بعد ماراحو ينامون
فتحت هيام جوالها ولقت رساله
من صديقتها صديقة الطفوله
وكان موضوع الرساله
" مابيني ولا بينك شيء انتهى كل شيء بيني وبينك
والله يوفقك في حياتك "
هيام : طاحت دمعتها وانتبهت لها وجدان
وجدان هزة كتفها : بنت وش فيك
هيام ورتها الجوال
وجدان انصدمت قالت هاذي فجر
هيام : اي
وجدان : قولي لها ليه انتهى كل شيء بيننا وش السبب
هيام كتبت مثل ماقالت وجدان
وردت عليها فجر : حبيت تسوين نفسك غبيه
هيام : وش الي اسوي نفسي غبيه انا ماسويت شيء
فجر: تعرفين السبب
هيام انصدمت ان فجر تقول كيذا خصوصاً ان فجر تعرف هيام
واستمر حديثهم وانتهى بنهاية علاقتهم
وهيام كانت تبكي ووجدان قامت تهديها
وتقول لها كلام انها هي ماتستاهل تكون صديقه لوحده كيذا وهدت هيام وقامت تفكر واقتنعت ان صداقتها معها ضايعه وقررت ماتهتم
عند العيال بالدوانيه دخلو زايد وقامو يسولفون
ويضحكون لين جت الساعه 2 ونامو
صلاة الفجر
دخل عليهم الجد وهو يصحيهم
وشغل الضوء يلا ياعيال يلا قومو
زايد تحرك بانزعاج وهو يقوم
الجد : هلا هلا بزايد متى جيت ياوليدي
زايد : هلابك جيت الساعه 12:30
الجد : زين يلا ياوليدي وض والحقني نصلي
تحرك تركي بازعاج وهو يقول طفو اللمبه بنام
الجد : قم قم الصلاة رح اعبد ربك وارجع ارقد
النوم مو طاير
تركي قام راح دخل دورة المياه يوضي
عبدالعزيز : يلا ياتركي ماصارت وضوء اعجل علينا
بنوضي
تركي طلع وهو يقول احول الواحد مايقدر يوضي زين
وصلو وراحو ينامون وكذالك عند البنات بعد راحو
يصلون ورجعو نامو
