اعشـق عذابــه وامـــوت بغيــابه. . .

البارت الاول

على الساعه 6 ونص ميره وعايشه كانو متجهزات ويالسات تحت يتريقن مع امهن يترين الشيخ سعيد ينزل عشان يوديهن دواماتهن...

عايشه : اففففف...ها وينه للحين ما نزل...من الصبح موعتنه وللحين ما خلص...محد بيأخرنا غيره ..

ام سالم : بلاج امايه شوفيج معصبه من صباح الله ؟

عايشه : ماتجوفين ولدج للحين ما نزل...ماباقي شي ع محاظراتي و حضرة جنابه للحين ما نزل وبعدين يقول والله انتو الي اتأخرتو ..

ام سالم : ميره ابويه سيري جوفي اخوج خليه ينزل عشان يتريق بعد ويسير الجامعه..

ميره : انشاءالله امي..

سارت ميره فوق... وتمت ادقدق على باب غرفة سعيد وتطبل وحالتها حاله.. وبعدين فجت الباب بقو ويوم راحت اتجوفه حصلته راقد..

ميره : اويييييههه... ايييه انتتت سعيييد قوووم يالله ماشي وقت قووووم ودنا وبعدين كمل رقادك

سعيد : . . .

عصبت ميره : اييييهه سعوووووود..

سعيد : . . .

مطت اللحاف عنه... وتمت تضربه بالمخاد... وبعدين جافت عداله غرشة ماي جان اتشلها واتصبها ع راسه...

علطووول فز ونش سعيد وهو معصب... وميره تضحك يوم جافته فز من رقاده وشعره مكشش...

سعيد : غبيهه حماار

ميره وهي تضحك : محد قالك من الصبح ونحن نترياك... يلا قوم بسرعه وانزل اتريق وبعدين ودنا دواماتنا بتبدا الحصه الاولى يلا ماشي وقت...

سعيد : شو دريول عندكن ؟؟

ميره : هيه...

سعيد : ذلفي ذلفي طلعي برع...

وشل المخده كان يبا يفرها عليها بس ما لحق علطووول شردت ميره ونزلت تحت...

رد سعيد ينسدح ع الشبريه ( السرير ) وفتح تلفونه وجاف الساعه 6:36... علطوووول قام بسرعهه وراح الحمام ( الله يعزكم ) يتغسل...

نزلت ميره وهي تضحك ع سعيد...

ام سالم : بلاج تضحكين ؟

ميره وهي تضحك : ماشي ماشي امايه..

ام سالم : عيل وينه اخوج ؟

ميره الحين بينزل... شوي ونزل سعيد وهو خلاص تعبان فيه رقاد... وراح يوايهه امه..

ام سالم : هلا ابويه... تعال يلس اتريق...

يلس سعيد يتريق ويطالع ميره الي وده يفرها بأي شي.. ورد يطالع عايشه وهي يالسه تتريق...

سعيد : بلعي بلعي انتي..

عايشه : استغفرالله العلي العظيم.. شو مسوتبه انتي.. عنبوو من صباح الله شاب ضو....