طبعاً من بعد الضرايب والهزاب كلهم وصلو بيت بوخليفه... ويلسو عندهم شوي وتغدو وعقب ياسر يسولفون لين اذن العصر
اليد بوحمدان : اقول ابويه عبيد
بوخليفه : هلا ابويه
اليد بوحمدان : متى طيارتنا
بوخليفه : ع الساعه 6 بس لازم نطلع قبل
اليد بوحمدان : جي عيل لازم نطلع قبل
بوخليفه : ماعلي شوي وبنطلع
بوسالم : شكلنا مأخرينكم... يلا عيل نحن بروح عسب ما نعطلكم عن طيارتكم
بوخليفه : لا لا اي تأخير يا بوسالم
بوسالم : ماعلي عسب تلقون ع الطياره بعد
وقام بوسالم يسلم ع ابوه وامه واخوه وعقب قامو عياله يسلمون عليهم بعد
اليده ام حمدان : ها هالله هالله ف الدراسه يا ميروه شدي حيلج ماباقي شي وتتخرجين وتفتكين
ميره : ان شاء الله يدوه وانتي هالله هالله ع عمرج انتبهي عن تضيعين عنهم ههههه
اليده ام حمدان : ههههه مسودة الويه
وراحت ميره تحضن مريوم وروضه
روضه : اوييهه ميروه بلاج بتصيحين
ميره : ياخي والله بشتاقلكم
روضه : حتى نحن بنشتاقلج فديتج
مريوم : اقول عن تسويلنا دراما ترا كل ساعه بنيلس اندقلج... وبعدين احممم نحن رايحين نستانس انتي خلج هني درسيييي
ميره : وععع مالت عليكج ان شاء الله عادي بيلس وبدرس وبتخرج وبسافر
مريوم : يييييي عاد متى بتسافرين مطوله
ميره : اقول زقي ترا ماباقي شي وبتخرج
وكملو سلامهم كلهم وطلعو برع عسب يركبون سياييرهم ويتوجهون للمطار
عواش : تروحون وتردون بالسلامه ان شاء الله
كلهم : ان شاء الله
اليده ام سالم : هالله هالله ف عماركم وانتبهو ع نفسكم... وانت يا حمدان هالله هالله ف عيالك وحرمتك
بوسالم : لا تحاتين يا امي هم فعيوني اصلاً
اليده ام سالم : هيه ترا بتوصلني الاخبار
بوسالم : ههههه ان شاء الله امي ان شاء الله
سعيد : لا تحاتين يدوه انا بخبرج كل شي يصير
عبدالله : انت قر ف البيت اول عسب تخبرها عن الي يصير وعن الي ما يصير
ميره : انا بخبرج يدوه
عبدالله : انتي جب
ميره خذت نفس عميق وعقب يوم يت ترمس سعيد رمس بدالها : اعصابج اختي اعصابج... ماعليج منه خليه يولي
أنت تقرأ
اعشـق عذابــه وامـــوت بغيــابه. . .
Fiction généraleروايه اماراتيه { من وحي خيالي } ان شاء الله تنال اعجابكم 💛. . .
