ولد الخال(منقولة_ليبية)

الباࢪت الأخيࢪ

روايات ليبية😍:
💙 رواية #ولد_الخال💙  🤍 الحلقة الثامنة عشر والاخيرة🤍 ‏🌹Hăbošh🌹للكاتبة   .............. ❤️‍🩹❤️‍🩹❤️‍🩹❤️‍🩹❤️‍🩹❤️‍🩹❤️‍🩹   في المستشفى  سعفوا اسلام و دخلوه العناية من الختناق كان  روايئه متضررة من استنشاق الدخان و وضعه سىء. و يتنفس بالاكسجين 💔 اما خ يونس اول ماطاح طول قلبه وقف و بعد سعفوه  المستشفى مع اسلام . دخلوه الانعاش ايحولوا ينقذوه بالصدمات. بس للاسف خلاص ميت  .  برا العناية كلهم على نار و هلع يستنوا شن ايقوللهم الدكتور و  فراس يبكي بصوت فاقد الامل و خ عبدالرحمن ايسكت فيه .   بعد طلع  الدكتور   التموا حواليه و عيونهم ع الدكتور بترقب   و فراس وجه وحوايجه من الدخان سواد يشبح لدكتور من بعيد. وقلبه بيوقف.  خ موسى و خ عبدالرحمن:  بخوف؛  طمنى يا دكتور   دكتور:  هز راسه باسف؛  البقاء والدوام لله😞 عظم الله اجركم الحاج يونس وصل لعندنا ميت للاسف قلبه ضعيف ماستحملش الصدمة ؛    كانوا ايشوفوا للدكتور بصدمة وخبر موت خالي كيف الصاعقة نازلة عليهم ماقدرش فراس يوقف على رجليه  يبكي بصوت و خالي موسى مشى لجدي اللي انهار  و شد في ايد الدكتور ويعيط عليه   جدي: لاااا يوونس مااامتش ااانت ااكيد غاالط  😢 يونس لااا يااادكتور تررربح  قولي عااايش ؛ 💔😭   خ عبدالرحمن:  ايشد فيه ويبكي؛ وحد الله يااحااج😭 انا لله وانا اليه راجعون    و خ موسى حضن جدي وقعدوا يبكوا؛   و فراس دموعه غسلوا وجهه يشبحلهم و يشبح لباب العناية مش مستوعب الكارثة بعد ماكان جاي الحوش طاير من الفرحة لخوه😞  ينصدم بالحريق لقيه قدامه و موت خالي زاده صدمة كسرة ضهره 💔 كان ابكاء جدي ايقطع القلب . وخوالي حتى هما محوطينه ويبكوا معه 💔  بعد قالولنا خالي مات انقلب الحوش اعياط و لتموا الجيران والاقارب . خلاص رحل خالي السند  اللي وقف معايا وعوضني ربي بيه و موته كانت فاجعة كبيرة ليا  💔 😭  كان يوم حزين عاشاته العيلة بسبب موت خالي و على اسلام وضعه خطير و خايفينه ايموت   💔😢 طول ثلاث ايام العزاء ايناوبوا فراس و عزالدين كل مرة يقعد واحد في المستشفى  و فراس مايرقدش دقيقة وحدة النهار يقعد مع جدي و خوالي ياخذ العزاء في خالي والليل يمشي المستشفى   الصبح ساعة تسعة غلبه النوم رقد ع الكرسي جاء عزالدين يقعد مكانه لقيه راقد   عزالدين: فرااس فرااس   فراس: نقز؛  همم   عزالدين: امشي الحوش ارقد حتى ساعتين ارحم روحك   فراس: تنهد بوجع؛  تي وين نمشي والله العظيم كاره الحوش   عزالدين: الله غالب قضاء وقدر. قول  اللهم لا اعتراض   فراس: بغصة: اللهم لا اعتراض على حكمك. بس انا غلطت خليته بروحه   عزالدين: هك ربي كاتب حتى لو كنت انت معه كان ح يصير الحادث و عمي يموت. ان شاءلله هذا اخر الاحزان و ينوض اسلام بخير يارب   فراس:  يارب 😢   عزالدين: هيا امشي باش تحصل ترقد شوي   فراس: اوكي. صار شي رن عليا   عزالدين:  ان شالله؛    مشى الحوش بيفتح الباب داره لقيه مصكر  ماعرفش وين حاط المفتاح. طلع تلفون اتصل بغسق وقاللها اتجيبله نسخة المفتاح من امه  كان الوقت ساعة احداش الصبح خشت غسق المطبخ واني كنت انطيب في القهوة   غسق: هبة معليش انتعبك ترفعي المفتاح لفراس   انا: بربكة؛ اوكي توا نعطهوله . انطيب القهوة يبوها بر  غسق: هاتي توا  انطيبها اني؛    اعطتني المفتاح و خليتها  اتصب القهوة وطلعت لحوش جدي خشيت من الباب الجانبي ولقيت فراس طالع من الحمام وقف بعد شبحني واني جيت لعنده   انا: بحزن؛ العزاء واحد 😢  فراس: بغصة؛  انا لله وانا اليه راجعون   انا: كيف حاله اسلام   فراس: باسف؛ مزال على حاله عايش بالاكسجين   انا:  ان شاءلله ربي يشفيه وينوض بسلامة   فراس: ان شاءلله ربي يعجله بالشفاء 😢   انا:  بلكلكة؛  ااا غسق اعطتني مفتاح نعطهولك؛  مديتله المفتاح   فراس: شكرا بارك الله فيك   انا:  تبي حاجة قبل مانمشي   فراس: صحيتي مانبيش انتعبك توا نشوف ايا... قاطعته   انا: لا ماافيش تعب عادي شن تبي   فراس: في حوايج يبوا غسل   انا: اوكي هاته توا نغسلهم ؛    مشى فتح داره وخش خلى الباب مفتوح استنيته برا الدار و شوية سمعته يبكي 💔 خشيت عليه لقيته مقعمز ع حافة السرير شاد حوايج خالي ويبكي قربت عليه ونزلت يدي ع كتفه   انا: الله يرحمه ويغفر له موته كيف الحلم  😢💔   فراس: بدموع؛ ااخ ياااهبة صورته مزالت قدام اعيوني كيف ايعيط و خايف على اسلام .💔😢 قلبه مستحملش ايشوف ولده ايموت قدام عيونه 💔  كسرررني ياااهبة مش قادر ننسى الحادث ؛    زاد يبكي غارس وجه في جلبية خالي وجعني قعدت نبكي  ماعرفتش انصبره ولا انصير روحي.