حب محكوم بالأعدام

part34

لاتنسون المتابعه لحسابي +التصويت +التعليق بين الفقرات 🤍

#حُب محكوم بالأعدام
#بنين الزيادي

~~~~~~~~~~~~~~~~~~

عفتهم وصعدت اول درجة
وبعد ما حسيت الـة ؏ مي ينذب ؏ وجهي
فتحت ؏ـيـُونـʊ̤ راسي بحظن امـي وكلهم داير
مدايري ..

كمت بس كوة مسيطرة الدوخـة لازمتني
سويت نفسي ما اشوفهم

ماما ... وتين يمه فدوهہ اروحلج وين تردين

صحت
ـ لگبري ماما لگبري

سمعت صوتهم يصيحون وراي ماهتميت
حيل ضايجـة ومكسور خاطري منهم وبلأخص
بابا صدمني حيل

صعدت لغرفتي بسرعـة دخلت
وقفلت الباب ماريد شخص يزعجني

مجرد ماسديت الباب كعدت بلكاع وظهري ؏ باب
احس خنگة بصدري مجرد اتخيل راح ازوج
ذياب وتجمعنا غرفـة وحدة ماتحمل الفكرة

صح انخطبت اله بس چان عندي امل يلتغي زواجنا واخلص ما اتحمل فكرة اخذ حبيب بت عمي صعبـة حيل .. وقحطان اخ يا قحطان حتى الهوئ يخنكني
من اتذكر طولـة الحلو جوة التراب..

خليت ايدي ؏ حلكـي اكتم شهكتي
بس ؏ـيـُونـʊ̤ شيكتم دمعهن ..

حسيت ڪلبـي راح يوكف من القهر وحالياً
ماعندي سند وحظن يلمني غير السجـادة

كمت ؏ سريع توضيت ووكفت اصلي
سجدت اخر سجدة ووكعن دموعـي ؏ سجادة
ضليت ابچي وابچي ماعرف شكد مر وقت
واني ؏ هلوضع

من حسيت نفسي رتاحيت وبنفس الوقت تعبت من البچي تمددت بمكاني ؏ سجادتي وغفيت ودموعي ؏ خدي ..

وين يلله فزيت ؏ دكت الباب
صحت بصوت مبحوح من البچي
ـ منو

ردت
... انا غرير

" غرير

بعد ما كالت وتين اخر جملـة الكسرتنا كلنا
وبلأخص ابوها
توجهت لدرج ونظراتنا عليها بعدها بأول بايـة
ووكعت من طولها اقرب شخص جان الها ذياب ركض لكفها قبل لا توكع للكاع

ركضنا عليها وعمو محمد حسيته راح يموت
من الخوف عليها خلاها ذياب ؏ قنفـة بصالـة
اخذ الكلاص وصار يذب ؏ وجهه لحد ما صحت

كامت بدون متحجي اي كلمـة
حجت وياها مرت عمي وعافتنا وطلعت
صاح وراها ابوها وبيبي بس ماردت عافت القلق بوجوهم وصعدت ..

خلا عمي اديه ؏ راسـة وواضح القلق والخوف بعيونه
كام بدون ميحجي راح لغرفـتة ولحكتة عمتي

والباقي هم تطشروا لغرفهم بدون ميحجون شي
انا هم رحت لغرفتي بس بالي يم وتين
لكيت ليث كاعد يدخـن اشرلي اجي يمه
رحت كعدت يمه جرني لحضنه