نوره:تنزل وهي خايفه
طلال:يحرك ويروح المستشفى هو كان عارف انه فقر دم لأن صار مده معد ياكل يحلل ويطلع عنه ناقص و الحديد و يصرفون علاجات و يتجه للجامعة
يمر اليوم مافي اي حدث مهم
يمر اسبوع اسبوعين مافي جديد لا العيال راحو الديره ولا شي و طلال نفسيته تغيرت الي كان يضحك ب جمعتهم صار سرحان بهواجيسه كلهم لاحظوه كلهم لاحظو تغيره ف عبدالرحمان اقترح يرجعون الديره و يروح للبل يمكن تتحسن نفسيته
بطريق الديره
عبدالرحمان:طلال نوقف ؟
طلال:عشان علاج صاحي كمل كمل بس
ريما:طلال ما خفت الدوخه
طلال:يبلع العلاج خفت خفت
ريما:خل نرجع والله اقول ل امي وتكلك غصب
عبدالرحمان:الله ينصرس كفو قوليه كونها تكله غصب
طلال:لو ابي كليت
عبدالرحمان:اي عمتي حتى لو ما تبي غصب
طلال:يتنهد
ريما:اشتقت لها صدق عاد
طلال:كلنا
عبدالرحمان:نفاجأهم يضحك شوفو تركي و شوفو سلطان شكله جالط ريان
طلال:يناظر يبتسم الله يعينه
عبدالرحمان:اسبقهم؟
ريما:ايي ايي
عبدالرحمان:يدعس بقوهه و يسبقهم وهو يناظر ريما و حماسها يبتسم
يوصلون الديره
ام طلال:تطلع الله حيهمم تحضن طلال يمه ليش حالك كذا
طلال:وش فيني
ام طلال:وجهك اصفر و ناحف بزود
ريما:يمه تراه ماياكل كل شوي شبعان وهو ما ياكل
طلال:هين ياريما
عبدالرحمان:وش هين قالت الصدق
ام طلال:ليش ليش يايمه تتعب نفسك
طلال:معليس يمه ارتاحي يدخلها ويجلسها سلام عليكم ياعمه
ام تركي:وعليكم السلام ياولدي شلونك وراك متغير
طلال:يبتسم كلكم نفس الكلام يتنهد يطلع
يروحون كلهم كونهم وصلو للمجلس
يدخلون
عمر:كان جالس ويسولف مع عمانه يلتفت يناظرهم جات عينه على ريان ريان!
ريان:عمر!
طلال:تعرفه يناظر ريان
ريان:يضحك ايي
عمر:يقوم يسلم عليه شلونك من زمان عنك
ريان:الجامعه اشغلتني يناظر طلال و تذكر لحضه طلال هاذا عمر الي تقصده
طلال:مستند على الباب و يناظرهم وعرف ريان يقصد بصديقه الصدوق هو عمر للأسف اي
ريان:يناظر عمر
عمر:يناظر طلال يتنهد طلال تعال
طلال:بسلم يروح و يسلم عليهم و على جده بحراره
العيال:يسلمون
عبدالرحمان:يناظر عمر وش ناوي عليه؟!
عمر:ماهيب شينه
عبدالرحمان:استغرب هجوده و كلامه الي صار مقارب لهم
عمر:طلال يلاه؟
طلال:يطلع
برا
طلال:يناظر عمر الي ساكت بتنطق؟
عمر:اي اي طلال مدري اذا بتتقبل كلامي بس عرفت اغلاطي و عرفت اني ظالمك و ضلمت نوره الي مالها ذنب ادري اني نذل واناني لأني ابيك تسامحني فهمت كل تصرفاتك فهمت حبك لها الي كنت احسبه تحدي لي طلع حب جد فهمت كل شي و ابي تسامحني ياطلال
طلال:يناظره يتنهد انشالله
عمر:اخذ وقتك ابيك تسامحني من قلبك مابي تسلك لي قل كل الي بقلبك اضربني سو الي تبي ادري اني كذا اذل نفسي بس استاهل
طلال:رح اعتذر من الي داخل و ان سامحوك سامحتك
عمر:يبتسم ابشر امش ندخل
يدخلون
داخل
عمر:في كلام بخاطري اقوله
الجد تركي:وشو
عمر:انا غلطت بحقكم كلكم واكثر واحد طلال و ادري صعب بس طلبتكم سامحوني الحين فهمت كل شي و ندمان
ابو عمر:يبتسم
الجد تركي:مسامح ياولدي مسامح بس العيال وش قولهم
سلطان:يناظر عمر مسامح مثل ما قال جدي
عمر:يبتسم يناظر تركي
تركي:مسامح
عمر:يبتسم يناظر مشاري مشاري؟
مشاري:مسامح وهو مبتسم انه عرف غلطته
عمر:يحضنه يناظر عبدالرحمان
عبدالرحمان:يناظر طلال الي كان يناظره يتنهد مسامح
عمر:يبتسم ما بتندم يادحوم يحضنه
طلال:يناظرهم يبتسم بخفه يطلع
عمر:يحلقه
برا
عمر:طلال يمسكه
طلال:يناظره هلا
عمر:سامحتني
طلال:يهز راسه ب الأيجاب لا تخليني اندم
عمر:يحضنه وعد ما تندم شكراً طلال
طلال:يحضنه بخفيف عمر بروح ارقد
عمر:يبتسم طيب
طلال:يروح للبيت
في البيت
نوره:مدري احس اوقات احبه اوقات لا احس بس اعجاب
ريما:طيب لا تفوحين بشي منتي متأكده
لينا:صادقه
نوره:يعني بس احس لا لا ما احبه بس اعجاب او عشانه كسر خاطري
طلال:سمع كلامها يصد ويطلع
ريما:طلال لا يسمعك
برا
طلال:يطلع
عبدالرحمان:شفيك
طلال:ابي اروح من هنا هنا انكسر قلبي بما فيه الكفايه دحوم عطني سيارتك
عبدالرحمان:يعطيه تبي اروح
طلال:الي فيك كافيك اجلس ارتاح يركب
ريان:هيه طلال وين وهو توه طالع من المجلس
طلال:بروح اتمشى شوي يحرك
ريان:صاير شي؟
عبدالرحمان:طلع وهو منكتم مدري
عند طلال
طلال:يمشي وهو يالله يتنفس من الضيقه و الخنقه يارب يارب انزع حبها من قلبي ان ماكان بينا نصيب ثاني مره يارب اجبر جرحي يارب يوصل البل ينزل يشوف البل يتنهد ينسدح على الفرشه يفكر سرحان جا اليل جا اليوم الثاني اضطر يروح عشان دحوم سيارته يرجع
الديره
طلال:ينزل
ابو طلال:معد تثبت وش غيرك ياولد
طلال:غيرني كسرك لقلبي يايبه يدخل المجلس ويعطي دحوم المفتاح ويجلس
ابو تركي:طلال وين كنت
طلال:البل
الجد تركي:يتنهد كونه صار حفظه ما يروح للبل بدون ما يقول ل احد الا متضايق
ريان:ما ودك توديني للبل؟
طلال:ابشر
عبدالرحمان:يتنهد
ابو عمر:يتنهد من تغير طلال
ابو تركي:ودكم نروح للبر بكره؟
سلطان:ايي كون نغير جو جاتنا الضيقه
مشاري:نروح و نجلس كم يوم
تركي:ايي تكفون
الجد تركي:اربع ايام تكفي
عمر:تم
ابو عمر:ابتسم لتغيره
"انتهى"
سامحتو عمر؟
أنت تقرأ
ليتني اقدر اعرف انا وش بالنسبه لك.....
General Fictionليتني اقدر اعرف انا وش بالنسبه لك.. ، ، رغم جرحه؟ كنت اسامح، كنت ابيه.. ، قلبي مو راضي يتقبل غيرك.. حساب الكاتبه انستا(ei0op) نوره✍🏻
