مرو هالاسبوعين ع السالفه وطول هالاسبوعين ميره ما طبت بيت يدها موليهه
اليوم هو اليوم المنتظر الي الكل كان يترياه والي الكل كان مستانس فيه... كل حد كان ناش الصبح ومختبصين فوق تحت... عليا متوتره وتصيح انها خلاص بتودر العزوبيه وبتصير حرمه متزوجه وراعية بيت ومسؤوليه والي يصيح عشانها بتروح والي معصب ما يدري وين ملابسه ولا كناديره والي والي...
ع العصر البنات كانن يتجهزن يايبين راعيات الصالون ف البيت عسب يجهزونهم
و ف بيت بوسالم بعد نفس الشي كانو يايبين راعيات الصالون عندهم عسب يجهزونهم
المغرب ف قاعة العرس عليا كانت ف غرفة العروس يجهزونها والبنات فجأه جي طبو عليها
نوره : اخخخخ قلبييي بطييح بموت لحقو علي هالقمر الي جدامي سرق قلبي
العنود : ماشاءالله تبارك الرحمن تففففف الله يحفظج من العين
عليا كانتت مستحيهه ومنزله راسه
العنود : واخيييراً هالقمر الي جدامي بتصير حرمت اخوي
ميثه : يا حظك يا سيفووهه والله يا حظك يا حظك
لاا لاا يااخييي نحن كل ما نيي نجوفج ننصدم فيج اكثر
كلهم لفو
عواش : شو هالزين ياخي علوويييي سكرتي ملفاتنا كلنا
عليا : فديتكم والله حبايبي وبعدين جوفو عماركم كيف كل وحده احلى عن الثانيه
مهره : الله يحفظج من العين
نوره : اقول عواش وينها ميروه
عواش : عند بنات عمي
نوره : هني ف القاعه
عواش : هيه
نوره : بنسير نجوفها يلا ميثوه تعالي
ميثه : يلا
وراحو عند ميره وروضه ومريوم
نوره من جافت ميره علطول حظنتها : اشتقتلجججج يااااحيوااانههه ياا خايسههه
ميره : تشتاقلج العافيه
نوره : وينج ليش ما ييتينا
ميره لفت ويت عينها ع ميثه وردت تجوف نوره : ماشي
مريوم : ونحن شو ما بتسلمين علينا؟
نوره : وااي فديتكم والله وحشتوني
مريوم : حبيبتي والله
وسلمو ع بعض وتمو يتحاضنون الا ميره وميثه الي ما سلمو ع بعض
من عقب السلام سارو يلسو ع الطاوله الي جدام الي محجوزه خصيص لأهل العروس
يت الساعه 10 وعليا كانت حرفياً متوتره : ماقدر انزل لا ماقدر
أنت تقرأ
اعشـق عذابــه وامـــوت بغيــابه. . .
Genel Kurguروايه اماراتيه { من وحي خيالي } ان شاء الله تنال اعجابكم 💛. . .
