طلال:يناظرها وش ذا الأهتمام فجاة ؟
نوره:مدري حسيت اني مسؤله
طلال:اها يعني مافي امل
نوره:وش
طلال:يتنهد انسي ياخذ الغتره و يعصب نفسه
نوره:تناظره وهي توها تشوفه زين توها تشوف ملامحه و اكتشفت انه مزيون بس يظلم نفسه كثيرر تبتسم طلعت حلو
طلال:وش بعده
نوره:ولا شي يوم فهمته
طلال:يهز راسه يلا بطلع
نوره:تمام عادي اذا رجعت تجيب من البقاله
طلال:ارسلي لي الأغراض الي تبينها
نوره:تمام
طلال:يطلع
ريما:ول ول اخيراً لبسته شكل نوره فادتك
طلال:يضحك اسكتي بس
ام طلال:تبتسم والله انك مزيون يولدي و الثوب حلو عليك
طلال:يبوس راسها الله لا يحرمني منس
نوره:تطلع تناظرهم
ريما:اخيراً فدتي بشي
نوره:طايحه من عينك ؟
ريما:الحين تأكدت انس نوره يختي تكلمي ب السينن الكاف اذا رحتي الرياض
نوره:ابشري هاه طايحه من عينس يوم تقولين اخيراً فدت بشي؟
طلال:يناظرها وعجبه طريقة نطقها يبتسم
ام طلال:تضحك معليس منها يابنتي اجلسي بس
طلال:يناظر امه يمه رايح ل المجلس تبين شي
ام طلال:لا يمه
طلال:طيب نوره اذا فضيتي ارسلي الي تبين
نوره:طيب
ريما:احسب حسابك بتجيبلي معها
طلال:يضحك طيب يطلع
ريما:بالله شلون اقنعتيه يلبسه
نوره:سهله
ريما:تناظرها وهي طارت نيتها
نوره:يا كلبههه موب الي براسس
ريما:هممم علي ترا مانيب بزر
ام طلال:بزر على ذي الأمور اهجد
نوره:تضحك صح صح تجلس جنب ام طلال
ريما:سرقتي طلال باقي امي لااا لا بعدي
ام طلال:تضحك يابنت اهجد ما تسرقنا منس معليس
نوره:ما سرقت احد
ريما:تناظرها بضحك
نوره:عمه وين امي
ام طلال:ناديني يمه يابنتي امس بتجي بعد اشوي
نوره:ابشري يمه
في المجلس بين سوالفهم
طلال:يقوم و يروح جنب ابوه يبه بخاطري انا ونوره نروح نسافر ل جده
ابو طلال:ما تأجلها بعدين؟
طلال:انقهر ابشر ابشر
سلطان:توني اركزز يا طلال لبسته اخيراً
تركي:يناظر طلال اخس اخس لبستك اياه غصب
طلال:يضحك
عبدالرحمان:والله انه ازين
مشاري:اصلن طلال من اول حلو بس الثوبه الأسود حلاه صح طلال
طلال:المعزز حقي بضحك
الجد تركي:يقوم بروح ارقد
ابو طلال:يبه اصبر بجي معك يروح معها ويحطه بغرفته ويروح هو لغرفته بعد
ابو تركي:شكلي بتوكل بعد
ابو عمر:معك بضحك
يرحون ويبقون العيال و معهم عمر
طلال:بروح ياعيال تبون شي؟
تركي:يمسكه والله ما تروح توك جاي يارجال
مشاري:صادق توك جاي اجلس
عمر:خلوه يروح موب من زينه
طلال:عمر اقطع الشر
عمر:ماني قاطعه يا متخلف ترا ما قلت الصدق وبعدين انت يلي تستقوي جابر نفسك على بنت ....
طلال: عمررر بصراخ اسكت و انقلع من وجهي
عمر:خلني اكمل بضحك ما تبي يسمعون
طلال:يقوم ويتجه له يضفقه ما تفهم انت ما تفهممم بصراخ
عمر:يبعده لا تقربني ما قلت الا الصدق
طلال:يضربه على وجه و يدفه على الجدار بقوه و يخنقه ...
عند البنات
لينا:خل نطلع طفش
ريما:صادقه امشو
رهف و نوره:يلا
يلبسون عبايتهم ويطلعون
ريما:موب ذا صوت العيال؟
لينا:تتأكد الا هم
نوره:لحضه صوت طلال
رهف:امشو امشوو
يركضون للمجلس
نوره:تنجلط يوم شافت طلال يخنق عمر تركض له تشده طلالل طلال بعددد
تركي:يحاول يشده ي طلاللل لعنههه بتذبحه فكههه
طلال:كل الي يبيه يذبحه
نوره:طلال طلالل استوعبب بيموتت
سلطان:طلال بصراخ
ريما:ياربيي تبكيي طلال تكفى فكه طلبتكك
نوره:تشوف عمر الي صار وجه احمر و يحاول يتنفس طلاللل تكفى استوعببب تبكي طلاللل فكههه فكهه
مشاري:عيال خل نسحبه مع بعض يسحبونه كلهم و يبعد و طاح عمر يتنفس بقوه
نوره:تروح ل طلال شفيكك شفيك بتذبحه
طلال:يناظر عمر و صدره يرتفع وينزل بقوه
نوره:تناظره و تناظر عمر
عبدالرحمان:امش ياكلب برا يسحب عمر لبرا كان ف ابوك خير تكلم تقلع بيتكم انقلع بصراخ
عمر:ياورع لا ترفع صوتكك
عبدالرحمان:برفعه لأنك منتب رجال اخفظه عشانك
عمر:يمسكه قد كلمتكك
مشاري:يا عمر خلاصص رح البيت يدفه للبيت يسحب دحوم داخل
نوره:تناظر طلال خلاص خلاص راح هد
تركي:بنص توتره جلس يضحك
لينا:تضحك بعد ياربي ذا وقت نضحك فيه
رهف:بضحك صح اخوي بس انه يقهر بعد
سلطان:مشالله كلكم متفقين يعني يناظر مشاري و رهف
مشاري:محد يحبه الا امي
رهف:صح بضحك
ريما:تجلس بدموعها تضحك والله انكم بزران تناظر طلال انت كل شوي بتضارب معه
عبدالرحمان:يجلس لا تلومينه
طلال:يناظرهم وين ذلف
عبدالرحمان:بيتهم
نوره:تناظر طلال لا تقول بتلحقه
طلال:يجلس يضحك لذي الدرجه تشوفيني متهور
ريما:لاتلومها لا تلومها كل شوي متضارب معه ياخي انا ما همني هو همني اذا مات بتدخل السجن
عبدالرحمان:يضحك كلنا همنا ذا
طلال:موب كلكم
عبدالرحمان:يناظر نوره
نوره:تناظره فهمت انه يقصدها الا كلنا
طلال:يبتسم مدري
دلال:تناظرهم
سلطان:بنذاله دلال في واحد تقدم لس و يحبس
دلال:من بس للمعلوميه ترا ماني موافقه بدلع
سلطان:متأكده
دلال:ايوا
سلطان:ها ليش اقولس
مشاري:يضحك تعجبني
لينا:تناظر دحوم من الي يقصد
عبدالرحمان:يناظر تركي الي منزل عيونه يضحك يشر على تركي
لينا:لا عاد
نوره:تضربها على راسها اهجدي
عبدالرحمان:ماهيب متقبله الصدمه يناظر نوره
نوره:انت فضيحه بعد اسكت
عبدالرحمان:يضحك تعالي تعالي يشر جنبه
نوره: تبتسم تروح تجلس جنبه شفيك
عبدالرحمان:يحاوطها من كتفها يهمس شفتي ذا الي بياكلني بنظراته بهمس
نوره:تناظر طلال تضحك اي
عبدالرحمان:تبين تعرفين ليه بغى يذبحه عمر
نوره:اي ؟
عبدالرحمان:بهمس لها عشان كان بيقول قدامهم انس تبين عمر و تكرهين طلال مجبوره عليه
نوره:تناظر يدها
عبدالرحمان:عشان تعرفين من الي شاريس و من الي يلعب عليس
نوره:....
"انتهى"
أنت تقرأ
ليتني اقدر اعرف انا وش بالنسبه لك.....
General Fictionليتني اقدر اعرف انا وش بالنسبه لك.. ، ، رغم جرحه؟ كنت اسامح، كنت ابيه.. ، قلبي مو راضي يتقبل غيرك.. حساب الكاتبه انستا(ei0op) نوره✍🏻
