مرت ثلاث اسابيع و ف هالاسابيع ماصار فيها اشياء مهمه وكانت فترة امتحانات ميره ونوره، طبعاً كانو طول الوقت يدرسون وشادين حيلهملازم بعد ثنويه آخر سنه حقهم
واليوم هو آخر امتحان حقهم... ردت ميره البيت وكانت تعبانه هلكانه من الامتحان وبنفس الوقت مستانسه لان خلاص آخر يوم
ميره : بووو السلام عليكم يا قوم
كلهم " العايله الكريمه " : عليكم السلام
راحت ميره وايهت امها وابوها وعقب راحت قعدت عدال سعيد : شحالك؟
سعيد : بخير انتي شحالج
ميره : الحمدلله
بوسالم : ها كيف كان الامتحان
ميره : افا علييك ابويهه شقيينا الامتحان شق
عبدالله : بنجوف آخرتها
ام سالم : لا ان شاء الله بنتي ناجحه وان شاء الله الاولى ع المدرسه
ميره : الله يسمع منج
كلهم : امين
ميره بهمس لسعيد : اقولك ها بتروحون اليوم؟
سعيد : هيه
ميره : متى؟ الساعه كم؟
سعيد : ع العصر جي الساعه خمس
ميره : حلو
سعيد : امااه متى بتتغدون تراني ميت يوع
عواش : انته شو بس تحاتي بطنك
سعيد : اعتقد اني رمست امي
ميره : شعليج منه خليه ياكل بطنج ولا بطنه وبعدين ترا حتى انا يوعانه
عواش : كلوني بعد
ميره و سعيد : تعالي
عبدالله : خييبهه هاييل متّحدين شو
عواش : ما تجوفهم يتساسرون قبل شوي
عبدالله : اجوفهم
ام سالم : بس خلاص انتو الاربع الحين بقولهم يحطون الغدا
ريم راحت عند سعيد وتمت تضربه ع ريله ب الخفيف : عمي سعيد عمي سعيد ودني الالعاب
سعيد : اشتغل عندج انا سيري عند ابوج
زعلت ريم وراحت عند ابوها : بابا جوف عمي سعيد ضربني
ميره : خيييبههه ي المكاارهههه تعرفف تجذبب بعد
سعيد لف لميره وهو مصدوم : تجوفينهاااا... طلعت هب هينه
عبدالله : اييهه انتو هب ع بنتي ( ولف جاف ريم ) ماعلي حبيبي انا بوديج خلي عمج سعيد يزق
دانه ضربت ايد عبدالله بالخفيف : لا تعلمها هالالفاظ
ام سالم : يالله تعالو غذا
أنت تقرأ
اعشـق عذابــه وامـــوت بغيــابه. . .
Fiksi Umumروايه اماراتيه { من وحي خيالي } ان شاء الله تنال اعجابكم 💛. . .
