روايات ليبية😍:
💙 رواية #ولد_الخال 💙
🤍المقدمة والحلقة الاولى 🤍
🌹Hăbošh🌹للكاتبة
..................... ❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹
اسمي هبة العمر 20 سنة. نقرا قانون . امي اسمها ابتهال ابلة رياضيات عمرها 40 سنة. بوي متوفي من اربع اسنين اني وحيدة ماعنديش خوت . وما عنديش اقارب او اقاربي مانعرفهمش. بوي عنده اخ وحيد وعايش في مصر و علاقته مع بوي كانت سيئة بسبب خلاف بينهم
و امي عايلتها قاطعينها لان امي تزوجت هروب
👇🏻
نعرفكم ع عائلة امي
جدي جمعة عمره 80 سنة وجدتي متوفية اولادهم
خالي يونس هو الكبير مرته هداية و عنده زوز اولاد فراس 30 سنة و اسلام 25 و زوز بنات غسق 23 و ايات. 18سنة
خ موسى مرته سعاد عندهم ولد اسمه عزالدين 26 سنة زوز بنات. ريم 22 سنة. فوز 18 سنة.
خالي عبدالرحمن مرته اسمها وفاء عندهم اربع اولاد 14 و 10 و 8 و 4 سنوات.
حوش جدي بحذا حوش خالي يونس ايحوزهم صور واحد و عايش معه فراس من هو اصغير وخذاته حناي هي اللي مربيته. و هو اقرب شخص لجدي و ذراعه اليمين .
و خالي موسى حوشه في نفس الشارع و اما خ عبدالرحمن يسكن بعيد عليهم
جدي شخصيه صعبة و الاامر والناهي في كل شي . وعندهم البنت تقراء لين تاخذ الشهادة الثانوية وبعدين تقعد في الحوش و الجامعة امحرمة عليهن و التلفون حتى هو ممنوع⚔️
خلي نرجعوا للماضي
قصة امي كانت مخطوبة لبوي سنتين و يحبوا بعضهم وكان كل شي تمام وكان بيجهزوا للعرس و في يوم
تعارك بوي مع ولد عم امي عشان ايضايق فيه كل مايشوفه و صار فاها عركة كبيرة وصلت للضرب
خلت جدي ايجي في صف ولد خوه ويلغي العرس وفسخ خطوبتهم
حتى بعد دخل بوي ناس تتوصطله مابوش ايوفقوا عليه.
بعد شهر طلبها نفس ولد عمها
و امي رفضت وقعدت مصرة على بوي وحاولت اتغير قرار جدي . بس جدي و خوالي كانوا مصممين ايزوجوها لولد عمها. سمع بوي بقصة ولد عمها رجع جاب مشايخ وناس تتوصطلة بس للاسف ماجابش نتيجة.
و قرروا ايطلعوا العرس و يوم عقد القران في الضهر و العيلة مجتمعة وعازم جدي ناس ع الفاتحة والعشاء .
بعث بوي رسالة لامي مع صحبتها و كاتب ان ح يستناها في نهاية الشارع وتهرب معه وخذت امي قرار الهروب وقت الكل ملتهي في التجهيزات طلعت امي لابسة عباية وخمار باش مايعرفوهاش شباب العيلة اللي كانوا مقعمزين في الشارع ونجحت امي تهرب مع بوي وسافروا برا طرابلس
و لما عرفوا انها هربت قامت القيامة وماخلوا مكان مادوروا فيه و الناس كلها عرفت بالقصة. و جدي غضب عليها وتبرا منها وحرم ينذكر اسمها في العيلة
بعد سافرت امي مع بوي لمدينة اخرى تزوجوا وعاشوا اربع اسنين فاها وبعدين رجعوا عاشوا في طرابلس.
و من هذاك اليوم انقطعت علاقتها مع العيلة
.
.
.
في الحاضر
أنت تقرأ
ولد الخال(منقولة_ليبية)
Randomأنت ترضيني وتكفيني وتغنيني❤️🫂. ﮼ولد،الخال❤🫂. الكاتبة: ﮼هبوش/Habosh. متكونة من ¹8حلقة❤🫂. قࢪاءة جميلة ڪيفڪن❤🫂.
