لم تكن طفلة { مكتملة }

البارت الأخير

رواية # لم تكن طفلة
#الكاتبة راوء هادي 
وقبل كل شيء ، اترك تعليقًا وإعجابًا بين الفقرات.
قراءة ممتعة للجميع .

السلام استغربت كلت شبيها ليش هيج وياي صارت غصه بقلبي المغرب أحضر بالعشا اجت عمتي يمي وجها مايتفسر بخير صاحت بصوت عالي

_ طفي النار وتعاي وراي

_ بس اخلص

خزرتني وصاحت بصوت اعلى من قبل "
كتلج امشي وراي

_صار عمه

متت من الخوف جسمي صار يرجف طفيت النار بسرعة اباوع الايديني يرجفون بلعت ريجي مرتين خليت أيدي على صدري مكان قلبي
حسيته راح يوقف من

الخوف شنو هاي الدخله الي دخلتها علية الله يستر شمسويه دخلت لغرفتي دخلت وراها وقفلت
الباب واجت كضتني من شعري

_ ولج انتِ شنو حاجيه على ابني

كمت ابجي خليت ايديه على ايدها احاول أبعد ايدها عن شعري تشد قوي حسيت شالت جلد
راسي شيل بكضها لي

_ااااه شنو حاجيه انه شايفه احد حتى احجيله اااه عمه هديني رأسي رأسي ااااه ااااه

_هههه عبالج تلعبين دور المسكينة علية

_ والله مافاهمه شي شنوو حاجيه فهميني

_أنتِ شلون تكولين على ابني يضربج ومو مؤدب ومابي خيرر لو يكسر راسج ماتحجين لاحد
فهمتي لو مافهمتي

_منو كلج والله العظيم جذب وداعت امي
جذب ما حاجيه هيج حجي

_فطيمه ماتجذب أنتِ الجذابة

_زين انه شوكت حجيت وياها مو كله كاعدة يمكم

_من اجيتي أنتِ وياها للغرفة تشسورين شعرها

_والله ماحاجيه شيي اه اذيتيني

عافت شعري ولزمتني من زندي بكل قوتها "
اسمعيني ولج انه كل عمري ماحجيت لاي واحد عن ولدي وخليت العالم كلها تباوعلهم بنظرة هم  احسن ناس تجين انتِ وتخربين سمعة ابني
ماتلومين الى نفسج

ضربتني راشدي بكل قوتها وشمرتني بالكاع "
اكسر راسج وراس الخلفوووج
ادبسز قليلة تربية

وطلعت من الغرفه بقيت ابجي واصرخ لييش ياربي شنو مسويه أني اخلص من عمامي وجذبهم نوب يطلعولي قرايب رجلي لميت رجليني لحضني

ودنكت وبقيت ابجي وابجي لحد مارتاحيت وماطلعت من الغرفه سمعت صوت الباب اجه قاسم ماردت اخلي يشوفني وانه عيوني منفوخة سويت روحي نايمة دخل للغرفه وتقرب 
وباسني بخدي كال

_ الحلوو اليوم مانتظرني يلا كومي خلي ابوسج واحضنج مشتاقلج... لبونتي يله
روحي اكعدي