نعيمة & انا معش متكلمه لاكن توة نشوفوا اخرتها انت وبنتك.
مصطفى & انتي غر خليني انا وياها مادخلكش فيا انا وبنتي .
نعيمة & اقعد فيها هي ( طلعت )
هبة & زعلت حق يا بويا ؟
مصطفى & ما ادوريهاش توة دقيقتين وترضى ، هيا امشي وقت.
هبة & هي ( مشيت للدار لميت شعري ولبست عباية سودة ووشاح كحلي حطيت في شنطتي لبسة مستورة للاحتياط وحاجاتي وخديت فلوسي وطلعت ) هي يا بويا .
عزو & دخلي شعري لنقصهولك تو .
هبة & والله يكلع بروحه .
عزو & ما امجردتيه زي الولد .
هبة & عاجبني رايك في الحيط ( وطلعت نجري ركبت في السيارة ) .
مصطفى & شنو عالشنطة هادي كلها املا امعزبة غادي ؟؟
هبة & لااا ماهوو ماهوو حطيتها احتياط بالك اتلبز عبايتي ولا شي .
مصطفى & باه ، توة قالتلك ايات شن تبي من المحل ولا لا ؟
هبة & لا توة نمشولهم غادي ناخدوا الفلوس ونعطيك تجيب.
مصطفى & هي توكلنا على الله
هبة & عليه الاتكال
وصلنا لحوش ايات نزلت طقيت عليهم .
احمد & خير ؟
هبة & خير يصيبك حول .
احمد & قلة التربية
هبة & الكلاب تنبح والقافلة تسير. ( وانا نرقى الدروج ) اياااااات يا ايااااااات وينك ؟
هدى & اسكتي ياقردة بتنوضي مرتضى كيف رقدته .
هبة & ماصايرله شي كان ناض ، المهم عطلت على بويا في السيارة شن تبو توصوا من المحل بسرعه ؟
ايات & (نزلت من الدار ) هاك الورقة هادي كتبتها توة شوفي شن ناقص ياهدى زيدي اكتبيه ، وانتي هاك الفلوس 💶
هبة & هاتي هي خلاص ماناقص شي توة كان نقصت حاجة نجيبوها ( وطلعت ).
هدى & مكلوبة ، وينك ساعة في دارك شن صار في العشاء ؟
ايات & اسكتي تعال نحكيلك شن صار
هدى & خير ان شاء الله شن صار ؟
flash back
ايات & سمعت صوت حد جاي جهة الدار سكرت اللابتوب على طول وحدفته ع السرير .
صالحة & خيرك صكرتيه لما خشيت عليك ااه ؟
ايات & وانتي شن دخلك فيا نصكره ولا نفتحه على ما اظن هادي حاجة ترجعلي .
صالحة & ترجعلك حق ، المهم انت جيت نبي نتأسف على اللي صار معاك بسببي كله .
ايات & احلفي 🤨
أنت تقرأ
غلطة حياتے💔!
Teen Fictionبنت قاصر توفت امها عاشت حياة كئيية بين خوتها السبعة وبوها .💔 كانت تحلم تخش طب وتساعد الناس .💔 كانت تحلم بوها يقلها سلم بنتي ، او انا فخور فيك لما تجيه ناجحة الترتيب الاول . 💔 كانت تستنى طول عمرها في اللحظة يلي بوها بيبكي دموع الفرح لما تجيه ب...
