مشاري:احه حسافة شنبك
عمر:يضحك اسكت لا اقوم عليك
عبدالرحمان:يضحك قم ورنا
عمر:دحومم اهجد مانيب قايم
عبدالرحمان:يارجال ق...
ريما:طلالل
طلال:يقوم يروح لها
عند ريما وطلال
طلال:هلا
ريما:حسافهه
طلال:وش
ريما:الجو برد و الخبله نوره ما جابت لبس ثقيل و ابي اشوف اذا في سيارتك الفروه بس طلعت لابسها خلاص
طلال:يفصخها خذيها معليس مانيب برداً
ريما:صدق؟
طلال:يبتسم اي خذيها
ريما:تحب راسها و تروح
طلال:يرجع للعيال
عند البنات
ريما:امسكي يا خبله
نوره:شكراً بضحك تاخذها تلبسها وهي تشم فيها عطر ماهوب غريب عليها ريما منهي حقته
ريما:طلال
نوره:انصدمت بس سكتت و جلست
عند العيال
ريان:احه فصختك فروتك بس برد عليك؟
طلال:وحده من البنات ما جابت لبس ثقيل و اختي خذتها لها اما انا عادي موب برد اصلن الضو بتحرقني
مشاري:منهي
عبدالرحمان:لقافتك شينه مشاري بضحك
مشاري:يضحك
عمر:شف شف وش يسون البنات
طلال:يناظرهم يعقد حواجبه
عند البنات
ريما:يازق لا حطي هنا بيطلع افخم
لينا:صادقه
نوره:تناظرهم يعني!
رهف:جيبيي تحطه
دلال:اول احسن
نوره:شفتووو
*كانو مسوين جلسه يجلسون فيها و يصورون*
ريما:لا كذا
نوره:طيب
دلال:ثلاث ضد ثنتين ف نوافق
نوره:المشكلة ما فكرو حطوه
لينا:تضحك كفوه رهوف
رهف:افا عليس
ريما:يلاه نصور بس
البنات يصورون
عند العيال
سلطان:الله يخلف بس
تركي:يضحك الا زوجتي زوجتي اعقلهم
مشاري:اخبلهم قصدك
عبدالرحمان:يضحك
ريان:وين زوجتك يناظر تركي
تركي:توكل اغار
عمر:يعننيي
طلال:يناظر نوره الي عليها فروته و كانت تسحب عليها
عبدالرحمان:راحت فروتك فيها
طلال:يبتسم عادي فداها
سلطان:بروح اشوفهم واطقطق شوي
مشاري:معك
تركي:بروح اشوف زوجتي و افقع وجيهكم تتكلمون على ام سعود
طلال:حامل؟
عبدالرحمان:اعوذ بالله امداك؟
تركي:دحوم بتوطا ببطنك لا بس نقول انشالله
عمر:سمه عمر و لك الي يرضيك بضحك
ريان:لا تسمع كلامه يقول وهو خرطي سمه ريان
تركي:تخسون بس سعود على الولد
عمر:الثاني طيب
تركي:يا فهد يا طلال
سلطان:خير خير وانا
تركي:ما تستاهل
سلطان:وانا ابو فهد وش ما استاهل هينن هينن بضحك
عبدالرحمان:يضحك
مشاري:انا اول واحد اسميه سلطان صديقي الصدوق
سلطان:كفووو ولد حسين كفو
يضحكون
شوي يرحون للبنات
سلطان:وش تسون
ريما:ياشين لقافتكم توكلو
تركي:يجلس جنب دلال انتي تقلعي
لينا:تضحك قم قم
عبدالرحمان:يجلس جنب نوره صبي لي قهوه
ريما:احلفف
سلطان:يجلس جنبها والله صبي لي وله ولهم كلهم
عمر:ياخذ كاس رهف اختي رهوفي عادي اشربه صح وهو يشرب
رهف:تناظره قل والله تقوله وانت تشرب مالت
مشاري:صبو صبو يجلس جلستكم حلوه
ريان:يبتسم ياليت عندي خوات
عمر:يبتسم كل ذولي خواتك ولا يهمك
طلال:يناظر ريان يبتسم
ريان:يبتسم
نوره:تناظر طلال
طلال:انتبه ل نظراتها يناظرها
نوره:تبعد عيونها عنه
ريان:يجلس
طلال:يجلس
دلال:عماني لا يشفونكم
تركي:ويده ورا ضهرها لا معليس
دلال:تبتسم
ريان:يام سعود ما ودتس تجيبين سعود ل تركي
دلال:تناظره منصدمه تناظر تركي سميته ؟
تركي:يضحك اذا حملتي و جبتي ولد نسميه سعود على ابوي
دلال:ابشر
ريان:يضحك شفيتس كنه طالب منتس تجيبين ثوب ترا بزر بيجيتس بعد ٩ شهور مطوله
تركي:يضحك شعليك بعدين لا تكلمها اغار
ريان:ابك اذكرك ثقيل شفتها خفيت
عبدالرحمان:طاير عقله معها
دلال:ملقوفين
يجلسون يسولفون وضحك و كلهم مستانسين على كلام ريان الي يضيف ك تعبير ل انثى تس
طلال:الي كان من بداية الجلسه وهو ساكت و يناظرهم و يهوجس
نوره:تناظره و شاغل بالها وش يفكر فيه
عبدالرحمان:يناظر طلال يشر له وش فيك
طلال:يبتسم بخفه و ينفي
مشاري:طلوليي قل قصديه او اغنيه
ريان:اغنيه اغنيه ابي اسمعك
ريما:اي طلال قل اغنيه
لينا:يمه من زمان عن صوتك قل
سلطان:حشروك
دلال:تضحك ابي اسمعك
تركي:لا تردها يلاه بضحك
عمر:ولا مره سمعتك بس جاني فضول
عبدالرحمان:يناظر طلال بضحك
طلال:يناظرهم لازم؟
كلهم:اي
طلال:يتنهد غنو معي يناظر العيال
مشاري:تم وشهي
طلال:اه و جرح قلبي
ريان:تم يبتسم
العيال:"آآهـ... وجرح قلبي
وآآهـ... مطول عناي
*يسكتون العيال ويكمل طلال*
ليت الأقدر بيديني ..
وأرد .. الأقدارر
*يعيدونها العيال معه*
آآهـ... وجرح قلبي
وآآهـ... مطول عناي
ليت الأقدر بيديني ..
وأرد .. الأقدار
بس ماهي على كيفي..
ولا مشتهايي.."
مشاري:الله علينا الله
عبدالرحمان:يضحك
ريما:يبي لكم مسيقه بس
سلطان:يضحك صادقه
تركي:دلال شرايك فيني
دلال:تبتسم اطلقهم
ريان:ياخفتس انتي وياه
تركي:ويالقافتك
نوره:تناظر طلال
طلال:يناظر الضو يتنهد
عمر:انكتمت؟ يناظره
طلال:ينفي يقوم
سلطان:وين؟
طلال:شوي يروح لحاله بعيد يجلس يطلع دخانه ويدخن
نوره:تقوم
عبدالرحمان:شفيس
نوره:بروح الحمام(يكرم القارئ)
عبدالرحمان:يبتسم طيب
نوره:تطلع
....
"انتهى"
توضيح ترا عدلت ارقام البارتات ف بارت 35 و 36 هي الجدد
أنت تقرأ
ليتني اقدر اعرف انا وش بالنسبه لك.....
General Fictionليتني اقدر اعرف انا وش بالنسبه لك.. ، ، رغم جرحه؟ كنت اسامح، كنت ابيه.. ، قلبي مو راضي يتقبل غيرك.. حساب الكاتبه انستا(ei0op) نوره✍🏻
