حب محكوم بالأعدام

part45

لاتنسون المتابعه لحسابي +التصويت +التعليق بين الفقرات 🤍

#حُب محكوم بالأعدام
#بنين الزيادي

~~~~~~~~~~~~~~~~~~

فزيت ثاني يوم لكيت بس اني نايمة ذياب
ماموجود ذكرت الصار البارحة بس بعدين كلت
اكيد حلمانة ذياب ميسوي هيج اي اي

نزلت جوه لكيت عماتي عدنا سلمت عليهن
وكمت يم البنات الاكدرله اساعدهن بيـه لحد ما اجو عمامي وجدو والشباب تجمعنا ؏ غداء كعدت يم ذياب
ابتسملي وهمس

... شــلونج

ـ زينة وانتَ

ذياب ... الحمدلله بخيـر

كعدنة ناكل بهدوء تصرفاتة طبيعية ماكو شي
يدل ؏ انُ الاذكرة حقيقة مو حلم ..
بعد ماكملنا غداء كلعادة تجمعنا بصالة نشرب چاي

ليث ... انا باچر طالع للنجف ياهو يروح وياي

كلها كالت احنا نروح باوعت لذياب محجه شي
لحد ماسئلة ليث
... وانتَ ذياب تروح ويانة

رفع راسة باوعلي ابتسمت وضليت ارمش وهزيت راسي بمعنئ اي خلنروح ابتسملي وباوع لليث

ذياب ... اي نروح

ماكال نروح والابتسامـة شكت حلكـي
ضليت الوقت كله مبتسمة وفرحانة لان حروح
لعزازي وازور ڪـلش فرحت وانوب كلنا سوه ڪـلش
أפـب الطلعات العائلية ..

ذياب ... وتين اصعدي جيبي محفظتي ركض

هستوني اجيت اكوم وطفرت صفاء
بحيث الكل انتبهوا الها ..

صفاء ... لا لا وتين لا تعبين نفسج انا آروحـح انتِ ماتكدرين

ـ لا ؏ـُمـرʊ̤ اكعدي محفظة زوجـي اني اجيبها
والحمدلله مبيه شي 

اباوعلها وجهه فلت من عطت بيها هيچ وانتبهت
لذياب صافن عليـه ومبتسم تذكرت اني شجفصت
وشحجيت اول مرة اكول كلمة زوجـي..صعدت جبت المحفظة وانطيتهيا ..

ذياب ... مَشَـــڪُوُرة يابـة

ابتسمتلة ورجعت كعدت بمكاني كبالة ..

عمتي شيماء ... اي وتين ماصار عدج طفل

باوعتلها و رديت
ـ لا عمة ماصار

ردت
... خاف عاجر ولج

ضليت صافـنة ماعرف شجاوبها بس اجاها الرد من ذياب ... عمـة شي يخصنا هذا محد اله حق يدخل

ردت
... يا عمـة چَا انا مااكرهكم بس غير ﭑريد افرح بيكم

ذياب ... مَشَـــڪُوُرة عمة

بقن عدنا لليل وراحن يجيبن ملابسهن علمود يباتن
عدنا والصبح يرحن ويانا لنجف ، بعد العشاء اتفقنا
احنا البنات نتجمع وننام بغرفتنا القديمة بما انُ عدنا
بنات عماتي خطار ننام سوه حتى نتونس ..