ليتني اقدر اعرف انا وش بالنسبه لك.....

"النهايه "

ريان:ينسدح و فهد على صدره يغطيه ب الغطا
ام طلال:تبون الغدا؟
ريان:شبعان
طلال:تاكل من ورا خشمك
سلطان:اقول انت رح تغد مع نوره
طلال:عادي تجي تتغدا معنا
ام طلال:صدقت لو ريما هنا بعد كان
ريان:اشتقت ل حسها
سلطان:ارتاح بتجي اليوم نشبه
ام طلال:سلطان رح رح بدل
سلطان:السروال و الفنيله تكفي
طلال:اي عشان ابوي يكسر راسك
سلطان:يلبس ثوبه خلاص كذا كويس؟
ريان:يضحك الله يخلف مقلوب!!
ام طلال:تبتسم وهي تشوف ريان
سلطان:عادي
طلال:بزر بزر ؟
سلطان:اي اسكت
طلال:يوههه
ابو طلال:يدخل يشوفهم يشوف ريان الي كان منسدح يوم شافه جلس يناظر لطيفه لطيفه قولي لهم يجبون الغدا هنا
طلال:ب غرفة ريان ؟
ابو طلال:اي روحو بدلو على بال ما يجيبونه
طلال:درا ان ابوه يبي يجلس مع ريان ياخذ فهد و يشد
سلطان برا كل واحد يروح غرفته و سلطان بدل و نزل للجد تركي عشان يقوله بيتغدون في غرفة ريان و يساعده عشان المصعد ...
في غرفة ريان
بعد ما طلعت لطيفه
ابو طلال:يجي ل ريان يجلس قدامه
ريان:يناظره
ابو طلال:يابوي يا ريان قل وش فيك
ريان:اختصر كل الي بقلبه محروق
ابو طلال:يتنهد وش صار هناك
ريان:ماصار شي بس يبه معد ابي اتزوج يبه لا تجبرني
ابو طلال:مانيب جابرك امك مستحيل تخليني ما ترضى على زعلكم ولا انا ف ياولدي بكيفك و عمك عادي بتعذر منه
ريان:يبوس راسه
ابو طلال:سامحني اني رفعت يدي عليك
ريان:معذور يا الغالي
ابو طلال:يحضنه
ريان:يحضنه بقوه وهو ما قدر يمسك دموعه محتاج حضن يبكي فيه بس مسحها على طوال
ابو طلال:بقى في حيرته وش في ريان هاذا السؤال بباله

يتغدون و يخلصون

في اليل
في بيت سعود
تركي:يدخل ريما ريان برا
ريما:تمام
ابو تركي:خله يدخل يا تركي
تركي:حاولت ما يبي
ابو تركي:يقوم بروح له
تركي:عاد انت من ورا خشمه يسمع لك
ابو تركي:يضحك ويطلع

برا
ريان:يشوف عمه الله يهديك يا تركي ينزل هلا والله ياعم يتجه له يبوس راسه
ابو تركي:هلابك ياولدي يبتسم يوم باس راسه ياولدي ادخل تقهو
ريان:لا ياعم مابي اضيق عليكم و مستعجلين
ابو تركي:والله لا تدخل
ريان:عم
تركي:كفو امش امش
ريان:الله يهديك ياعم يطفي السياره
يدخلون
يجلسون
ام تركي:كيفك ياولدي
ريان:الحمدلله
دلال:تضحك كيف تركيا؟
ريان:يبتسم بضيق
لينا:في بنت مزز صح
ريان:اي اي بهدوء
ابو تركي:يضحك شكل تركيا غيرتك
ريان:يبتسم شكله
ياقطعهم نزول عبدالرحمن و ريم
ريان:يشوف ريم يصد بهدوء
عبدالرحمن:يناظر ريان ثم يناظر ريما بصدمه
ريما:صاده عنه
يجلسون
عبدالرحمن:ريما بتروحين؟
ريما:خافت يشكون وهي ما تدري انهم قالو اصلن اي
عبدالرحمن:يناظر بهدوء
ابو تركي:هاه ياريان تركيا زينه
ريان:زينه ياعم
ريم:تناظره وهو يتجاهلها حتى ما حارشها
لينا:الشمس اليوم من وين طالعها ريان غريبههههه ما حارش احد
ريان:عقلت يبتسم
ابو تركي:يضحك في كل حلاتك نبيك
ريان:يبتسم
ام تركي:وهو صادق
ريم:بس هو كبير العقل زين
رهف:اص اص انتي اخبل منه
ريم:تضحك بس وقت الجد جد ولا
لينا:حتى ولو خليس وسيعة صدر
تركي:يضحك هاذي احس ينفع لها زوجها تجن ليش ما نزوجس
ريم:ترمي المخده البخ
عبدالرحمن:ساكتت ويناظر ريما
ريما:كانت تضحك على هواشهم
ابو تركي:يناظر ريما و دحوم و ريان يتنهد يابوي ريان وش فيك
كلهم التفتو
ريان:يبتسم ولا شي
عبدالرحمن:يقوم
ام تركي:وين
عبدالرحمن:بروح ارقد
تركي:وجع ما تشبع نوم
عبدالرحمن:يناظره
دلال:رح رح اعوذ بالله من نظراتك
تركي:يضحك رح يمكن تقوم بدري
عبدالرحمن:يروح ل غرفته يجلس عند الدريشه...
ريان:ريما يلاه؟
ريما:يلاه
ريان:دلال تجين؟
تركي:روحو خلوها عندي
ريان:يبتسم ويطلع
ابو تركي:يمسك ريما على جنب
ريما:عمي شفيك
ابو تركي:ما ودس تحنين على دحوم؟
ريما:تناظر البنات
ابو تركي:ناظريني معليس منهم بيطول الزعل؟
ريما:عم..
ابو تركي:يابنتي هو من حبه لس جن حني عليه يتنهد لاهو ولا ريان الدنيا ضايقه عليهم دحوم عرفت بس اخوس الله يزينها
ريما:انشاءالله بضيق
ابو تركي:خليه فتره يتعلم بس حني عليه
ريما:ابشر
ابو تركي:الله يرضى لي عليس روحي لا تتأخرين على اخوس
ريما:تطلع
...