات هتان اذا فيه مطر يروح يدوج
ام ضاري : اي اعرفه بس هو رايح يجيب عشاء له ساعه ونص ماجاء
لطيفه : مافيه شيء ماعليك
فجاءة انفتح الباب وصوت ضحك
ام ضاري فزت وطالعت بهتان وينك ساعه ونص ماجيت وليه ماترد على جوالك
هتان ابتسم : والله رحت طلبت الاكل ورحت افر لي فره ويوم جيت اشوف جوالي مالقيته وعبالي ناسيه بالاستراحه ورحت لها مالقيته ورجعت للمطعم اخذ الاكل وطلعت ورحت لورعك هاذا < يقصد ضاري > عشان ادق على جوالي ورد علي راعي المطعم وجبته وجيت
ام ضاري : زين اشوى روعتني
لطيفه : والله انك ورع روعت امي
هتان ابتسم : مافيني الا العافيه هاذاني قدامك مافيني شيء
لطيفه جت بتتكلم لكن رن جوالها شافت المتصل كان فهد وابتسمت وقفلت الخط ورسلت له بالواتس وقالت له مشغوله قاعده مع اهلي اذا فضيت اتصلت
هتان : من المتصل
لطيفه : وش دخلك لقافه
هتان ضحك : شكله حبيب القلب
لطيفه ضربته وراحت تجهز العشاء مع امها
____________________________________
بالمزرعه يشيلون اغراضهم بيروحون للبيت
شالو اغراضهم وتوجهو للبيت
بطريق الرجعه كان بسياره زايد عبدالعزيز ،هيام ،دارين ،الهنوف
تكلمت هيام وقال بنات شرايكم اقول لعزوز نروح المول ونقول للبنات يجون هناك اتفقوا ودق زايد على تركي قال له الخطه وقال دق على العيال بننزل كلنا بالمول نتمشى ونروح كوفي ونستانس
وصلوا كلهم ونزلوا البنات وقالوا حنا بنروح نتمشى والعيال قالوا حنا بنروح للكوفي اذا خلصتوا تجونا وراحوا البنات لشغلهم والعيال جلسوا بالكوفي
بالكوفي عند العيال
زايد : عيال وش تبون بروح اطلب
عبدالعزيز : ابي v60
تركي : وانا ايس لاتيه
ضاري : وانا ابي ايس امريكانو
زايد :تبون حلا ؟
العيال :لا
زايد : اكيد لاني موجود
وراح طلب ورجع للطاوله قال لهم انا بروح الحمام (يكرم القارى)
عند البنات كانوا يتمشون
وقفت هيام عند محل طولت شوي
لفت عليها الهنوف : هيام يلا شفيك طولتي
هيام :اصبري تكفين السلسال يهبل
الهنوف : احس ماله داعي خليه مره ثانيه
هيام :اوفففف يلا جايه
خلصوا البنات من المحلات واشتروا الي يبون وراحوا للكوفي
قامت هيام قالت انا بروح اطلب وش تبون
قالوا البنات طلباتهم
قالت الطلب الا زايد يناديها
لفت : هلا ؟
زايد : اخذي هذا
هيام : باستغراب وش ذا
زايد :اخذي وماعليك
هيام : طيب وش هو
زايد : سلسال
هيام : وش المناسبه
زايد : ابد حسيته يصلح لك
هيام : تمام يعطيك العافيه
راحت هيام ركض للهنوف سحبتها
الهنوف: شفيك يابنت
هيام :السلسال جابها لي
الهنوف: اي سلسال ومين الي جابه
هيام :الي كنت ابيه ،زايد تكفين احس قلبي بيوقف
الهنوف : حركات بدينا اعترافات
عند العيال رجع زايد بدون الطلب
عبدالعزيز : الطلب وين
زايد : يوههه اصبر نسيته
عبدالعزيز : اجلس اجلس مامنك فايده انا اروح اجيبه
