عند ترف صحت من الغيبوبه بعد 3 أشهر من وفات اهلها كلهم مابقى عندها الا اخوها هزاع واختها الي بامريكا تدرس مع زوجها
صحت وقامت تطالع بالغرفه تحاول تتذكر وش صار لها والتفت وهي تشوف الدكتور عزام داخل يشوف حالتها وانصدم انها فاقت
وابتسم وقال: ترف صحيتي
ترف طالعة فيه وقالت: انا وش فيني
عزام طالع فيها وقال: تعرضتي لحادث انتِ واهلك ولك 3 أشهر بالغيبوبه وتو تصحين
ترف انصدمت انها كانت بغيبوبه وقالت: اهلي اهلي وين
عزام حزن عليها وحس انها بتنهار وقال : اهلك بخير بس مرقدين بمستشفى ثاني
____________________________________
عند الهنوف وعبدالعزيز
عبدالعزيز: الهنوف
الهنوف : اممم
عبدالعزيز: وش رايك نملك
الهنوف لفت عليه بصدمه : وشو وش تملك لا
عبدالعزيز: ليه مانملك قلت ملكه ماقلت زواج
الهنوف : اي ادري ملكه بس لا
عبدالعزيز : وليه انشاء الله
الهنوف : تو احس اني ماجهزت نفسي وبعدين الفتره ذي ماني قادره اسوي شيء اختبارات
عبدالعزيز حس انه بدء يعصب وقال : الا بس بنسوي ملكه متى تبغين معك الاسبوع هاذا بس
الهنوف انصدمت منه وقالت : خير انشاء الله وش بس الاسبوع هاذا ماراح نملك الا بعد شهرين
عبدالعزيز عصب منها وقال : وشو بعد شهرين عاجبك وضعنا وانا ماقدر اتكلم معك نفس الخلق بس اجي واتطلب عمي عشان اقولك كلمتين على بعض حتى كلمتين ماقدر اقولها نفس الخلق خل نملكك والعرس يصير خير متى ماحددناه حددناه ماصارت خاطبك لي سنتين
الهنوف عصبت منه وقالت: لا يعني لا وقامت دخلت داخل
عبدالعزيز طلع من بيت عمه وهو معصب وقابل قدامه تركي الي يضحك تركي شاقه معصب واستغرب منه عبدالعزيز مو من عوايده يعصب الا اذا صاير شيء
تركي راح له وقال : سلامتو فيك معصب
عبدالعزيز ؛ تركي وخر عني ترا واصله معي لين خشمي انا بروح لدبابات بفرغ هالعصبيه الي فيني تبي تجي اهلاً وسهلاً ماتبي اقلب وجهك
تركي : الا بجي دقيقه بس بروح اجيب اغراضي
عبدالعزيز: انتظرك بالسياره
____________________________________
عند ضاري وود
ضاري ؛ خلاص بدق على البدر انا واعلمه كل شيء
ود : اخاف يفهم غلط
ضاري: لا ماعليك
ضاري : طلع من الغرفه واتصل على البدر
البدر : هلا حي الله ضاري
ضاري : البدر تعال مستشفى ال..........
البدر : خير سلامات وش صاير
ضاري : مو صاير شيء بس صدمت صدمه خفيفه وانا الحين بالمستشفى ابغاك تجي
البدر : ابشر ابشر جايك انا يلا مع السلامة
____________________________________
ببيت الجد
كانو الحريم والبنات مجتمعات ويسولفون
عند وجدان وهيام
وجدان : الله هيام سلسالك يجنن
هيام تذكرت وابتسمت
وجدان : هي وش يضحك
هيام : وجدان اقول لك شيء بس ماتعلمين احد
وجدان : قولي ماراح اقول لحد
هيام : وجدان توقعي من عطاني السلسال
وجدان : من
هيام : زايد
وجدان شهقت وقالت : زايد
هيام : اي
جت لهم الهنوف يوم سمعت شهقت وجدان
الهنوف :وش فيها هاذي تشهق
هيام ضحكت : علمتها من معطيني السلسال
الهنوف ضحكت : اي بدايت الحب سلسال
____________________________________
عند تركي وعبدالعزيز
عبدالعزيز: تسابق
تركي ؛ يلا
وانطلقو
عبدالعزيز كان مسرع حيل وكان بيلف وحس ان الدباب بينقلب كان بيحذف الدباب ويركض
بس الدباب انقلب فيه
تركي شافه وجاه مسرع حيل
تركي : عبدالعزيز
عبدالعزيز كان يتالم ويقول ودني المستشفى
تركي شاله هو وواحد معه وركبه بالسياره وانطلق للمستشفى
____________________________________
عند ام عبدالعزيز
ام عبدالعزيز: غريبه تركي وعبدالعزيز وينهم تاخرو قايلين بيتعشون عندنا
ام سيف : يابنت مافيه الا العافيه هذول الشباب كيذاء
أم عبدالعزيز: مو متطمنه برسل له وارسلت له
____________________________________
بالمستشفى
الدكتور : الحمدلله على سلامته جت سلامات هاذي المره بس خدوش فيه وجهه ويده بس وجهه فيه خدوش كثيره اذا شفته لاتخاف حالته كويسه وسوينا له اشاعه والحمدلله مافي شيء وبنحط عليه كريمات وتطلعه لان حالته زينه
تركي : يعطيك العافية اقدر اشوفه
الدكتور : اي تفضل
