هبة & مش عزو خويا عمره توة 31 سنة وبحوشة وراتبة وراحل كامل وامكمل ماشاءاللہ عليه.
مصطفى & باهي .
هبة & شن رايك نخطبوله وانا عندي وحدة بنت ناس ما شاء الله عليها وانت تعرفها كويييس .
مصطفى & نخطبوله علاش لا ، لاكن منو هيا ؟
هبة & اية بنت عمي حسين .
مصطفى & مش هادي يلي أطلقت الفترة يلي فاتت ؟
هبة & ايه ، عندها بنت وولد
مصطفى & انا نعرفها البنت كويسة وما عنديش اي اعتراض لاكن ماضنيتش امك ترضى بيها ولا خوك .
هبة & عزو عادي يا بويا توة انا نحكي معاه ، لاكن امي نبيك انت تقنعها هدا علاش حكيتلك بالله وراس بابا 🥺
مصطفى & ان شاء الله ، تبي تفضي علينا الحوش انتي ماتتهنيش لن تسقدي العيلة كلها.
هبة & املا شن ، نبي نخفف عليك المصروف باش تقعد انت وامي بس تاخدوا حتى من المطعم بعدين عادي 😂😂
مصطفى & 😂😂
هبة & وبعد اسبوع جو طلبوني ل زين ومباش يكلمني بكل داير روحة زعلان حتى الدبلة مش هوا لبسهالي ، امي في البداية ماوافقتش على اية وقالت كيف نعطي ولدي وحيدي ل مطلقة لاكن بويا وعزو قنعوها وهيا وافقت في النهايه .
عزو اول ما قتله اية قالي انا زمان كنت نبيها لاكن لما طلبها ولد عمها ماقدرت ندير شي وحلفت ماتخشش وحدة قلبي من بعدها ، وفرح اكيد وقال نبيها هيا وصغارها نبي نربيهم معايا ، ودرنا خطبتنا مع بعض والعرس كذلك مع بعض بعد النتيجة .
وتوة قعد عمري 18 سنة .
# نردوا ل ايات
ايات & روحت للحوش على طول غيرت دبشي لبست قونة دمي ومالية بيضة وشعري ضفرة نزلت لبويا .
ايات & ( بست ايده وراسه)كيف حالك يا بويا ؟
حسين & باهي الحمد لله .
ايات & شنو تحس توة ؟
حسين & باهي احسن من قبل غير وجع قاعد في الرجل وخلاص .
ايات & باهي علاش ماتبيش المستشفى ؟ خلي نرفعوك تشوف شن فيك 🥺
حسين & لا ماعندي ماندير بالمستشفيات يلي مصوره الله صاير ، المكتوب ما منه مهروب .
ايات & ونعم بالله ، بويا صحيت .
حسين & سلمك لاكن على شنو ؟
ايات & لانك وافقت اني نكمل في الجامعه .
حسين & انا من الاول ما رفضتش انك تقري جامعة لاكن كنت ني نشوف شنو بديري بس ، نوضي صكري الباب وتعالي نبيك .
ايات & حاضر ( سكرت الباب وجيت قعمزت بحداه جنب السرير ) خير يا بويا .
حسين & انا نبي انتأسف منك يا بنيتي ، انا ضلمتك هلباا في حياتك وخليت خوتك يهزوا و ويستقووا عليك ، انا كنت متعلق بأمك الله يرحمها هلباا وكنت نشوف فيها قدامي كل يوم ، كنت نشوف فيها في عيونك وشكلك وصفاتك وكل شي فيك شبه امك ، كنت نعذب في روحي ونقول انا بننساها وكل ماتجي انتي قدامي نذكرها ونفتح على روحي في جرح ماليهش دواء ، قلت توة نجوز وننساها لاكن صار العكس قعدت انتعذب كل يوم لان اجوزت عليها ، نشوف في تصرفاتها معاك وانكلم فيها لاكن ماتردش عليا ، كنت نشوف في ان البنت عار على عيلتها هادي كانت نظرتي وان ح يجي يوم وتوطي راسي هك جدك علمنا مانعطوش للبنت اكثر من حسابها .
أنت تقرأ
غلطة حياتے💔!
Teen Fictionبنت قاصر توفت امها عاشت حياة كئيية بين خوتها السبعة وبوها .💔 كانت تحلم تخش طب وتساعد الناس .💔 كانت تحلم بوها يقلها سلم بنتي ، او انا فخور فيك لما تجيه ناجحة الترتيب الاول . 💔 كانت تستنى طول عمرها في اللحظة يلي بوها بيبكي دموع الفرح لما تجيه ب...
