"في الساعه الثانيه مساء في بيت ابو عبدالله "
: يابو عبدالله يابو عبدالله
"يقوم عبد العزيز من نومه ويطالع في حال زوجته اللي واضح عليها الألم "
: عسى ماشر وشفيك يا هيا
هيا : بولد بولد ودني عند ام صقر بسرعه
"يهرع عبد العزيز من مكانه ويلبس ثوبه وياخذ مفتاح سيارته ويتصل على ام صقر ويعطيها خبر بجيتهم"
عبد العزيز : لبستي عباتك؟ يالله يالله مشينا
هيا :وسلطان من يجلس عنده
عبد العزيز : عبدالله راقد عنده ما عليه خوف
"يروح عبدالعزيز وزوجته هيا لبيت ام صقر ويدخل زوجته وهو واضح عليها الألم "
ام صقر : دخلها دخلها هنا
"يدخلها عبد العزيز عند ام صقر ويطلع وهو يدعي ان الله ييسر ولادة زوجته على خير "
" بعد ساعتين يسمع عبد العزيز صوت بكاء طفل مع اذان الفجر "
: مبروك ماجاك مبروك ماجاك تتربى بعزكم
ابو عبدالله : المره سليمه والطفل سليم ؟
ام صقر : ابشرك المره بخير وجاتك بنت تعال وشوفها
ابو عبدالله : الله يجزاك خير
"يدخل عبد العزيز الغرفه ويتطمن على زوجته ويروح يشوف طفلته الجديده اللي غطى على وجهها نور القمر المطل من الشباك"
هيا بتعب : وش بغيت نسميها
" عبد العزيز وهو يتأمل وجه ابنته "
: نُورَه على نُور البَدر فاز
أنت تقرأ
محبّوبة ال سعود
Fiction générale"آل سعود " عائله سعوديه نجديه عريقه تشتهر بالكرم والشجاعه وموهبة الشعر لأفراد هذه العائلة ومن بنات هذه العائلة فتاة اسمها " نوره عبد العزيز ال سعود " تشتهر بجمالها وحُسنها وسمعة أباها الطيبه
