روايات ليبية😍:
💙 رواية #ولد_الخال💙
🌹Hăbošh🌹للكاتبة
🤍الحلقة السادسة🤍
................... ❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹
بعد ماضرب اسلام واحد من الشباب بوكس طيحه ع الارض مشى الثاني بيضربه تناصروا عليه شدوه وبديوا يضربوا فيه
👊🏻👊🏻
ونحن انعيطوا في السيارة جينا نزلنا شبحلنا اسلام وعيط علينا
اسلام: ااارجعي اانتي ووياااه😤...
خفنا رجعنا اركبنا والشباب زادو ضربوه
غسق: واااااه علياااا يبوا يقتلووووه 😭
انا: شفت تلفون اسلام... اااتصلي بخوووك فراااس خلي اايجي بسرررعة
غسق: تبكي... كيييف بنتصل معنديش تلفووون😭
انا: اااهو تلفونه قدااام في سيااارة اااتصلي هيااااا...
غسق: دعست ع تلفون... ماافتحش 💔
انا: طلعت تلفوني... حافظة رقمه
غسق: حطت يدها ع رأسها... اااستنى خليني نتذكر ... كانت متوترة وخايفة
غسق: صفر واحد وتسعين ميةو**
انا: كتبت الرقم و درت اتصال... شششدي قاعد يضرب
وقتها كان فراس واصل لدار اللي فاها عزالدين و ايات. رن تلفونه وقف بحذا الباب ايشوف للتلفون و عزالدين و ايات تجمدوا في مكانهم بعد سمعوا صوت الرنة و زاد خوفهم لما سمعوا صوت فراس ع الباب😱
فراس: الووو من م... قاطعته
غسق: بعياط... فرااااس الحق اااسلام بيقتلوووه😭
فراس: من اللي بيقتلوووه .واانتم ووين قااعدين
غسق: ببكاء... ب ب بحذااا ممممطعم * بسرررعة تعااال 😭
صكر منها و مشى يجري طلع من باب السور وركب سيارته
.
.
عزالدين: بلع ارياقه... خلااااص مشى اااسكتي معش تبكي
ايات: دموعها خط... ك ك كااان ح يشبحنا يا عزالدين. كله منك جبتني لهناااي😭
عزالدين: اااوف باهي حصل خير هيا امشي توا . خلي نتصل بيه انشوف شن صاير
ايات: مسحت دموعها... هذا ثاني موقف ايصير معانا. خلاص اخر مرة انتلاقوا فاها
عزالدين: ااوكي خلاص اامشي نحكوا بعدين ع التلفون...
مشت الحوش خشت طول للحماام كانت ترعش و سخونة و قلبها بيطلع من مكانه. غسلت وجهها بمية مسقعة وقفت اتشوف لنفسها ع المرايا
اما عزالدين مشى طلع من السور وخذا تلفونه اتصل بفراس
فراس: يجري بسيارة... الوووو عزالدين انت وين
عزالدين: في الحوش. شن فيه؟
فراس : اسلام متعارك مع صياع قدام مطعم * معه غسق و هبة. و توا اني ماشي شوره تعال باش اتروح بيهن
عزالدين: يااا ساتر هياااا جاااي... وطلع يجري مشى لحوشهم خش خذا مفتاح السيارة وطلع
.
كان اسلام ايصارع في الشابين بكل قوة. الغلابية ليه هو بس محصل كدمات و جروح في وجه و ايديه
و اني و غسق نتراعشوا انتفرجوا عليه من بعيد و مافي ايدينا شي غير العياط و البكاء🤷🏻♀️
تجمعوا شباب المارة عليهم وبدوا ايحزوا في العركة و بالقوة باش شدوهم. مجموعة شادين الشباب الزوز و مجموعة شادين اسلام و العركة قعدت بالكلام والالفاظ 🔞 البذئية
شفنا فراس درس سيارته ونزل بسرعة جاء لاسلام اللي مزال ايسب وينعت فيهم
فراس: شده من وجه... شن صاااير. علاااش متعارك معهم
اسلام: ايفك في روحه... اااطلقووني الزززح وخرررر اانت وياااه
فراس: خلاص يا شباب صحيتوا.
طلقوه الشباب و فراس شاد اسلام اللي وجه دم . و الشابين مشيوا بالقوة وخلوهم يركبوا سيارتهم ويمشوا من المكان
اسلام: الكلاااب ال🔞 ال🔞 اتفؤؤؤه💦 😡
فراس: دفه... خلاااص ااسكت يااا راجل البنات في سيااارة
أنت تقرأ
ولد الخال(منقولة_ليبية)
Randomأنت ترضيني وتكفيني وتغنيني❤️🫂. ﮼ولد،الخال❤🫂. الكاتبة: ﮼هبوش/Habosh. متكونة من ¹8حلقة❤🫂. قࢪاءة جميلة ڪيفڪن❤🫂.
