بعد يومين عند ترف بالمستشفى بعد ماعلموها ان اهلها توفو
دخل الدكتور عزام عند ترف
ترف يوم شافته عدل جلستها
الدكتور عزام : ترف
ترف : هلا
الدكتور عزام: اخوك هزاع برا بيجي يزورك
ترف : تمام
الدكتور عزام طلع ودخل اخوها هزاع
ترف : هزاعع
هزاع : عيوني
ترف : ايش صار كيف امي وابوي توفو
هزاع جلس على طرف السرير : كنتم رايحين للبيت وانتم بالطريق دخلتم بشاحنة وامي وابوي توفو الله يرحمهم وانتِ دخلتي غيبوبه 3 أشهر وتوك تصحين ، التفت هزاع لها وشافها قاعد تبكي ومنهاره حضنها وقام يهديها ولقاها نايمه بحضنه شالها وغطاها بالحاف ومسح على وجهه بضيق وطلع من عندها وقابل الدكتور عزام
الدكتور عزام: كيفها الحين
هزاع : نامت الحين وانا بطلع اخلص لي شغله واذا صحت وانا ماقد جيت دقو علي
الدكتور عزام: ماعليك لاتشيل هم
هزاع : يعطيك العافيه
الدكتور عزام: الله يعافيك
______________________________________
عند لطيفه تكلم فهد
فهد : لطوفه
لطيفه : سم
فهد : توقعي انا وين
لطيفه : بالفندق
فهد : لا
لطيفه : قاعد تتمشى
فهد : لا
لطيفه: وين اجل
فهد فتح الكام لها وهو يركب الطياره
لطيفه انصدمت : وين رايح ماعندك دراسه
فهد : لا ماعندي دوام وجاي اخذك معي
لطيفه: جاي لسعوديه
فهد : اي
لطيفه : فهد لاتكذب
فهد : وربي اني جاي لسعوديه ليكون ماتبيني
لطيفه : الا ابيك تجي بس صدمتني
فهد : طيب وش رايك تروحين معي اذا خلصت إجازتي
لطيفه بصدمه : وشو وش تقول انت صاحي
فهد بضحكه : امزح امزح وش فيك اكلتيني
لطيفه بفشله: آسفه بس صدمتني
فهد : تمام انا الحين بسكر واذا وصلت اتصلت عليك
لطيفه : زين مع السلامه
فهد : مع السلامه
______________________________________
بالسياره عند البدر و ود
البدر : شلون صار الحادث
قالت له كل التفاصيل
ود: انصدمت انه خويك
البدر :يلا الحمدلله على سلامتك اهم شي انتي بخير
ود: طيب السياره متى تصلحه
البدر:مارح تسوقين انتي اساسا
ود: اجل من بيسوق
البدر: بجيب لك سواق
ود: اوف بدوري تكفى لا سيارتك تكون معي احسن
البدر: لا اذا صار حادث مره ثانيه بعيد الشر مو اكيد انك بتسلمين نفس الحادث ذا
ود : طيب حتى لو سواق هذا قضاء وقدر بيد الله مو بيدي
البدر:بس بعد لازم اخذ احتياطيات مذكوره بالقران مو كلشي قضاء وقدر لازم عمل بالاسباب
ود:صح بس ابي اسوق
البدر :اذا عرفتي غلطتك افكر اخليك تسوقين
ود بقله حيله : اوففف زين
ناظرها البدر وضحك على شكلها كانها طفله
————————————————————
بعد مارجع البدر سيارة ضاري وضاري رجع البيت راح عند لطيفه على طول
ضاري: اختي روحي حياتي
لطيفه: اوف اوف هذا ضاري شعندك
ضاري :بسولف معك شوي
لطيفه : دام كل ذا واضح فيه سالفه تعال تعال
جلس ضاري وقال لها موقفه مع ود
لطيفه : ياحياتي هي وانت ماتعرف تسوق
ضاري: اي مسكينه بس عادي طلب
لطيفه :امر
ضاري:ابيك تزورينها بالبيت وتعطين اهلها قيمه تصليح سيارتها واذا رفضوا قولي لي
لطيفه : اوهه واضح طحت وانا اختك
ضاري: وين ماقصدي كذا بس اخت خويي وانا الي صادمها ويمكن تصيرون صاحبات ماتدرين فا يعني روحي انتي واذا تبين فلوس تاخذين معك حلا شي
