أستاذنا | Our teacher

البارت 1

.

جالسين ثلاثتهم في مكانهم المعتاد في كل فسحة ، سطح المدرسة ..

فارس اللي كان سرحان كعادته

سالم مركز بالأكل

ومؤيد مشغول بلعبة بجواله ..

فجأة وبدون أي مقدمات بدأ فارس يلحن ويغني بهدوء:

من يعرف كيف يكون .. محبوبًا بين الناس ..

رفع سالم رأسه يناظر فيه وتبعه مؤيد اللي نزل جواله يحاول يستوعب اللي سمعه ..

أما فارس كمل في عالمه :

تخيل أن الكون ، لا طعم له أو لون

أو أن التلفزيون ، من غير سبيستون ~

اندمج سالم معه فجأة وبصوت عالي واحساس مزيف:

هذا محااال ، صديقي تعااال !

توسعت عيون مؤيد بصدمة وصرخ: هييه ! تستهبلون !!؟

تجاهلوه وكملوا بصوت واحد عالي متعمدين: تعاااال ، صديقي تعااال ~

ضحك مؤيد على أشكالهم وبسرعة فتح الكاميرا يصور فيديو

يلحق على ما تبقى من الأغنية اللي هم مندمجين فيها ..

نطقوا سالم وفارس بآخر جملة وكل واحد محاوط ذراعه بكتف الثاني:

لا تنسى أن تبقى ~ مع سبيستوووون ~

وقف مؤيد الفيديو وضحك عليهم بقوة وهو ماسك على بطنه

يتخيل كيف ردة فعلهم لما ينشر المقطع في قروب الفصل !

" خلصتوا ؟ "

سكت مؤيد وكلهم التفتوا لمصدر الصوت اللي خلاهم يشهقون ويوقفون بسرعة ..

وأول شي سواه مؤيد هو إنه خبأ جواله في جيبه ما كأن اللي واقف قدامهم شاف شي ..

ابتسم فارس بارتباك: أ .. أستاذ عبد العزيز ! صـ صباح الخير !

تكتف عبد العزيز وابتسم: صباحك سبيستوني ..

كتم سالم ضحكته اللي انتبه لها الأستاذ لكن تركه ووجه نظره لمؤيد اللي قمط ..

مد عبد العزيز يده بهدوء: عطني الجوال ..

مؤيد كان وده يعترض بس سكت وطلع الجوال من جيبه وأعطاه الأستاذ ..