محبّوبة ال سعود

عائلة الجد سطام بن فيصل ال سعود

عائلة الجد سطام بن فيصل ال سعود
- الجد سطام ( ابو فهد )
بارد وله هيبته ووقاره قليل كلام وكلمته وحده شديد لكن كل نجد تعرفه بطيبّه وكرم عياله
- الجده حصه ( ام فهد )
الجده الحنونه اللطيفه يلقبونها جاراتها " ام زكي" لان كل اخبار الحاره عندها تحب العزايم وكل شوي رايحه للعزبه مافيه بيت بالديره مادخلته
-العم فهد ( ابن سطّام الأكبر )
يبلغ من العمر 48 طباعه حاده وصاحب حكمه بارد وكل اخوانه يحترمونه عنده ولد وبنتين
||
- ساره ( ابنة فهد الكبرى)
تبلغ من العمر 25 تشابه ابوها بحكمته وبروده حنونه وتحب اخوانها بالحيل
- محمد ( ابن فهد الثاني )
يبلغ من العمر 20 عام نادر تشوفه بالبيت طلعاته واجد وولد امه
- ريان
يبلغ من العمر ١٨ عام مراهق عصبي اصغر واحد
- منيره ( ام ساره)
تبلغ من العمر 39 تحب تهتم في عيالها وزوجها وتهتم ب ادق التفاصيل
||
- العم زايد ( ابن سطّام الثاني )
رجل أعمال يبلغ من العمر 46 عام طول وقته مسافر وعنده شغل ماعنده الا ولد وبنت ويشوفهم كل دنياه
||
- هزاع ( ابن زايد الأكبر )
يبلغ من العمر 20 عام مايشبع طول وقته ياكل ولقبه "هزار " دمه خفيف ومافي اكبر من قلبه او بطنه
- وجد ( ابنة زايد الصغرى )
تبلغ من العمر 15 عام صامله انها مو بدويه وتحب تقلد الاجانب عنيده وراسها قوي ماتسمع الا كلام ابوها
- منال ( ام هزار )
تبلغ من العمر 39 عام  سوسه تدور المشاكل ومافي اطول من لسانها لكن في وقت الجد تطلع شخصيتها الحقيقه وتصير كفو
||
العم فيصل ( ابن سطّام الثالث)
يبلغ من العمر 44 راعي حلال وصاحب تجاره انسان شديد على عياله وضابطهم عصبي بس وسيع صدر وخفيف دم  والكل يحبه ساكن بالخبر ويجي الديره كل ماجاته فرصه
||
- عمار ( ابن فيصل الاكبر)
يبلغ من العمر ٢٤ عصبي طالع على ابوه صارم ويحب التنظيم  يشتغل مع ابوه 
- مها ( ابنة فيصل الوسطى)
تبلغ من العمر ٢١ تحب تحش وتطقطق كل وقتها تتابع مسلسلات تركيه وعايشه بعالم ثاني
-فخر العرب سطّام ( ابن فيصل الاصغر)
هذا انا سمي جدي وحفيده الاحّب ابلغ من العمر١٨ انسان بارد ومايهمني شي اسوي كل شي عشان ما اطفش يسموني "السايع " لاني ما اهجد وجهي يهبل وسمح وماتفارقني ابتسامتي اللي تحس وراها بلاء
- لينا ( ابنة فيصل الاصغر)
اخر العنقود تبلغ من العمر ٨ سنوات دلوعة ابوها وفضيحة اخوانها ماتقول لها شي الا كل العالم درت
- امل ( ام عمار)
تبلغ من العمر ٤٠ مالها حس وطول وقتها بالمطبخ و تتطمن على عيالها كلو ولا لا بس كل طيبة الدنيا بقلبها
||
- دلال ( ابنة سطّام الوحيده )
دليَل ومن مايعرف دليَل تبلغ من العمر34 عام ومحتارين هي متزوجه ولالا  كل مازانت الجلسه هجت من عند زوجها لاهلها لأسباب غبيه لسانها وش طوله وسوالفها ماتخلص
||
- ميرال (ابنة دلال )
تبلغ من العمر  16 عام عصبيه  متأزمة نفسياً من اهلها المهبل طالعه على امها ولسانها وش طوله
- محسن (ابو ميرال )
منحوس وربي بلاه بعمتنا عنده تبلد من الوضع اللي هو فيه قلب طيب وعلى نياته