سامحوني ع التأخير ادري وايد طولت عليكم وما نزلتلكم بارت بس شسوي الدراسه شاغلتني، ان شاء الله يعني بحاول اني ما اطول عليكم كثر هالمره ، وسامحوني ع القصور و ع قصر البارت 🤍.
وبسم الله يلا نبدا
ميره ونوره كانو منصدمين من الي يسمعونه...
نوره بصوت واطي : هاي منو ترمس
ميره كانت سرحانه تفكر... معقوله هاي ترمس هزاع؟! لو هزاع ما بتقوله انا بايته عند بنت خالتي... معقوله ساره تلعب ع هزاع وترمسشباب!
نوره دزت ميره بخفيف : اييه انتي وين سرحتي
ميره الي توها استوعبت : ها
نوره : شو ها وين سرحتي
ميره : يالسه افكر هاي بنت خالتج ترمس منو
نوره : شعرفني
ميره : نزين سمعي بندش ولا جنه سمعنا شي اوك؟ خلج طبيعيه
نوره : تمام
دقت ميره الباب ودشت : هاااي سارووه
ساره ارتبكت شوي : اوهه هاي
ميره : شحالج
ساره : بخير... اءء مختفيه ليش ماتين
ميره : يبوج الدراسه تخلي حد ف حاله
ساره : هههه الله يعينك ويوفقك انتي ونوير
نوره + ميره : امين
ميره : الا اقولج ساروه
ساره : هلا
ميره : ترا باجر نوير وميثوه بيون يباتون عندنا ف تعالي انتي بعد وياهم
ساره : ف بيتكم ؟
ميره : هيه
ساره : بس تم... بس قبلها بجوف صقور ها
ميره : تمام... " طالعت نوره " ميثوه وين
نوره : فحجرتها
ميره : يلا عيل قومو خل نسيرلها
نوره + ساره : يلا
وهم طالعين متجهين لغرفة ميثه سمعو هزاع يزاعق
هزاع : مييييروووههه ايييه يالبغااام
ميره : لحووول من ها شو يبا بعد
نوره بصوت عالي : شوو تبااا هزااعع
هزاع : زقرييي هالبغاامم الي عنددججج وقوليلها انيي اترياها ف السيارهه
نوره : نزيين
هزاع : دقيقتين واذا ما يت ماا بردهاا
ميره بصوت عالي : هبب ع كيفك غصباً عنك بتردني
أنت تقرأ
اعشـق عذابــه وامـــوت بغيــابه. . .
Ficção Geralروايه اماراتيه { من وحي خيالي } ان شاء الله تنال اعجابكم 💛. . .
