روايات ليبية😍:
💙 رواية #ولد_الخال💙
🤍الحلقة الثانية عشر 🤍
🌹Hăbošh🌹للكاتبة
................... ❤️🩹❤️🩹❤️🩹❤️🩹❤️🩹❤️🩹❤️🩹❤️🩹
بعد روحت ايات الحوش خشت بدلت حوايجها و طلعت لصالون جت تبي تقعمز اتفرج
جاد: نوضي المطبخ ديري عشاء كويس جاييني اصحابي بعدين
ايات: شنووو وعلاش عاازمهم ليا اهنيي
جاد: مالا وين نعزمهم . ولا تبي انزلهم الشارع. هيا نوضي ماتخلينيش نفصل عليك
ايات: 😡😤؛
خشت المطبخ اتسب وتكفر.
ساعة عشرة وصلوا اصحابه الزوز ومعهم قزاز وسكي🍾
جاد: خش عليها؛ هيا سقي العشاء وصلوا
ايات: خمس دقايق وتعال ارفعلهم السفرة😡
جهزتلهم السفرة و شوية خش جاد خذاها ومشى المربوعة
و ايات حطت لروحها تعشت و ناضت تنظف المطبخ
ساعة 12
اصحاب جاد مزالوا قاعدين. كملت ايات غسل المواعين و طفت ضي المطبخ .ومشت الصالة انتبهت لصوت الضحك و كانوا مش واعيين و اصواتهم مش طبيعية. خافت طبست ع صالون خذت تلفونها ومشت للدار باش تقفل على روحها نقزها صوت جاد
جاد: بصوت مرخي؛ هييي ااانتي تتتعاااالي
ايات: 😨 صكرت وقفلت الباب بسرعة؛ وصلت لاهني يااجاد
😭الله لا يسامحك 😭
جاد: جاء خبط ع الباب؛ اااااطلعي ✊ درلنا شااي
ايات: بخوف؛ توااا درتهالكم
جاد: كملت وو ونبواا ا اخرى
ايات: مممش طاالعة نبي نرررقد
جاد: خبط بالقوة؛ قلتلك اااطلعي اااحسنلك
ايات: تبكي بخوف؛ خاااف ربي حرااام عليك 😭خوووذ ااصحابك ومشوااا😭
جاد: بغضب؛ اااطلعي ولا نكسر الباااب
ايات: بعياط؛ مششش طااالعة. 😭؛
قعد ايخبط بجسمه ع الباب ويقوللها في كلام بذئ
و هي بتموت من الخوف و منهارة تبكي
خذت تلفونها ترعش واتصلت ب سالي
سالي: الو ايات كي... قاطعتها
ايات: سااالي تعالولي بسرررعة
سالي: بخوف؛ خيرررك ايااات شن فيه
ايات: جاااد سكران هو واصحابة. تررربحي كلمي عمي وخوتك خلي ايجوا بسرررعة 😭؛
سالي: بااهي بااهي. صكري؛
صكرت منها و اتصلت بخوتها
بعد عشر دقائق وصلوا الحوش و احمد ايخبط الباب بالقوة قريب يكسره
و جاد قاعد عازق روحه ع صالون في صالة وفي يده شيشة🍾
و ايات اتنصت ع الباب و خايفة تطلع تفتح
