طلال:مانيب مطلقس عشان عمر هاه
نوره:عمر موب متخلف نفسكك
طلال:نورهه بصراخ تراس زودتيهاا
نوره:تبكي و تقوم للكرفانه تنسدح
طلال:يصد بقهر وغيره من انها للحين تبي عمر
عند الديره تحديدًا المجلس
تركي:عيال طفشت نروح للمزرعه
العيال:تم يلا
يقومون يروحون للمزرعه
عبدالرحمان:هيه عيال البنات هناك امشو نرجع
تركي:معليك صغار امش
سلطان:دلال معهم !
مشاري:معليك هم بطرف وانا بطرف
سلطان:يتنهد طيب
تركي:يضحك الرجل الغيور
سلطان:يضحك
مشاري:امشو ل الخيول
سلطان:تم
يرحون
البنات
لينا:العيال بنات
دلال:طيب شفيها بغرور
ريما:تتنهد دلاللل اهجدي
رهف:معليه اضن بيرحون الخيول اي شفتو راحو معليكم
ريما:اي الحمدلله
لينا:تضحك تخيلو عاد يقلطون معنا
دلال:واذا عادي!
لينا:تناظرها وراس مشخصنتها خلاص عاد ما اكلمس
ريما:لينا اسفهيها تضحك عاد لو يجلسون اخر جلسه يجلسونها
رهف:بنات شصار مع نوره احد تواصل معها
لينا:اتصلت مشغوله
ريما:يمكن مشغولين ما ندري اذا فضو بيدقون انشالله
عند البل
طلال:يدخل يشوفها تشاهق يتنهد يجلس عندها خلاص قومي اكلي و ارقدي
نوره:اذلف عني مابي
طلال:هاذا جزاي؟؟
نوره:مابي مابي ابعد عنيي ببكاء
طلال:يقوم وهو منقهر و يطفي النور بعصبيه و ينسدح يرقد
اليوم الي بعده
ب المجلس
الجد تركي:هاه عيال ما دق طلال
العيال:لا والله
تركي:شكل مشغوله بضحك
ابو تركي:يضحك اكل اكل الفطور بس
سلطان:يضربه بخفيف على ضهره يازق وهو يمسك ضحكته
تركي:يضحك وهو موب قادر يمسكها
العيال و الجد و الأعمام:فكوها ضحك
عند البل
نوره:قامت بس ما طلعت
طلال:برا يستغرب يدخل يشوفها شفيس ما جيتي تاكلين
نوره:بدون نفس مابي
طلال:بس ما كليني من امس
نوره:ياخي شدخلك فيني انقلعع
طلال:شدخلني ترا زوجس
نوره:و الزق ياخي تعرفي ما ابيك ما احبك اكرهك و
طلال:يطلع قبل ما تكمل كلامها و يروح للبل
نوره:تبكي ابي ماماا بهمس
طلال:يخلص و يدخل عشان يغسل يده زين
نوره:ابي ماما
طلال:بكره
نوره:بصور باكي لا اليوم
طلال:يناظرها يتنهد لأن ما يتحمل دموعها طيب امسحي دموعس و جهزي الأغراض بنرجع
نوره:تمسحها بفرحه و تجهز الأغراض و تسبح تطلع ب الروب بس عشان تاخذ لبس وتنشف شعرها
طلال:يناظرها يبلع ريقه و ياحاول يناظر اي شي ثاني وهو بهمس كدينا خير كل شوي يسرق النظر لها ما يتحمل و يقوم يطلع
نوره:شفيه ذا تاخذ لبسها تنشف شعرها و تدخل تبدل و تطلع تحط مكياج تخلص تطلع طلال خلصت
طلال:يناظرها وهي بكامل زينتها غطي وجهس
نوره:ليش اغطيه
طلال:شايفه شكلس و المكياج وبعدين ابيس تغطينه
نوره:لا والله ماني متغطيه
طلال:نورهه صدقيني تندمين تغطي
نوره:ياخي ماخذني من بيت ابوي كذا وتغطيني
طلال:اي يلا
نوره:تبكي لا لا
طلال:يضرب رجله ب الأرض خلاصص امسحي دموعسس وامشي اركبي و الغيره تاكله
نوره:تمسح دموعها وتركب
طلال:يحرك
يوصلون بعد ثلاث ساعات
طلال:بنادي اعمامي و جدي و ادخلي بعدها
نوره:طيب
طلال:نزل ينادي اعمامه بس يطلعون
نوره:تنزل تسلم عليهم ويسلمون عليها
طلال:ينتبه ل عمر الي طالع من المجلس يناظره بعصبيه نوره خلاص روحي ادخلي
نوره:تستغرب و تروح تدخل
طلال:يدخلون المجلس وهو هو عينه على عمر يبي يذبحه
تركي:بعد ما سلم وراك سحبت معد ترد
طلال:مقفلين جوالاتنا
تركي:ايي عشان تفلونها بضحك
طلال:يناظره تركتك شوي فجاة صرت كذا يناظر العيال مخوي احد وانا رايح
مشاري:لاا فقع كبودنا ب كلامه هجده خله تركي القديم
تركي:يضحك امزح معكم
طلال:فكنا من ذا الكلام بس
عبدالرحمان:يضحك عاد تدري وصلت فيه قدام جدي و اعمامي
سلطان:يضحك وقتها مغير ماسك نفسي شفت كلهم ضحكو فكيت معهم
عبدالرحمان:صحح دامكم جيتو بكره نروح للبر؟
طلال:بنروح كلنا ؟
عبدالرحمان:اي اشتقت ل جلسات البر
تركي:مطفوق موب بكره الي بعده
طلال:عادي اي يوم راضي
عبدالرحمان:كفوو يبتسم بفرح
طلال:يضحك كفوك
أنت تقرأ
ليتني اقدر اعرف انا وش بالنسبه لك.....
General Fictionليتني اقدر اعرف انا وش بالنسبه لك.. ، ، رغم جرحه؟ كنت اسامح، كنت ابيه.. ، قلبي مو راضي يتقبل غيرك.. حساب الكاتبه انستا(ei0op) نوره✍🏻
