روايات ليبية😍:
💙 رواية #ولد_الخال💙
🤍الحلقة الخامسة عشر🤍
🌹Hăbošh🌹للكاتبة
.................❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹
بعد شبحت فراس شاد التلفون عرفته ايكلم في بنت و مايبيش ايكلمها بحذاي وجعني قلبي وعيوني دمعوا. خشيت الصالة مضايفة قريب نبكي و قبل ماندخل القاعة مشيت نشوف عيوني ع مرايا حسيت دموعي خربوا الاينير. وقفت ع مرايا وطلعت كلانكس نمسح تحت عيوني...
ميسم: شبحتلي؛ لوسمحتي بنسالك
انا: التفتت شبحتلها؛ تفضلي
ميسم: انتي قريبة اهل العريس
انا: اي
ميسم: تمام مالا تعرفي ام العريس توريهالي
انا: اي اوكي تعالي معاي؛ مشينا للقاعة
انا: انتي جاية من طرف منو
ميسم: اني من طرف اخ العريس بس مانعرفهمش هذه اول مرة انزورهم و جاية نتعرف عليهم
انا: بستغراب؛ اهاا يعني معرفة اصحاب راجلك ولا؛
دخلنا القاعة
ميسم: لا حبيبتي اني مر... قصت عليها غسق جت لعندي
غسق: هبوشة حبييتي اعطيني تلفونك بسرعة نبي انشوف ايات خيرها طولت
انا: قصدك مش جاية معك امبكري
غسق: لا لقيتها مزال ماكملت و قالت توا اتكلم راجلها اتجي معه
انا: طلعتلها تلفوني اعطتهولها؛ وين خالتي هداية
غسق: في طاولة اللي قدام؛ خذيت تلفون اتصلت ب ايات
غسق: وينك
ايات: نفخت؛ قااعدة نستنى في الهم
غسق: رني عليه خليه يستعجل
ايات: رنيت اعطني مشغول اووووف
غسق: انقولك رني على فراس توا كان جايب هبة
ايات: بملل؛ اوكي
.
.
مشيت لعند ام فراس و عرفت عليها لميسم خليتها اتسلم و مشيت رجعت لغسق بداية القاعة و شوية خشت يسرا خذيتها ومشينا انقعمزوا على طاولتنا
ام فراس: اهلا وسهلا
ميسم: اهلين بيك يا خالتي و ان شاءلله الف مبروك
ام فراس: الله ايبارك فيك. تفضلي
ميسم: قعمزت ع كرسي في نفس الطاولة و قعدت تسال فاها ام فراس تحسابها مرت صاحب فراس
ام فراس: كيف حاله معتز
ميسم: ابتسمت بخبث؛ لا اني مش مرت معتز هههه شكلك ماعرفتينش
أنت تقرأ
ولد الخال(منقولة_ليبية)
Sonstigesأنت ترضيني وتكفيني وتغنيني❤️🫂. ﮼ولد،الخال❤🫂. الكاتبة: ﮼هبوش/Habosh. متكونة من ¹8حلقة❤🫂. قࢪاءة جميلة ڪيفڪن❤🫂.
