تقهو وخلصو وراحو لبيوتهم ينامون لان بكره دوامات
____________________________________
بغرفة لطيفه
لطيفه دقت على فهد
لطيفه : الو
فهد : هلا
لطيفه : كيف حالك
فهد : قلبي بخير وانا طيب ومرتاحح
دام الله مزين لي حياتي ودنيتي
لطيفه ابتسمت وقالت : ايوا وش عندك متصل قبل شوي
فهد : مشتاق ولا مايصير اشتاق
لطيفه : لا يصير تشتاق
فهد : انتِ ماشتقتي لي
لطيفه ضحكت وقالت : لا
فهد : زين انا اعرف كيف اخليك تشتاقين
وكملو سوالفهم وسكرت منه وكانت مبتسمه
ودخل عليها هتان وقال وش عندنا الابتسامه شاقه الوجه
لطيفه ضحكت وقالت : اخلص وش تبي
هتان: افا طرده لي عشان تفضين لحبيب القلب
لطيفه : وجع اخلص وش تبي بنام
هتان : تسوين لي اكل
لطيفه : لاوالله تشوف الساعه كم انت رح نام وبكره الصبح افطر انا بنام تاخرت بكره وراي جامعه
هتان : اي زين تمام انا اعرف كيف اخليك تسوين لي اكل
لطيفه : اي زين اطلع وطف اللمبه بنام قود نايت
هتان اتصل على فهد ورد عليه فهد وحط هتان سبيكر
وقال فهد: امر وش بغيت يالنسيب
لطيفه لفت بصدمه وهي تشوفه يقول لفهد مايمر عليك ظالم ابد والله ابغى زوجتك تسوي لي اكل
فهد ضحك وقال: ليه تتعبها ليه ماتروح تشتري لنفسك
هتان ضحك وقال : تدافع عن زوجتك
فهد ضحك وقال: اكيد ام عيالي هاذي
هتان: اي اي يصير خير مامنك فايده لا انت ولا زوجتك وقفل قامت لطيفه وقالت وجع ووجع وجع خير متصل وش بيسوي هو مثلاً بيجي يطبخ لك
هتان : تكفين لطوف يلا سوي لي وبكره اجي اطلعك لكوفي ونستانس يلا تكفين
لطيفه: الله يعين زوجتك عليك امش امش
هتان : يازينها هي وينها بس
لطيفه: حمدلله والشكر يحب زوجته وهو لحد الان ماشافها
