غلطة حياتے💔!

part 7

       بسم الله الرحمٰن الرحیم
_______________________________

خديجة& شوي غزاله زعلت وخدت على خاطرها من امك ومريم نفس الشي ماتحبهاش يوم من الايام بوك كان مروح من العمل وامك كانت عندنا في الحوش خش اول مرة يشوفها امك كان عمرها 15 سنة وكانت لاقوة الا بالله تشبهلك هلباااا كإنها هيا قدامي توة شوي قعد واقف ويشوفلها استاكة فيها ( يما الحب يما 😂).
ايات & حب من اول نظرة 😂😂😂
خديجة & ايه 😂😂، المهم نختصر عليك الموضوع ان من هديك الشوفه امك حبت بوك وبوك حب امك كانوا مع الروشن انا الوحيدة يلي كنت نعرف بعلاقتهم ، قعدوا سنة ومشا خطبها انا قعدت فرحتي فرحتين الاولى صاحبتي قعدت جارتي والثانية اجوزت خويا ☺ ❤.
ايات & الله ياعمتي عليك ايام 😍
خديجة &انشاء الله يابنتي حتى انتي ربي يطيحك في ولد الحلال يلي يحافظ عليك ويصونك🤲🏻.
ايات & 🤗.
هبة & (تنادي من الدار ) ايااااااات 📢
ايات & (وهيا ماشيتلها) بكشة إن شاء الله شن تبي ؟
هبة & وين الحنة حطيتيها ؟
ايات & في دار زين خويا
هبة & لا ياستي علاش في دار خوك ؟؟؟
ايات & خفتهم ياخدوها ودار زين ماحد يخشلها الا انا وياه امشؤ خوديها .
هبة & والله ماني ماشيتها لدار خوك كان يخش عليا امشي انتي وراس صاحبتي هيا وقت عليا 🥺
ايات & والله ماني ماشية ابنمشي نعطيهم اللوسة والدقيق من المخزن الدار تعرفيها وامشي بروحك 😌
هبة & تعرفي انك وسخة🙂
ايات & طالعتلك 😉🙃.
وطلعت ايات من الدار.
نجوا للشخصية يلي حكيتلكم عليها ، اكيد عرفتوها 😂:
{{ هلا انا هبة صاحبت ايات اكيد تعرفوني 😁، طبعا انا وايات صاحبات من لما كنا صغار تقريبا امي وامها حملوا بينا في نفس اليوم 🙄
لان انا يوم 26▪︎5 وايات 24▪︎5 الفرق يومين ، المهم مواصفاتي بيضة مايلة لسمار (قمحاوية 👧🏼) طولي 163سم ديما نفشك على ايات بطولي 😎 ، ضعيفة هلبااااا مناكلش بسلامتي ( اقروها بلغت المزيتات 🥲😂) عيوني سود كبار مكحلات حواجبي غلاض فمي صغير ومنفوخ مسببلي عقدة عندي نقص في لساني ننطق في حرف الراء غلييييظ مانوضحش فيه .
نحب ايات لانها صاحبتي الوحيدة يلي نوثق فيها ، انا كنت طيبة وعلى نياتي وكنت اي حد يجي قدامي يقولي كذبة نصدقة حتى كان قال القرد يتكلم نصدقه عادي ( طيبة زيادة ع اللزوم🙂💔) تعالوا نحكيلكم شن يلي غيرني 👇🏻:
جا يوم لما كان عمري 13 سنة حبيت واحد كان كل مانروح نشوفه قدام المدرسة وايات مش مركزة عليا وتطور الوضع الى ان يوم غابت ايات بسبب وفاة امها مشيت خشيت للمحل نبي نشري حاجات لحقني حطلي ورقة ومشا منكذبش عليكم فرحت وفي نفس الوقت خفت ان يكون حد شافه .
دسيت الورقة في جيبي وروحت للحوش خشيت للحمام وكان مكتوب في الورقة 📜👇🏻:

{{{'''إنـكِ ملاڪي يـا جـنة هالڪون🌎❤️❤️🫂.!!'''
أنتِ الفتَاةُ التِي اٌخَذَتْ عَيْنِي وَقَلْبِي وَكِبْرِيَائِي مَعهَا هَلْ يَعْقُلَ اٌنْ تَكُونِي جِنيّةُ امْ حُوريًة اٌمْ مَلَاكِي اْلذِي لَطَالَمَا حَلِمْتُ بِهَا ؟ انْتِ سَاحِرَةْ سَحَرَتْ قَلْبِي بِجَمَالهَا ، ادْخِلِينِي قَلبَكِ واْجْعَلِينِي  مَالِكَهُ وَوَزِيرَهُ 🪄🧸.
من انت  يا فتاة هل تحبينني كما احببتك هل تحلمين بي كما احلم بك ؟ دعيني اعرفك بنفسي ، اسمي هو ايمن عمري 22 سنة طالب في جامعة *** بطرابلس انا من اصل طرابلسي لاكني اعيش في *** اتيت لزيارة صديقي ذات مرة حينما رأيت ملاك يمشي على الارض بحثت عنك وتبعتك ولاكن لم اصل الى نتيجة ، هل تستطيعين ان تحكي لي عن نفسك ف انا لم انم ليله دون ان افكر فيك .