لاتنسون المتابعه لحسابي +التصويت +التعليق بين الفقرات 🤍
#حُب محكوم بالأعدام
#بنين الزيادي
~~~~~~~~~~~~~~~~~~
دخلنا للبيت وچان نشوف
جام البيت كله مكسر نصدمنا
عاط ذياب
... ابقوا واكفين برا خل نتأكد من البيت خاف بيه شي
سوينه مثل ماراد وبقينه واكفين برا
دخل هوَ والشباب شويه وطلعوا
ليث ... مكسرين الجام كله الكواويد
جدو ... هـسهہ خل ندخل وبـ؏ـدين نسولف بهل موضوع
دخلنا جوا البيت عباره عن جام
كمنا اني والبنات نضفنا البيت من الجام
والاكبر راح يجيب ابو الجام علمود يسوي الشبابيك
صعدت فوك سبحت وبدلت ورحت انام
غرفتنه وغرفة الأكبر صايره اطلالت شبابيكهن مو بواجهة البيت ماتكسر جامهن لهيج نمت مرتاحه لانُ
ابو الجام مراح يدخل لغرفتنه
حسيت ؏ رنين تكعدني علمود انزل اتعشئ
كمت غسلت وجهي وخليت شال ؏ راسي ونزلت
اباوع الوجوه طبيعيه بس شباب مبينين متنرفزين
اما الباقي لا وجام الشبابيك مرجعينه مثل قبل واحلى
كعدنا نتعشئ ندست رُسل بيدها
ـ اكلج مبينه الوجوه طبيعيه نسوا السالفه مو؟
رُسل ... ولج هاي بس كدامنه هيج هـسهہ تلكيهم ڪُل واحد يدور ؏ سوا هيج بجهه ماينسون بسهولة
خفت من ڪلام رُسل يعني مانسوا السالفه
اني اخاف من المشاكل والثارات
خلص اليوم طبيعي والاسبوع كذالك
مابي احداث قوية
واجه الاسبوع الي راح اسافر بيه لبغداد علمود الدوام
حضرت جنطتي من الليل واتفقنا ثاني يوم نطلع من الفجر وطبعاً صفاء ويانه
كعدت ثاني يوم من الفجر سبحت ونزلت جوه
كلها نايمه حضرت ريوك الي ولقحطان ؏ ماينزل
سمعت صوته وراي يكول
... صباح الخير
درت وجهي اله واني ارد علين بأبتسامه
ـ صباح النور
قحطان ... ليشۂ تعبتي نفسج وجهزتي الريوك جان تريكنه بطريق
ـ لا ماعندي شي وبلبيت اطيب من المطاعم
رد عليه وهوَ يكعد ؏ ميز الطعام
... اي ولله عاشت ايدج
صبيت الچاي وكعدت وياه اتريك بهدوء
كملت وغسلت المواعين ؏ سريع وطفرت فوك ابدل نزلت لكيته كاعد بصالة
ـ أخرتك موو
رد عليه وهوَ يكوم
... لاعادي كملتي نطلع
ـ اي ، بس وصفاء شلون
أنت تقرأ
حب محكوم بالأعدام
General Fictionتَـدورُ أحداث روايتنُا بيـن طالبة و دكتورها الجامعي وثم ذهابها من مَدينه الئ اخرى هل ستتغير حياتها وسيدخل الشخص الذي لم يخطر ؏ البال ليكون بطلها أم ماذا؟ تعالوا لكـي نستكشف أحداث القصـة من خلال متابعتكم لكي نعرف الحقيقة 🔥 للكاتبة بنيـن الزيادي
