بسم الله الرحمن الرحیم
_______________________________
رسالة طمأنينة لك:
يبتليك الله ، لأنه يحبك ، لأنه يراك تبتعد عنه ليقربك له ، كي تدعوه وتبكي🥺🤎.
_______________________________
الساعة 7:00 صباحاً 🌅
يوم الاربعاء
حسين : ( ينادي )اياااات يا ايااات تعالي يابهيمة ، تعالي جاي نكلم فيك 😠.
ايات : ( جت لبوها) نعم يابويا تبي حاجة ؟
حسين : السحق انشاء الله ساعة انادي لن صوتي انبح، ديريلي دحي .
ايات : ( بكسرة خاطر ) اسفة ماسمعتكش كنت نبدل ، لاكن يابويا وقت ع المدرسة وانا لابسة دبشي تعلق فيه الصنة امتع الدحي !😔
حسين : تعانديني ؟ انا تعانديني ؟ اقسم بالله كان مامشيتي توة من قدامي للكوجينة طول لما نبطلك من المدرسة يلي داهبتلك شيرتك ، مش ح يجيني من وراها الا المشاكل . وخوديها مني ح يجي يوم وتقعمزي زي هنا .
<<< علاش فيه اباء يعاملوا في بناتهم في معامله بشعة؟ علاش لما بنته تقوله نحبك يا بويا مايقوللهاش حتى انا نحبك يا بنتي ؟ باهي علاش هيا ديما تفكر في بوها وخوتها قبل ما ادير اي حاجة هيا تعرف ان مايبوهاش ؟و علاش ديما تقول سمعة بويا وخوتي اهم من اي شي ؟
_لانها تعتبر فيهم قدوتها ، وسندها ،ومصدر قوتها ، والكتف يلي متكية عليه من بعد ربي ، كل بنت تتمنى تحس بحنان الاب زي اي بنت تانية وتكون ناضجة وواعية في تفكيرها وفيه ناس الى عند اليوم ماعندهمش صغار يدعوا في ربي يجيهم عيل واحد بسس احمدوا ربي على نعمة الاباء والابناء .💔>>>
ايات : (الدمعه في طرف عينها ) حاضر يا بويا شوية بس 😔💔.
( مشت للكوجينة وهيا تبكي خطم من جنبها خوها ضياء شافها قعد يضحك عليها ، شوية وخش عليها في الكوجينة).
ايات : ( تكسر في الدحي )
ضياء :انتي هيي حركي روحك ديريلي مانفطر وقت ع المحاضرة .
ايات : قول صباح الخير قبل.
ضياء:ماردش عليها وكمل يشوف لتلفونه .
(كملت ايات الدحي ورفعاته لبوها في الصالة بعد ما حصلت تكشيخات من بوها لان عطلت عليه، ومشت تكمل في الفطور لخوتها كل واحد يبي حاجة وتقرأ لان عندها امتحان ).
ايات : تقرأ في السورة .
(خش عليها عماد )
عماد: ضمي فمك ماتصدعيليش راسي ع الصبح وديريلي فطوري .
ايات : حاضر . الفطور واتي في الصالة برا افطر مع بويا وضياء.
مشت للمدرسة ودارت امتحانها والحمد لله طلعت امجاوبة هيا وهبة.
هبة : ها ايوتة جاوبتي ؟
ايات :اي جاوبت الحمد لله . وانتي؟
هبة : اي حتنا مجاوبة ، باهي ياعسل يا سكر يامربى انتي ماقلتيليش شن دايرة مع العقارب يلي في الحوش ؟
ايات : ههههههه عقارب شن يا باردة قولي لفاعي 🐍🥲.
هبة : هما فاتوا اللفاعي غادي كان تخليني عليهم بس انسيهم حليب امهم 😌.
ايات :فوتينا منهم ، حق نسيت نقولك شن صار معايا امس 🤗.
هبة : احكي نسمع فيك😁.
ايات : حكتلها يلي صار بينها وبين خوها عماد في الحوش.
_______________________________
أنت تقرأ
غلطة حياتے💔!
Teen Fictionبنت قاصر توفت امها عاشت حياة كئيية بين خوتها السبعة وبوها .💔 كانت تحلم تخش طب وتساعد الناس .💔 كانت تحلم بوها يقلها سلم بنتي ، او انا فخور فيك لما تجيه ناجحة الترتيب الاول . 💔 كانت تستنى طول عمرها في اللحظة يلي بوها بيبكي دموع الفرح لما تجيه ب...
