لاتنسون المتابعه لحسابي +التصويت +التعليق بين الفقرات 🤍
#حُب محكوم بالأعدام
#بنين الزيادي
~~~~~~~~~~~~~~~~~~
لحد ثاني يوم متجمعين بصالة
ودخلو علينة ليث وغرير والفرحـة مالية وجوهم
ليث ... عندي الكم خبر يفرحكم
ابو قحطان ... خير بويـة كول
ليث ... يابة راح تصير جد
اتفاجئنة وبنفس الوكت الفرحـة ملت وجوه الكل
وغرير العوبة لابدة ورا ليث من الخجل ..
فرحنالهم حيل وباركنالهم
بيبي ... ان شاء الله يوم لذياب وتيـنة
الكـل كالو ان شاء الله وذياب باوعلي ونزل عينة
واني ماعرف شبيـة كمت اضحك جني مخبلة
ڪُل ما اذكر الامخاد المخليتهن حاجز بيني وبين ذياب اخرب ضحك وبيبي تريد يصير عدنا طفل
من انتبهت للكل صافنين عليـة لان مايعرفون عليمن اضحك سكتت ، باوعت لذياب لكيتة رافع حاجبـة يباوعلي .. نزلت عيني منـة
جدو ... ذياب باچر تلتحق؟
ذياب ...اي جدي
جدو ... ترجع بسلامة ان شاء الله
ثاني يوم فزيت ؏ صوت حركة بلغرفـة
لكيتة ذياب جاي يبدل ويحظر بغراضـة
انتبهلي فزيت حجـة والجكارة بيـن شفايفة
... صباح الخير ، عذريني كعدتج
ـ صباح نور لا عادي
اخذ ملابسـة ودخل للحمام ، باوعت لساعـة بـ 6
كلت خلنزل اسويلة ريوك خطيـة يروح بدون ريوك
وهذا واجبي كزوجة ..
اخذت شالي ونزلت ، محد كاعد يمكن صلوا ورجعوا نامو .. خليت قوري الچاي ؏ نار وطكيت بيـض
وطلعت اجبان وحميت الخبـز وخليتهن ؏ ميز
بس ماصبيت الچاي لا يبرد
شويـة ونزل حسيتة تفاجئ بيـة
ـ تعال تريك
ذياب ... عليمن متعبة روحج بويـة بدوام اتريك
ـ لا ميخالف هذا واجبي
كعد ياكل وصبيتلة چاي ، باوعلـي وكال
... كعدي تريكي وياي
ـ لا اكـل انتَ بلعافية اني ما اشتهي
ذياب ... ميخالف وياي ؏ واهس
ماكدرت اجادلـة بعد كعدت اكل وياه
ذياب ... ها وين
ـ ﭑريد اصبلي چاي
شال كوبـة خلاه كدامي
... اشربي وياي
ـ لا هذا كوبك شون
ذياب ... عادي انا ماتلعب نفسي اله اذا انتِ
تلعب نفسج مني براحتج
أنت تقرأ
حب محكوم بالأعدام
General Fictionتَـدورُ أحداث روايتنُا بيـن طالبة و دكتورها الجامعي وثم ذهابها من مَدينه الئ اخرى هل ستتغير حياتها وسيدخل الشخص الذي لم يخطر ؏ البال ليكون بطلها أم ماذا؟ تعالوا لكـي نستكشف أحداث القصـة من خلال متابعتكم لكي نعرف الحقيقة 🔥 للكاتبة بنيـن الزيادي
