حب محكوم بالأعدام

part20

لاتنسون المتابعه لحسابي +التصويت +التعليق بين الفقرات 🤍

#حُب محكوم بالأعدام
#بنين الزيادي

~~~~~~~~~~~~~~~~~~

ضلينا اني ورسل نسولف لحد ما اجه قحطان
وكال ... يلله كومن بدلن حتى اخذجن تشترن ملابس

رُسـل ... بس احنا مشترين

قحطان ... ادري بس رُسـل ملابسها احتركوا ويه البيت وانتِ هم اشتري مره ثانيٰۿ

ضليت ساكته اني لان بابا انطاني بس مصروف الجامعه راح عن باله ملابسي الاشتريتهم احتركوا

باوعلي قحطان وكأنما عرف بشنو جاي افكࢪ كال
... وها شرط ملابسجن هديه مني يعني التدفع اكسر ايدها

رُسـل ... مدام انتَ تدفع اي نروح كوميي وتين خلي نقطه

ـ لا ماروح اني روحوا انتوا عندي ملابس ماحتاج

خزرني قحطان وهوَ يكول
... وتين بدون صوت روحِـ‏ʊ̤ بدلي حتى اخذجن تشترن ملابس يلله

ردت احجي بس قاطعني
... كلت بدون صوت وحرف ماسمع يلله

سحبتني رُسـل رحنا بدلنه واخذنا للمول
دخلنا لأول محل اخذت بنطرون اسود وستره
بيضه وشال اسود جرجيت ورُسـل هم اخذت مثلي
بس هيه تلبس عبايـة مو مثل سافره طلعنا قحطان
واكفنلنا بباب المحل

قحطان ... ها شعجب طلعتوا بسرعـة توقعت راح تنامن بلمحل

رُسـل ... مو الانسه ما اخذت هواي بسس كم قطعه

باوعلي وكال
... ليشۂ تستحين اخذي شنو بخاطرج اعتبري الفلوس من عمي ولا تتقيدين وانتِ رَسوله كذالك لا تستحين بعد اخوج شنو بخاطرج اخذي

دخلنا للمحل الثاني اخذت بس حذاء وجنطه
وكم قطعـة مكياج وبعدها ما قبلت اخذ شي

و رُسـل هم خلصت كال قحطان
...  صارت دنيا ليل نروح نتعشى وبـ؏ـدين
نرجع للبيت

رحنا كعدنا بمطعم كال شتاكلن ، ردت عليـة رُسـل
... الاخضر واليابس خويه المهم اكل متتت جوع

خربت ضحك ؏ حجي رُسـل وهوَ هم ضحك
من شافني ضحكت ، راح جاب الاكل ورجع
كعدنا ناكل بس احس نضراته عليـه بس غلست

كملنا وطلعنا كال
... تحبن اخذجن لمكان بعد لو هاهيه نرجع للبيت

باوعتلي رُسـل وكالت
... شتكولين انتِ