روايات ليبية😍:
💙 رواية #ولد_الخال💙
🤍 الحلقة التاسعة🤍
🌹Hăbošh🌹للكاتبة
..................❤️🩹❤️🩹❤️🩹❤️🩹❤️🩹 ❤️🩹❤️🩹❤️🩹❤️🩹❤️🩹❤️🩹❤️🩹
كان فراس مقعمز بحذاي ع السرير يشبحلي بحب و يمرر بيده ع وجهي بلمسة خفيفة
فراس: عارف انك عنيدة مش ح تستسلمي بسهولة 🔥؛
و طبسع وجهي يبي يبوس جبيني نقزه صوت التلفون ايشرين
رجع وقف طلع التلفون من جيبه تافف وفتح الخط
ميسم: معقولة يا فراس معش اتصلت عليا . خلاص نسيتني
فراس: بصوت واطي؛ و اخذني الشغل مانفضاش
ميسم: لا انت زعلان مني و قاصد متكلمنيش
فراس: ماحبيتش انضايقك. قلت خلي نبعد خير
ميسم: لاااا انت ماضيقتنيش بالعكس نفرح لما انكون معك. على فكرة اني توا في طرابلس ونتمنى انشوفك. شن رايك نتلاقوا غدوة
فراس: وين؟ 😎
ميسم: اي مكان المهم نكونوا وحدنا.
فراس: خلاص توا نشوف لو حصلت فرصة نتصل عليك انقولك
ميسم: اوكي نستنى تلفونك.
فراس: 😎 سلام؛
صكر منها والتفت شبحلي 🔥 لقاني فاتحة عيوني و نشبح للغرفة والكلونة اللي بيدي
انا : بتعب؛ ليش جبتني لهناي؛ جيت بنقعمز و نفك الكالونة
فراس: منعني؛ خليك انتي مريضة ماتحركش.
انا: قاعدة كويسة نبي انروح
فراس: الدكتور قال تقعدي شوية لين تكملي المضاد؛ ساعة اخرى و نروحو؛
لحظة صمت
و فراس قعد ساكت مش عارف شن ايقول . حس وقفت غلط طلع برا الغرفة
اتصل ب خالي وقاله قاعد في المستشفى مع هبة و حكاله على مرضتي و امتى انروح.
بعديها قعمز في الانتظار بجنب الغرفة لين ايفوت الوقت.
.
.
في المدرسة
وقت الاستراحة طلعت سالي من فصلها و مشت لفصل ايات. دورت عليها
سالي: وين ايات؟
البنت: نزلت لساحة
مشت ادور عليها تحت في ساحة شبحتها مع فوز و صاحبتهم يفطروا
نادت عليها من بعيد
سالي: اااايااااات. تعااالي
ايات: اشرتلها و حطت حكة العصير ؛ خلولي فطوري توا انجي
فوز: بستياء؛ اافطري قبل. علاش طايرة 😒
ايات: رمشت بعيونها؛ ااشبحيهاا كيف واقفة . مش حلوة نخليها تستنى؛
أنت تقرأ
ولد الخال(منقولة_ليبية)
Randomأنت ترضيني وتكفيني وتغنيني❤️🫂. ﮼ولد،الخال❤🫂. الكاتبة: ﮼هبوش/Habosh. متكونة من ¹8حلقة❤🫂. قࢪاءة جميلة ڪيفڪن❤🫂.
