بسم الله ونبدا
..............................
صباح اليوم الثاني يوم يديد
نشت ميره ع الساعه عشر وراحت خذت لها شور وبعد ما خلصت فتحت الكبت وطلعتلها جمبسوت ولبسته عقب راحت عند التسريحه تحطكريماتها وستشورت شعرها وخلته مفتوح ونزلت تحت عند اهلها
ميره : صبااح الخير ( باست راس امها )
ام سالم : صباح النور حبيبتي تعالي تريقي
ميره : غريبه العايله الكريمه ناشه وانت غريبه واعي الحين
سعيد طالعها ورد يكمل ريوقه
ميره : بسم الله بلاه ها
عواش : خليه لا تحتكين فيه
ميره : انتي جب ما يخصج
عبدالله : ياخي انتي ما تعرفين تسكتين ما تعرفين ما تحتكين ف حد؟
ميره : ييهيييي ها رمس الشيبه
عبدالله : شيبه ف عينج الحين بفلعج بهالخاشوقه
ميره : يلا اجوف فلعني هاذي انا جدامك
قام عبدالله يبا يفلع ميره بس صوت امه وقفه
ام سالم : يابوكم خلاص انتو بس تحبون تضاربون من صباح الله وانتي اذا ما بتين تتريقين سيري فوق ولا يلسي ف الصاله
ميره : حشى كلتوني احسن مابا ريوقكم ( وفرت الخاشوقه ع الطاوله وراحت )
عصب سعيد من هالحركه وقام سار عندها ومسك ايدها بقو : عيدي هالحركه مره ثانيه وجوفي شو بسوي فيج بكسرها هالايد
ميره : هد ايدي
كلهم قامو وسارو عندهم
عبدالله مسك ايد سعيد : خوز ايدك عنهااااا
ام سالم : سعود نزل ايدك عن اختك
خوز سعيد ايده عن ميره وتم يطالعها بنظرات وعقب راح فوق وهو معصب
عبدالله : وانتي شو ما تعرفين تحترمين حد ف هالبيت؟؟
ميره كانت اطالعه وعيونها خلاص متروسه دموع... سارت ركض فوق دشت الغرفه وتمت تصيح
عواش : ماكان له داعي تصارخ عليها
عبدالله : لا خلها تستاهل هاي يبالها حد يأدبها شوي
دانه مسكت ايد عبدالله : عبدالله هد شوي تعالي ايلس هني
ام سالم : استغفرالله العلي العظيم
عواش : امايه هدي هدي شوي تعالي يلسي ارتاحي
ام سالم : سيري جوفي اختج
عواش : ان شاءالله بسير اجوفها بس انتي يلسي
سارت عواش فوق عند غرفة ميره وتمت ادق الباب : ميروه فجي الباب
أنت تقرأ
اعشـق عذابــه وامـــوت بغيــابه. . .
General Fictionروايه اماراتيه { من وحي خيالي } ان شاء الله تنال اعجابكم 💛. . .
