يشترون ويتجهزون و كان طلال ميتت من الفرحه ما قدر ينام ولا خلا سلطان المسكين ينام
اليوم الثاني
سلطان:طلال طلبتك اهجد رح تلقى اهلي قامو بس خلني ارقد والله معد اقدر افتح
طلال:مالت عليك يقوم ويطلع
سلطان:الحمدلله يرقد على طول
برا
ام طلال:طلال وش مقومك؟ اليوم مافي دوام!
طلال:يضحك ما رقدت اصلن
ام طلال:لا عاد
طلال:والله العظيم
ام طلال:من الفرحه؟ بضحك
طلال:اي يضحك
ام طلال:طيب وش كنت تسوي عند سلطان
طلال:ما خليته يرقد الا الحين
ام طلال:لا حول ولا قوت الا بالله
ابو طلال:يطلع مشاءالله صاحي بدري؟
ام طلال:تناظره ما رقد اصلن و حتى ما خلا سلطان يرقد الا الحين
طلال:كبيتي العفش
ابو طلال:صوت الباب و المشي كله انت؟
طلال:اضن بضحك
ابو طلال:لا حول ولا قوت الا بالله صاحي انتي عقلك باقي براسك
طلال:اي يضحك يبه مستانس عاد خلوني
ابو طلال:الله يصلحك انزل انزل لطيفه سوي الفطور وبقرا عليه
طلال:يضحك
ام طلال:اقر اقر يمكن يهدى
ابو طلال:يسحب طلال من ثوبه امش قدامي
طلال:ميت ضحك
يرحون المجلس
طلال:يضحك صدق بتقرا
ابو طلال:اي انسدح
طلال:يضحك
ابو طلال:انسدححح
طلال:ينسدح بضحك
ابو طلال:يبدا يقرا عليه
طلال:كان مستكن
و واصل فهد القرايه واصل
طلال:كان مافيه شي بس عشانه ما رقد يقرون عليه عشان يهجد
ابو طلال:بشوف لطيفه جات يبتسم قم افطر و تقلع ارقد محلق صح
طلال:شف وجهي محلق
ام طلال:طلالل ترقددد
طلال:ابشري يضحك
الجد تركي:يدخل صبحتو بالخير
ابو طلال:صبحت بالنور تعال اجلس يبه تعال
طلال:ينقز يساعد جده
يجلسون ويفطورن
يمر الوقت و اهل طلال يجهزون و طلال رقد على طلب اهله بس قام ل صلاة الضهر وساعدهم و يجلسون يجهزون
بيت سعود
يجهزون البيت و نوره تعتني بنفسها و كانت متوتره و فرحانه و كلهم يساعدونها و يجهزون البيت يهيئونه ل الملكه
في اليل الوقت الموعد
يوقفون قدام بيتهم
ابو طلال:ينزل من سيارته يناظر طلال زين غترتك
طلال:يبتسم ويزينها
ينزلون
طلال:سلطان بتوطى في بطنك امسك يا الدفع ولا الورد
سلطان:ياليلل عطني الورد
طلال:يعطيه يشيل الدفع و كان داخل الأستقبال
الجد تركي:يلاه ادخلو
يدخلون
ويستقبلهم سعود و يدخلون الدفع و جاو حسين و عياله
ابو تركي:وش له الكلافه ياطلال منت غريب ولد عمها
طلال:يبتسم لا ياعم عادي و نوره تستاهل
مشاري:امسكوني لا اقوم اتوطى في بطنه شذا الخفه
طلال:يناظره بطرف عينه يضحك
عمر:تراك اعدا منه
مشاري:ياويلي ويلاه شوفو من يتكلم
ريان:يافضيحه انطم
تركي:ببغا ذا
عبدالرحمان:اول مره تركي يقول حق
تركي:طايح من عينك
ابو عمر:والله انكم توم وجيري خلاص اهجدو شوفو سلطان ساكت موب انتو يا ازعاج
مشاري:ياكبرهاا يايبههه ما لقيت الا سلطان
سلطان:يفصخ خذيانه"يكرم القارئ" والله لا تجي بنص جبهتك
ابو تركي:ما اكتمل المدح يضحك
الجد تركي:ياعيال دامنا بملكت طلال قدروه اهجدو
طلال:يناظرهم بلعانه و بضحك
ابو طلال:يضربه مزح على كتفه فكهم من نظراتك
طلال:شف نظرات مشاري يضحك
سلطان:ابي اعرف ليش وافقت عليك اليوم جلطني ما خلاني ارقد سردي مردي
ابو تركي:الحب وما يفعل بضحك
الجد تركي:خلاص عاد يضحك
يقاطعهم
ابو يزيد:سلام عليكم
كان كلهم عندهم خبر انهم بيجون يفزون وعليكم السلام
يجلسون يسلمون على بعض و يقهويهم دحوم و يسولفون و يتعرفون على بعض ويزيد جلس يعتذر ل ريان وانه غلط بحقه و عرف ان الي كان زوجها نذل و قال انه خطفها وووو...
عند البنات
ام يزيد:تدخل ياعرب
ام تركي:تفز الله حيهم الله حيهم قلطو قلطو تسلم عليهم و يدخلون يسلمون على الي داخل و ريم كانت عادييي مرهه معها تضحك وتسولف و مرتاحه من ناحية ريان و متأكده هي الوحيدة الي بقلبه و محد له محل غيرها بقلبه
يجي وقت المملك يملك و نوره تروح للمجلس عشان اخوانها
عند الرجال
طلال:بعد ما سأله المملكة قال قبلت ثلاث مرات وهو طاير من الفرحه
يضحكون و يباركون له و نوره الي قالت قبلت بعد يباركون لهم و فرحانين البيت كله فرحه يباركون ويرقصون لين جا وقت دخلو طلال البنات يتغطون نوره:بفستانها الموف الفاتح المنفوش و ضاهر كتفها و عنقها و ماسكه بقاتها الي تزيد الفستان جامل
البنات:واقفين ويناظرونها و يذكرون الله من جمالها
ام طلال و ام تركي:لاحظو الي في رقبت ريما
ام طلال:دلال تعالي بهمس تشدها
دلال:هلا يمه
ام طلال:اخذي اختك و خليها تغطي الي برقبتها بضحك
دلال:تلتفت تشوف احهه ياويلي البقره ما لاحضت
ام طلال:لا خذيها قبل يجي طلال بسرعه
دلال:ابشري تروح ل ريما بسرعه وتسحبها بدون كلام تروح فيها ل غرفت ريما
ريما:دلالل شفيسس طلالل بيدخل
دلال:معليس بس غطي الي برقبتس بسرعه
ريما:تغطيها بيدها بفشله واضح؟
دلال:عاد من قايل امي غطيها بسرعه
ريما:بوش ؟
دلال:تجلسها تجيب كونسيلر تغطيه
ريما:احه زينن عارفتي شكل عندس سوابق؟
دلال:حسبي الله امشي بسرعه تطلع وتنزل لتحت
ريما:تلحقها بضحك
ام تركي:تشدها تعالي ترفع شعرها تشوف لا زين اختفى
ريما:وشو تناظرها
ام تركي:بلاويك انتي ودحومم بضحك
ريما:تروح بسرعه للبنات بفشله
ام تركي:تشر ل لطيفه بأن الوضع تمام
طلال:يدخل بعد ما قالت له امه
نوره:متوترهه الفف
طلال:يناظرها انصدم مشاءالله تبارك ربي يأرض احفظي ما عليس بهمس
ريما:اخوي الغالي ندري انها حلوه رح اجلس يلاه بضحك
طلال:هينن بهمس يروح يجلس جنبها
نوره:كانت تناظر في الأرض و من اقبل عليها عطره وصلها ريحت عطره الي ادمنتها
طلال:يناظرها يبتسم مبروك ياقلبي بهمس
نوره:انلخمت وتوترت موب كأنها تزوجت ابداً من قبل
طلال:يمسك يدينها
نوره:تناظر يده
طلال:ارفعي راسس يمد يده ل فكها يرفعه
نوره:تناظر
طلال:"حتى القصايد في حسنس احتارت
لاقصيد ولا غزل يرضي جمالي "
نوره:طلال بهمس
طلال:قلبه وروحه
....
"انتهى"
أنت تقرأ
ليتني اقدر اعرف انا وش بالنسبه لك.....
General Fictionليتني اقدر اعرف انا وش بالنسبه لك.. ، ، رغم جرحه؟ كنت اسامح، كنت ابيه.. ، قلبي مو راضي يتقبل غيرك.. حساب الكاتبه انستا(ei0op) نوره✍🏻
